Bobrisky: Ìrora iṣẹ́ abẹ ìdí náà pọ̀ àmọ́ n kò kábàámọ̀ pé mo ṣe é

Gbajumọ akọ to n mura bii abo, Idris Okunneye, ti ọpọ eeyan mọ si Bobrisky, ti kede pe wọn tun ti gbe oun digba-digba lọ sile iwosan.

Bobrisky, ẹni to kede isẹlẹ laa loju opo Instagram rẹ lọjọ Aje, lo se isẹ abẹ idi nla, ti wọn si fa ọra kuro ni inu ikun rẹ, itan ati igegeru.

Awọn ọra yii ni wọn lẹ mọ ibadi rẹ, ko le tobi si, ti yoo si dabi idi nla ta mọ awọn obinrin mọ.

Bobrisky, ẹni to ti kede saaju pe oun n jẹ irora to lagbara lati ipasẹ isẹ abẹ naa, tun salaye pe wọn ti gbe oun pada lọ sile iwosan lọjọ Satide.

"Wọn tun ti gbe mi digba-digba pada sile iwosan to sun mọ mi ni alẹ ọjọ meji sẹyin nitori irora nla ti mo n jẹ tori isẹ abẹ idi ti mo se.

Amọ n ko kabamọ rara! Laipẹ ni n maa ju idi mi...bi o tilẹ jẹ pe mo ti n reti tẹlẹ pe maa jẹ irora tori isẹ abẹ naa.

Lasiko yii, owo ti maa ma gba yoo lọ soke si, o si yẹ kẹ ri idi mi bayii, o ti tobi daadaa si, ti yoo si maa dawọn eeyan lọrun."

Àwọn iròyin tì ẹ leè ní ìfẹ̀ síí:

Bakan naa ni Bobrisky tun sisọ loju rẹ pe o kuku nidi ti oun fi n se isẹ abẹ idi naa nitori kii se oju lasan ni oun fi n se.

O salaye pe oun n fara da irora ọhun lati sisẹ abẹ idi yii nitori ololufẹ oun, tii se olowo rẹpẹtẹ ni, ki oun le tubọ maa da lọrun.

Gbajumọ onisowo ipara naa fikun pe eyi yoo tubọ mu ki ololufẹ oun naa tubọ maa na owo rẹpẹtẹ fun oun ni.

Ikede Bobrisky yii si ti n mu kawọn oloufẹ rẹ fesi si ọrọ naa, bi awọn kan si se n ki pe o pẹlẹ, tori irora naa, ni awọn miran n sọ pe o daa bẹẹ fun.

Bobrisky fi òkò ọ̀rọ̀ ránṣẹ́ sáwọn tó ń ro ikú rò ó torí iṣẹ́ abẹ ìdí tó ṣe

A ti kọkọ mu iroyin wa fun yin pe, gbajugbaja ọkunrin to maa n mura bii obinrin, Idris Okunneye, ti ọpọ eeyan mọ si Bobrisky, ti sọrọ lori iṣẹ abẹ to lọ ṣe si ibadi rẹ lẹnu ọjọ mẹta yii.

Ṣaaju ni Bobrisky ti kọkọ n wa ẹkun mu loju opo Snapchat rẹ, nibi to ti ṣalaye pe inu irora nla ni oun wa nitori iṣẹ abẹ naa, eyii to mu ki ọpọ awọn ololufẹ rẹ bẹrẹ si n kaanu rẹ.

Ṣugbọn o dabi pe ẹkọ ti n fi oju mumu han fun Bobrisky bayii to tun ti sọrọ loju opo Instagram rẹ, nibi to ti ṣalaye fun awọn ololufẹ rẹ nibi to ba iṣẹ abẹ naa de.

Àwọn ìtàn mánigbàgbé tì ẹ leè ní ìfẹ̀ síí:

Gẹgẹ bo ṣe sọ, ara rẹ ti n da ṣaka lẹyin iṣẹ abẹ naa, awọn irora to farada ṣaaju si ti n dinku.

O ni laipẹ ni oun yoo fi ara oun han fun awọn toun ki wọn le foju ganni ayipada to de ba ibadi rẹ lẹyin iṣẹ abẹ naa.

Ninu atẹjade ọhun lo tun ti fi ẹmi imoore han si ọkan pataki lara awọn ọrẹ to duro tii lasiko ti wọn n ṣiṣẹ abẹ naa.

O ni "Mo dupẹ lọwọ ọrẹ mi pataki to duro ti mi lasiko ti mo n ṣiṣẹ abẹ lọwọ, mo mọ pe ifẹ to ni si mi ko ni nnkankan lati ṣe pẹlu owo.

Sugbọn o jẹ ifẹ atinu ọkan wa. Mo dupẹ lọwọ rẹ fun ibadọrẹpọ rẹ lati nnkan bi ọdun marun un sẹyin wa."

Ẹwẹ, lẹsẹ kan naa ni Bobrisky tun bu ẹnu ẹtẹ lu awọn eeyan kan, to fi ẹsun kan pe ifẹ oju lasan ni wọn ni si oun.

Bobrisky ni ọpọ eeyan lo n fẹ ki oun ku lasiko iṣẹ abẹ ti oun ṣe, ṣugbọn awọn eeyan kan naa lo n sọ pe awọn n saaro oun lori ayelujara.

Gẹgẹ bo ṣe sọ, irufẹ awọn eeyan bẹẹ ko ṣe fọkan tan nitori ifẹ oju lasan ni wọn ni si oun.

O wa fi da awọn ololufẹ rẹ loju pe oun ṣi n pada bọ lori ayelujara laipẹ ati pe ipadabọ Abija oun naa yoo lekenka.

O ni inu oun dun pe oun ṣe iṣẹ abẹ ki ara oun le ri bi oun ṣe fẹ ko ri, eyii si mu inu oundun gidi.

Yatọ si iṣẹ abẹ to ṣe, Bobrisky tun sọ pe oun ti ṣetan lati na owo ti iye rẹ ko din ni ẹgbẹrun lọna ogoje naira lori ọkọ ayọkẹlẹ tuntun.

Bakan naa lo tun ṣalaye pe oun yoo ra ile tuntun kan ti iye rẹ to irinwo miliọnu naira.

Gẹgẹ bii ohun to sọ, gbogbo awọn afojusun wọnyi ni yoo mu ṣe titi oṣu Kẹjọ ọdun yii.

Bobrisky pari ọrọ rẹ pe ara ọtọ ni oṣu Kẹjọ naa yo jẹ nitori awọn ohun meremere ti oun ti ni lọkan lati ṣe.