Education: Ìjọba Oyo dá ẹ̀kọ́ nípa ìmọ̀ ìtàn "History" padà sí ilé ẹ̀kọ́ alákọ̀bẹ̀rẹ̀

Ijọba ipinlẹ Oyo ti pa laṣẹ fun awọn ile ẹkọ alakọọbẹrẹ ni ipinlẹ naa lati bẹrẹ kikọ awọn akẹkọọ ni imọ nipa itan 'History' lati ibẹrẹ saa eto ẹkọ kẹta ti ọdun 2021/2022.

Alaga ajọ eto ẹkọ kari aye, SUBEB ipinlẹ Oyo, Dr Nureni Adeniran lo sọ eyi nigba to sẹ abẹwọ si awọn ile ẹkọ alakọọbẹrẹ kan ni ilu Ibadan.

Adeniran dupẹ lọwọ awọn alakoso ajọ SUBEB fun bi wọn ṣe pin iwe itan bi 4950 si gbogbo ileẹkọọ alakọbẹrẹ ni ipinle Oyo.

O ni awọn iwe itan naa yoo fun awọn akẹkọọ ni anfaani lati mọ nipa iṣẹlẹ to ti kọja ki wọn le loo fun idagbasoke agbegbe wọn ati orilẹ ede Naijiria lapapọ.

Alaga SUBEB Oyo tun fi kun pe dida ikẹkọọ nipa imọ itan pada si yara awọn akẹkọọ kii ṣe wi pe yoo wulo fun awọn akẹkọọ nikan, awọn ọlukọ ile ẹkọ alakọọbẹrẹ naa yoo jẹ anfaani rẹ gẹgẹ bi o sẹ wulọ fun awọn aṣiwaju.