Favour Okumazor.: Iléèṣẹ́ ọlọ́pàá nípínlẹ̀ Ogun mú pásítọ̀ méjì tó sin òkú ọmọ ìjọ láì sọ fún ẹbí rẹ̀
Oríṣun àwòrán, Getty Images
Ileesẹ ọlọpaa nipinlẹ Ogun ti ṣafihan pasitọ kan, ati oluranlọwọ rẹ, ti wọn fi ẹsun kan pe o sin oku ọmọ ijọ rẹ kan lai sọ fun awọn ẹbi oloogbe.
Iroyin sọ pe lọjọ keji, oṣu Kẹwaa, ọdun 2021, ni Pasitọ Chidi Ejiogu ti ile ijọsin Life Buiders Network, Mowe, ati oluranlọwọ rẹ, Paul Zakari, ko awọn ọmọ ijọ wọn lọ fun ipagọ ẹkọ Bibeli ni abule Oyan, nipinlẹ Ogun.
Lara awọn ọmọ ijọ naa ni arabinrin ẹni ogun ọdun kan, ti wọn pe orukọ rẹ ni Favour Okumazor.
Àwọn iròyin tì ẹ leè ní ìfẹ̀ síí:
- "Táyà tírélà tó ta pàù lójijì lo fọ mi loju, di mi leti, o tun ge apa èmi àti ọmọ mi"
- "Ìgbà mẹ́wàá ní èmi àti aya mí ṣeré ìfẹ́ láàrin ọdún mẹ́ẹ̀dógún"
- Akẹ́kọ̀ọ́ kan kú mẹ́ẹ̀dógún fara pa nígbà tí ọkọ̀ iléẹ̀kọ́ wọ́n gbiná l‘Ondo
- Ìyá kan rí ẹ̀wọ̀n ọdún márùn-ún he nítorí ọrọ̀ ọmọ
- Ìbọn kò ran Tommy, làwọn afurasí ẹlẹ́gbẹ́ òkùnkùn bá fi àdá ṣa pa - Óṣojúmikòró
- Iléèṣẹ́ aṣojú America bẹ̀rẹ ètò físà fún àwọn ọmọ Naijiria láì ṣe ìfọ̀rọ̀wánilẹ́nuwò
- Portable Zazzu pàdánù eré tó yẹ kó lọ ṣe ní Canada, ìdí rèé
Ileeṣẹ iroyin Vanguard jabọ pe ipagọ Bibeli ọhun n lọ lọwọ, ni ajeji aisan kan deede kọlu gbogbo awọn olukopa nibẹ.
Favour la gbọ pe o n bì, to si tun n ṣe igbọnsẹ leralera ni ọjọ ti aisan naa bẹrẹ.
Nigba ti yoo si fi di oru ọjọ naa, o ti ku.
Nkan to wa jẹ iyalẹnu ni pe kiakia ni wọn sin oku rẹ si abule naa, lai sọ fun ẹbi rẹ pe ọmọ wọn ti ku.
Pasitọ Chidi sọ pe ikọlu lati inu ijọba okunkun ni nkan to ṣẹlẹ si awọn:
Nigba to ṣafihan awọn afurasi naa ni olu ileeṣẹ ọlọpaa nipinlẹ Ogun to wa nilu Abeokuta, kọmisanna ọlọpaa, Lanre Bankole, sọ pe ẹnikan ti ori ko yọ lara awọn ọmọ ijọ naa lo sa kuro ni abule Oyan, to si sọ nnkan to ṣẹlẹ fun awọn ọlọpaa.
Oun naa lo si ṣe atọna bi ọwọ ọlọpaa ṣe tẹ awọn afurasi mejeeji.
Nigba to n ba awọn akọroyin sọrọ, Pasitọ Chidi sọ pe ikọlu lati inu ijọba okunkun ni nkan to ṣẹlẹ si awọn.
O ni lootọ ni oun ṣakiyesi pe aisan kọlu gbogbo awọn ti oun ko lọ fun iṣẹ ihinrere, amọ ireti oun ni pe oun le fi igbagbọ wo wọn san, dipo ko gbe wọn lọ sileewosan.
O ṣalaye pe ọjọ kẹta ti ipagọ bẹrẹ ni iṣẹlẹ naa waye.
Ati pe oun kabamọ pe oun sin oku ọmọbinrin naa lai sọ fun awọn ẹbi rẹ.
Ipagọ adura ati ẹkọ Bibeli kii ṣe nkan to jẹ ajeji laarin awọn ẹlẹsin Kristiẹni, koda to fi mọ awọn ijọ nla to l'orukọ.
Ọpọ wọn si lo ma n sẹ ipagọ naa ni awọn ibi ti wọn ya sọtọ, to le jẹ ninu ile ijọsin wọn tabi nibomiran.
