Aarun ọpọlọ: Ma se iyemeji lati wa itọju to peye - Dokita
Oríṣun àwòrán, AFP
Isẹlẹ ibi kan waye laipẹ yii nibiti ọkunrin kan, ẹni ọdun mẹtadinlaadọta, Stephen Nnadiogo ti pa awọn ọmọ rẹ mẹrẹẹrin ati ọmọ ọdọ rẹ, to si tun gbẹmi ara rẹ.
Ọjọ buruku esu gbomimu ni ọjọ naa jẹ fun awọn aladugbo Awada Obosi, nijọba ibilẹ ariwa Idemili nipinlẹ Anambra nibi ti isẹlẹ naa ti waye.
Alukoro ileesẹ ọlọpa nipinlẹ Anambra, Nkeiruka Nwode, to fidi isẹlẹ naa mulẹ, ni lootọ ni Nnadiogo seku pa awọn ẹbi rẹ to si tun gbẹmi ara rẹ.
O ni, oun to fa ki ọkunrin naa wu iru iwa bẹẹ ko tii ye awọn, sugbọn iwadi nlọ lati fidi ọrọ naa mulẹ.
O se se ko jẹ aarun ọpọlọ lo n baa ja
Oríṣun àwòrán, Mustapha Maruf
Onimọ ijinlẹ kan, Dokita Mustapha Maruf Damilọla, to jẹ akọwe agba nile iwosan alarun ọpọlọ nilu Eko ni, aarun ọpọlọ lo lee mu ki eniyan sekupa awọn ẹbi rẹ.
O sọ wipẹ irufẹ aarun to lee sokunfa isẹlẹ yi, taa wo alaye toun gbọ ninu iroyin naa, ni aarun ọpọlọ tawọn oloyinbo npe ni ‘Schizophrenia.'
O wa rọ awọn ara ilu lati gbe awọn to ni iru ipenija bayii wa sile iwosan fun itọju to peye.
Awọn iroyin ti ẹ lee nifẹẹ si:
