Mike Bamiloye: Inú bí mi sí fíìmù ayé tí Ogunde, Baba Sala àti Ade-Love máa ń ṣe ni mo fi bẹ̀rẹ̀ sinimá ẹ̀mí
Oríṣun àwòrán, Mikebamiloye/Instagram
Gbajúgbajà òṣèré sinimá nilana ẹsin Kristẹni, tii tun se olùdásílẹ̀ ẹgbẹ osere Mount Zion Ministry, Mike Bamiloye, tí ṣàlàyé lórí bí òun ṣe bẹ̀rẹ̀ ṣíṣe sinimá àti àwọn ìpèníjà tí òun ti kojú nígbà náà.
Bamiloye, tii se ẹni ọdún mọ́kànlelọ́gọ́ta náà ló bọ́ sójú òpó instagram rẹ̀ láti ṣàlàyé bí ó ṣe bẹ̀rẹ̀ ìrìnàjò ìdásílẹ̀ ileesẹ iransẹ Mount Zion Ministry.
Ó ní ọmọ ọdún márùn-úndinlọ́gbọ́n ni òun, nígbà tí òun wo fíìmù India kan tí ó ń fi títóbi oṣó àti ajẹ́ hàn nínú sinimá náà, àti pé èyí ló bí òun nínú láti gbaná jẹ fún Ọlọ́run.
- Ẹjọ́ ń bẹ lọ́run fún gbogbo ẹ̀yin tí kò wàásù fáwọn tó ń tẹ lé yín lórí Instagram àti Facebook- Mike Bamiloye
- Ọ̀rẹ́ wa ni Lawrence jẹ́, àmọ́ ó gbẹ̀yìn dẹ́nu ìfẹ́ kọ abúrò wa - Joshua àti Damilola Bamiloye
- Ìwọ tó ń ṣí ara sílẹ̀ lọ ṣọ́ọ̀ṣì, ṣé apàyàn kọ́ ni ẹ́ báyìí?- Mike Bamiloye
- O kú ogun àjàyé Tope Alabi, odò Jodani lo ṣẹ̀ṣẹ̀ là kọjà yìí o! Àmọ́ rántí pé ... - Mike Bamiloye
- Wo nkan tó yẹ́ kí o mọ̀ nípa gbajúmọ̀ oníwàásù 'Lórí irọ́'
"Àkòrí fíìmù náà ni "WHEN THE POWER CHANGE Hands", mo wo sinima naa nígbà tí mo wà ní ọmọ ọdún márùn-úndinlọ́gbọ́n lọdún 1985, mò si ń gbóná fún Ọlọ́run pẹ̀lú ìran àgbàyanu láti sìn.
A ṣẹ̀ṣẹ̀ dá Mount Zion Ministry silẹ ni, a ṣẹ̀ṣẹ̀ ń ṣe ètò ìpàdé àdúrà ni.
Mo ní amóhùnmáwòràn aláwọ̀ dúdú àti funfun nígbà náà, tí mo gbé si ori àpótí nínú yàrá kan tí mo ń gbé.
Ní alẹ́ ọjọ́ kan, mo wo sinimá India kan tí ó sì ká mì lára láti ìbẹ̀rẹ̀ de òpin.
Láti ìbẹ̀rẹ̀ eré náà dé òpin ni mo fi ọkàn sí ṣùgbọ́n nígbà tí mo wòó tán, mo bú sẹ́kún, mo sá lọ sí àárín ọ̀dẹdẹ̀ ilé mi mo wa n kígbe lóhùn rara.
"Jésù! lo mi! Jésù! Mo fẹ́ ṣe sinimá fún ọ! Na ọwọ rẹ lé mi kì ó lò mi! Ràn mí lọ́wọ́ láti ṣe sinimá fún ọ!"
This article contains content provided by Instagram. We ask for your permission before anything is loaded, as they may be using cookies and other technologies. You may want to read Instagram cookie policy and privacy policy before accepting. To view this content choose 'accept and continue'.
End of Instagram post
Bamiloye ni kò ye òun bí òun yóò ṣe wo sinimá tí kìí se tí ẹ̀mí, tí ìsọjí yóò sì bẹ́ sílẹ̀ nínú ayé oun.
Ó ní òun ti o wu òun jùlọ ni láti ṣe sinimá fún Ọlọ́run, ti èyí sì ń gbòòrò sì lojojumọ́
"Inú ń bí mi sí gbogbo àwọn sinimá ayé tí wọ́n ń ṣe nígbà yẹn, kò tíì sí Nollywood nígbà náà"
Ṣùgbọ́n àwọn sinimá Hubert Ogunde bí Aiye, Jayesinmi, Aropin-Nteniyan, Ayanmo.
Àti fíìmù Moses Olaiya (Baba Sala) bi: Mosebolatan, Orun Mooru, Diamond, àti àwọn fíìmù tí Ade Afolayan (ADE Love) ṣe bi Taxi Driver."
Gbajúgbajà òṣèré tó ṣe sinimá Abejoye tun ṣàlàyé pé, ní àsìkò náà kò sí Nollywood ṣùgbọ́n iná Jésù ń jó gidi nínú òun.
O ni inu a máa bí òun sì àwọn sinimá tí wọn máa fi ń hàn ní ilé ìjọsìn lásìkò ìsọjí, tí ènìyàn kò ní gbọ́ nnkan ti àwọn oyinbo ń sọ, tí ẹni tó ṣe òngbifọ̀ náà yóò máa sọ ń kan tó bá bọ́ síi lẹ́nu
Ó ní èyí gan ni àwọn nǹkan tí ó má ń bí òun nínú, ti oun se fẹ́ sinimá tí Naijiria fún àwọn Kristẹni.
Àwọn iròyin tì ẹ leè ní ìfẹ̀ síí:
- Ó dìgbà tí mo bá lọ, kí Nàìjíríà tó mọ iyì mi - Buhari
- Buhari ṣíjú àánú wo àádọrin Sọ́jà tó gbọjọ́ ikú, bo ṣe ń dárí jin àwọn Boko Haram tó ronú pìwàdà - Falana
- "Alhaji Fatai, ti DSS pa nílé Sunday Igboho ni kò ríran"
- Wo ìpínlẹ̀ mọ́kànlá tí ìdaranjẹ̀ ti di èèwọ̀ ní gúúsú Nàíjíríà
- UK ya kúrò lára EU, Yorùbá le yapa lára Nàíjíría tí kò bá sí ìwé òfin tuntun - Gbadamosi, Ilana Omo Oodua
- Wo àwọn ọmọ ìgbìmọ̀ ìṣejọba tí Ààrẹ Buhari yọ nípò àti àwọn tó fi rọ́pò wọn
- O ti di èèwọ́ láti ṣẹ̀ oyún lẹ́yìn ọ̀sẹ̀ mẹ́fà ní ìpínlẹ̀ yìí
- Buhari, àbẹ́rẹ́ àjẹsára kàńpá kọ́ ló kàn bí kò ṣe ko kọ́kọ́ mú ara dẹ ìlú - Aráàlú faraya
"Mo lọ sí ọgbà ilé ẹ̀kọ́ Fáṣítì Ife ni gbọ̀ngàn Odùduwà nígbà naa, lati lọ wo sinimá Hubert Ogunde tí àkọlé rẹ ń jẹ́ AIYE.
Lẹ́yìn tí sinimá náà tan ní bí aago mọ́kànlá alẹ́, mo jáde ní gbọ̀ngàn náà báyìí, ọkàn mi kún fún èrò láti ṣe nǹkan fún Jésù ni, inú mi bajẹ́ gidi."
Amọ lẹyin akoko naa ni Mike Bamiloye gbe ọpọ sinima ẹmi jade, ninu rẹ si ni sinima olokiki ‘Agbara Nla’, to se afihan bi agbara Jesu se ju agbara awọn mi okunkun lọ.
