Sunday Igboho: OPC fẹ́ k'awọn oríadé Yorùbá parí aáwọ̀ láàrín Igboho àti Seyi Makinde
Oríṣun àwòrán, Facebook/Seyi makinde
Yoruba ni agba kii wa lọja, ki ori ọmọ tuntun wọ
Eyi lo mu ki ẹgbẹ apapọ ọmọ Oodua, OPC fi n kesi awọn lọbalọba ilẹ Yoruba pe ki wọn wa ọna lati pari aawọ to n waye laarin Gomina Seyi Makinde ati Sunday Igboho.
Arọwa naa ni OPC, ẹka tipinlẹ Oyo fi sita fun awọn akọroyin lẹyin ipade wọn kan to waye nilu Ibadan.
- Seyi Makinde lo ṣí ilé mi tó jóná pẹ̀lú ‘transformer 500kva’ - Sunday Igboho
- Àwọn ọ̀tá kan ń lo ìwà akọni Sunday Igboho láti bà mí lórúkọ jẹ́ - Gani Adams
- Ìkórira ní kò jẹ́ kí alátakò rí aáyan mi lórí ààbò Oke Ogun àti Ibarapa - Seyi Makinde
- Nkan márùn ùn nípa Ọgágun Attahiru, òkúta tí Burati kọ̀ sílẹ̀, tó padà di igun ilé
- N kò fẹ́ oyè ọ̀gá àgbà páta fún ikọ̀ Amotekun nílẹ̀ Yorùbá - Sunday Igboho yarí
- Sunday Igboho yarí lórí àwọn ‘ọ̀rọ̀ ìbajẹ́’ tí Babafemi Ojudu kọ nípa rẹ̀
- Àwọn jàǹdùkú yìnbọn sókè lọ́pọ̀ ìgbà kí wọn tó jó ilé Sunday Igboho - Ọlọ́pàá Oyo
- N kò le ṣàtìlẹyìn fún arúfin láti tán ìṣòro ètò ààbò - Seyi Makinde
- Àwọn ọ̀tá kan ń lo ìwà akọni Sunday Igboho láti bà mí lórúkọ jẹ́ - Gani Adams
- Ìkórira ní kò jẹ́ kí alátakò rí aáyan mi lórí ààbò Oke Ogun àti Ibarapa - Seyi Makinde
Alaga ẹgbẹ OPC ni ipinlẹ Oyo, Rotimi Olumo ni ''o ṣe pataki lati wa wọrọkọ fi ṣada pẹtu aawọ naa, paapa lasiko yii tilẹ Yoruba n koju ipenija aabo lọwọ awọn darandaran Fulani''
Oríṣun àwòrán, OPC
Olumo ni ṣiṣe atunto eto aabo ṣe pataki ati pe idunkoko mọ Igboho ko le seso rere nitori eyi kii ṣe ọna abayọ si ọrọ to wa nilẹ naa.
''Abẹwo Igboho si Igangan jẹ igbesẹ to tọ, a ko si gbọdọ fi da wahala silẹ laarin rẹ ati aarẹ Ọnakakanfo ilẹ Yoruba''
O fi kun pe ''Sunday Igboho ti ṣe iṣẹ ribiribi lati mu alaafia ba ilẹ Yoruba, awọn lọbalọba wa ni lati bẹnu atẹ lu iwa aburu ọwọ awọn Fulani, wọn ko si gbọdọ jẹ ki wọn bori wa''
Bakan naa ni Olumo bẹnu atẹ lu bawọn kan ti ṣe lọ fina si ile Igboho to wa ni agbegbe Soka.
O wa kesi awọn alaṣẹ lati ri wipe gbogbo awọn to mọ nipa iṣẹlẹ ọhun foju wina ofin.
