Sunday Igboho: Olùkówójọ gbọnmú fún agbẹnusọ Igboho tó ní ₦2.5m kìí ṣe bàbàrà fún owó oúnjẹ

Awuyewuye ti n waye lori owo kan ti iye rẹ to miliọnu meji abọ naira ti awọn eeyan da lati ṣagbatẹru ijijagbara ti Oloye Sunday Igboho n ja fun ilẹ Yoruba.

Gẹgẹ bii ohun ti a gbọ, awọn eeyan da owo naa si ikawọ arabinrin kan ti orukọ rẹ n jẹ Maureen Badejọ, to si yẹ ki Maureen fi owo ọhun ṣowọ si Oloye Igboho.

Wahala bẹ silẹ lẹyin ti Maureen sọ pe oun fi owo naa ṣọwọ si Olayomi Koiki, ti ọpọ mọ si Koiki Media, to jẹ agbẹnusọ ajijagbara naa.

Àwọn iròyin tì ẹ leè ní ìfẹ̀ síí:

Iroyin naa ni lẹyin ti Koiki gba owo naa tan, ko fidi rẹ mulẹ fun Maureen pe owo naa ti de ikawọ oun fun nnkan bi ọsẹ meji.

Ko pẹ si asiko yii ti awuyewuye bẹrẹ si n waye lori owo naa, ti wọn pe ni owo ounjẹ.

Idi ree ti Muareen fi ṣe fidio kan, nibi to ti kesi Koiki lati wa sọ boya o ti gba owo naa tabi ko tii gba.

Bo tilẹ jẹ pe ibeere ọhun ati gbagede eto ti Muareen ti beere nipa owo naa ko dun mọ Koiki ninu, o fesi pe lootọ ni oun gba owo ọhun gẹgẹ bii owo ounjẹ.

Gẹgẹ bii ohun ti Maureen sọ, o ni oun n reti ki Koiki kede pe oun ti gba owo naa, ki awọn eeyan to da owo ọhun le mọ bo ṣe n lọ.

Nigba ti Maureen n beere lọwọ rẹ, idi ti ko ṣe fi ohun ransẹ pe oun ti gba owo naa lẹyin ọsẹ meji, ni Koiki ba dahun pe owo ounjẹ lasan ni N2.5 miliọnu, ati pe kii ṣe nnkan babara nitori awọn eeyan ti da owo to ju bẹẹ lọ fun ijagbara ọhun.

Ọrọ ti Koiki sọ yii, pe owo na ko jẹ tuntun ati nnkan babara lobi Muareen ninu, to bẹẹ ti awọn mejeji fi n ta ohun sira wọn.

Lẹyin naa ni Maureen ni ki Koiki fi ori eto oun silẹ.

Gbas gbos to waye laarin Maureen ati Koiki ti wa mu ki obinrin naa ke si ileeṣẹ GoFundMe lati da gbogbo owo to gba lọwọ ara ilu to nifẹ lati ṣagbatẹru ijijagbara ti Sunday Igboho n ṣe, pada fun wọn.

Ti ẹ ko ba gbagbe, oṣu diẹ sẹyin ni Ololye Sunday Igboho kede Koiki Media gẹgẹ bii ojulowo agbẹnusọ oun, lẹyin ti awọn kan bẹrẹ si ni ṣi oriṣiri oju opo lorukọ rẹ.

Níbo ní £46,933 owó ìrànwọ́ tí wọn dá fún Sunday Igboho wa?

Awuye wuye ti n waye lori owo iranwọ fun isẹ ijijagbara ti wọn da fun Oloye Sunday Igboho, tii se ajijagbara kan fun iran Yoruba.

Idi ni pe Igboho ti kede fun araye pe oun ko gba owo kankan to to ogoji miliọnu naira tawọn eeyan kan n pariwo pe wọn ko fun oun.

Igboho, ninu fidio kan to ti bawọn araalu atawọn ọmọlẹyin rẹ sọrọ lọjọ Aiku ni ọrọ yii ti jẹyọ.

O ni "Owo ti wọn ni wọn da fun mi, pe wọn gbe ogoji miliọnu naira fun mi, n ko gba owo kankan lọwọ ẹnikẹni.

Miliọnu mẹfa ati aabọ naira (N6.5m) pere lo tẹ mi lọwọ. Awọn ti mo sọrọ wọn jade ninu fidio ti mo se nikan lo fun mi lowo naa, mo si kede rẹ nigba naa."

Ajijagbara ọmọ Yoruba naa fikun pe "owo rẹpẹtẹ ti wọn da fun Maureen, a ko ri gba, gbogbo ẹnu ni mo fi sọ.

Awọn eeyan kan fọkan si pe mo gba ogoji miliọnu naira, amọ n ko ri gba. Madam Maureen naa ni oun ko ri owo naa gba.

O ni GoFundme ko gbe owo naa kalẹ, n ko si sọ ohunkohun, tori owo naa kọ la n na."

Sunday Igboho ni ojoojumọ ni awọn n dana pẹlu awọn ọmọlẹyin oun, tawọn n jẹun, da epo sinu ọkọ tawọn n gbe kiri.

Amọ o fikun pe yiyọ ẹkun oun lori ọrọ naa, ti ojo kọ rara.

Ibeere to wa n gba ẹnu ọpọ eeyan ni pe nibo ni owo tuulu yii wa nigba ti ko de ọdọ Sunday Igboho?

Ogundamisi sọrọ lori owo iranwọ ti wọn kojọ fun Igboho

Sugbọn lẹyin ọjọ kan ti Sunday Igboho sọrọ yii lori ayelujara, ni gbajumọ kan nipa ohun to n lọ lawujọ, Kayode Ogundamisi fi ikede kan soju opo Twitter rẹ nipa owo naa ni aarọ ọjọ Aje oni.

Ninu ikede naa ni Ogundamisi ti salaye pe obinrin kan, Maureen Badejo, ti wọn fi ẹsun ikowojẹ kan, ti kọwe si ajọ GoFundMe pe ko da owo to din diẹ ni miliọnu mẹtadinlaadọta pọun (£46,933) pada.

Owo iranwọ yii, to ni wọn ko jọ fun Sunday Igboho lo ni ki ajọ naa da pada fun awọn eeyan to da owo naa.

Àwọn iròyin tì ẹ leè ní ìfẹ̀ síí:

Nibayii, BBC Yoruba ti n gbe igbesẹ lati ba Maureen Badejo sọrọ lori isẹlẹ yii lati mọ ibi ti ọrọ owo owo iranwọ naa de duro ati bi owo naa se rin.

Bo ba se lọ si, a maa mu iroyin ọhun wa fun yin.