Sunday Igboho: Báwọn ọmọ Wakili tó pa èèyàn mẹ́rin sá wọ ihò ilẹ̀, màá rí wọn mú
Oríṣun àwòrán, @marketdigestng
Oloye Sunday Adeyemo, ti ọpọ mọ si Sunday Igboho ti bẹrẹ iṣẹ ijijagbara rẹ pada, lati le awọn ọdaran Fulani kuro nilẹ Yoruba.
Agbegbe ti Igboho dojukọ lọtẹ yii ni ilu Idere to wa nipinlẹ Oyo.
Idi ree ti Sunday Igboho ṣe ṣabẹwo si Onidere ti ilu Idere, Ọba Kingsley Onikola Oyelami, lati fi to ori ade naa leti nipa igbesẹ to fẹ gbe nilu naa.
- Àwọn ọ̀tẹlẹ̀múyẹ́ tó dá mi lọ́nà lọ́jọ́ Ẹtì fẹ́ pa mí ni -Sunday Igboho
- Ǹkan tÍ Sunday Igboho ṣe ní Ibarapa tún ti ṣelẹ̀ ní ìpínlẹ̀ Ogun- Olórí Miyetti Allah ilẹ̀ Yorùbá
- Wo ohun tí BBC rí nílé Seriki Fulani ní Igangan
- Orí mi wú báwọn oríadé ṣe ní kò sí ààyè mọ́ láfi fi ọmọ Yorùbá ṣètùtù Nàìjíríà - Sunday Igboho
- Sunday Igboho wà lọ́nà Ibarapa, Seriki Fulani ní àwọn kó níbiì lọ, àrọ̀wà ló kù fúnwà
- Wo ǹkan mẹ́fà tó yẹ kí o mọ̀ nípa Sunday Igboho tí orúkọ rẹ̀ gbẹnu aráyé kán
- Ògo ilẹ̀ Yorùbá ní Sunday Igboho jẹ́, ẹ́ kò gbọdọ̀ jẹ́ kí ìràwọ rẹ̀ wọlẹ̀ - OPC
Ninu fidio kan to n ja rain lori ayelujara ni Igboho ti sọ fun ori ade ọhun atawọn eeyan to wa ni aafin rẹ pe, inu oun ko dun si iroyin tuntun ti oun gbọ pe awọn ọdaran Fulani darandaran pa eeyan mẹrin niluu naa.
Gẹgẹ bo ṣe sọ, awọn afurasi apaayan ọhun jẹ ọmọlẹyin Iskilu Wakili, ti awọn ọmọ ikọ OPC fi ṣinkun ofin mu ṣaaju lori oniruru ẹsun ijinigbe ati ipaniyan lagbegbe Ibarapa.
O ni "nigba ti mo gbọ ọrọ yẹn pe awọn ọmọlẹyin ọgbẹni Wakili yẹn tun paayan lagbegbe yii, o jẹ nnkan iyalẹnu fun mi."
Àwọn iròyin tì ẹ leè ní ìfẹ̀ síí:
- Oloolu lọ ṣètùtù kí òjò rọ̀ n‘Ibadan, áwọn jàǹdùkú kọ lù ú, ọ̀pọ̀ ṣèṣe, ẹ̀mí sì bọ́
- Ọmọ ọdún mẹ́rìnlá làwọn ọkùnrin ti ń fipá bá mi lòpọ̀ nígbà márùn-ún - Iyabo Ojo
- Àwọn agbébọn láti Òkè Ọya ń wa góòlù ní Ilesa, Owo àti Igangan láì sí ìdíwọ́ - Gani Adams
- Ẹ fi ilẹ̀ tí a kò lò hááyà fáwọn darandaran bíi ibùdó ọ̀sìn màálù - Tinubu
- Ondo ló lékè nínú ìpínlẹ̀ tó lùgbàdì àrùn Coronavirus júlọ ní Ọjọ́ Àbámẹ́ta
- Ẹ jọ̀wọ́ ẹ wá tún wa sílẹ̀, àwọn àjínigbe yìí le ṣe ohunkóhun fún wa
- Ìhòhò ọmọlúàbí ní òṣèrébìnrin yìí fi lọ sí àmi ẹ̀yẹ tí wọ́n pè é sí
"Ko yẹ ki a wa lori ilẹ wa ki awọn Fulani maa wa pa wa lori ilẹ wa, ko yẹ ka ma le sun lori ilẹ wa."
Igboho tẹsiwaju pe, oun gbọ nipa agbegbe kan ti awọn afurasi naa ti n wa kusa ni ilu naa ati pe, oun ti ṣetan lati le wọn kuro lagbegbe ọhun.
O tẹsiwaju pe "a fẹ ṣewadii awọn Fulani to pa eeyan mẹrin, bi wọn ba wọ inu iho ilẹ, n o wa wọn kan."
Ajijagbara naa ni oun atawọn eeyan oun ti ṣetan lati fun awọn to n wa kusa lagbegbe ọhun ni gbedeke akoko ti wọn yoo fi ibẹ silẹ.
Igboho pari ọrọ rẹ pe "a o de ibi kusa yẹn, a o si ri pe a le gbogbo bororo ati Fulani to n wa kusa kuro nibẹ patapata laṣẹ ẹyin baba wa ti ẹ bi wa."
"Ti ọmọ Yoruba ba nifẹ si ati maa wa kusa a o fi wọn sibẹ, awa ni a ni ilẹ ṣugbọn Fulani lo n wa kusa nibẹ, ko dẹ yẹ ko ri bẹẹ."
Ṣaaju ni Igboho ti kọkọ lọ si ilu Igangan, ni Ibarapa yii kan naa lati le awọn Fulani darandaran kan kuro lagbegbe ọhun lẹyin iku Ọmọwe Faborode, ti wọn fẹsun kan pe awọn darandaran naa ṣekupa.
Igbesẹ ọhun mu ki ọpọ eeyan kan sara si Igboho kaakiri ni Naijiria ati loke okun, ti awọn kan si n woo gẹgẹ bii Mesaya iran Yoruba lakoko yii.
