Abortion pills images and names: Ìjọba Texas fòfin de oyún ṣíṣẹ́ lẹ́yìn ọ̀sẹ̀ mẹ́fà

Ijọba ipinlẹ Texas, nilẹ Amẹrika ti buwọlu ofin tuntun kan ti ko faye gba awọn obinri lati ṣẹ oyun ti ọjọ ori rẹ ba ti kọja ọsẹ mẹfa.

Ofin tuntun naa sọ pe o ti di eewọ ki wọn ṣẹ oyun lasiko yii nitori ọmọ inu ọhun yoo ti maa mi lasiko naa.

Ofin ọhun to jẹ ọkan gboogi lara ofin to lagbara julọ ni Texas di ofin lẹyin ti ile ọjọ giga ipinlẹ naa kọ lati tẹti si ẹbẹ awọn to maa n ṣẹ oyun.

Ẹwẹ, ọpọ awọn dokita atawọn ẹgbẹ to n ja fun ẹtọ obinrin ti bu ẹnu atẹ lu ofin tuntun ọhun.

Ofin naa fun awọn eeyan laṣẹ lati pe eyikeyiu dokita to ba ṣẹ oyun ti ọjọ ori rẹ ti le ni ọsẹ mẹfa lẹjọ.

Gomina ipinlẹ Texas, Greg Abbott lo buwọlu ofin naa ti wọn n pe ni "Heartbeat Act."

Ṣugbọn awọn ẹgbẹ ajafẹtọ ọmọniyan kan bii Planned Parenthood ati American Civil Liberties Union, ACLU, ti ke si ile ẹjọ to ga julọ nilẹ ọhun lati wọgile ofin naa.

ACLU sọ pe ida aadọrun oyun ti wọn n ṣẹ nilẹ Amẹrika ti dagba ju ọsẹ mẹfa lọ, nitori naa, ofin tuntun naa "ko ba ofin mu."

Ile ẹjọ giga naa ṣi lagbara lati da ofin tuntun ti ipinklẹ Texas gba kalẹ yii danu.

Ki lo wa ninu ofin naa?

Lọdun 1973, ile ijọ giga julọ l'Amẹrika sọ pe awọn obinrin le ṣẹ oyun ti oyun naa ko ba tii to oṣu marun un si mẹfa.

Ṣugbọn ofin tuntun ti ipinlẹ Texas yii sọ pe awọn obinrin ko le ṣẹ oyun mọ lẹyin ọsẹ mẹfa, asiko yii si jẹ asiko ti ọpọ obinrin ko tii ni mọ pe oyun ti duro lara awọn.

Ofin tuntun ti Texas yii tun sọ pe araalu le pe ẹnikẹni lẹjọ, niwọn igba ti ẹni naa, yala dokita tabi obinrin, ba ṣẹ oyun lẹyin oṣu mẹfa.

Ẹwẹ, ofin ọhun sọ pe eeyan le ṣẹ oyun lẹyin ọsẹ mẹfa ti ẹmi alaboyun ọhun ba wa ninu ewu.

Wayi o, awọn obinrin ni Texas ti wọn ba fẹ nifẹ si oyun ṣiṣẹ yoo ni lati tẹkọ leti lọ si ipinlẹ miran ti oyun ọhun ba ti le ni oṣu mẹfa.