రెజ్లర్లకు, ప్రభుత్వానికి మధ్య రాజీ కుదిరిందా, చర్చల్లో ఏం నిర్ణయించారు?

భారత రెజ్లింగ్ సమాఖ్య అధ్యక్షుడు బ్రిజ్ భూషణ్ శరణ్ సింగ్‌ లైంగిక వెధింపులకు పాల్పడ్డారని, ఆయన్ను పదవి నుంచి తొలగించాలని డిమాండ్ చేస్తూ భారత రెజ్లర్లు కొంతకాలంగా ఆందోళన చేస్తున్నారు.

ఈ నేపథ్యంలో, జూన్ 7, బుధవారం కేంద్ర క్రీడా శాఖ మంత్రి అనురాగ్ ఠాకూర్‌ రెజ్లర్లతో సమావేశమయ్యారు. వీరి మధ్య సుదీర్ఘ చర్చ జరిగింది.

అనంతరం, అనురాగ్ ఠాకూర్ మాట్లాడుతూ, బీజేపీ ఎంపీ, రెజ్లింగ్ సమాఖ్య అధ్యక్షుడు బ్రిజ్ భూషణ్ శరణ్ సింగ్‌ కేసుపై దర్యాప్తు జూన్ 15 నాటికి పూర్తవుతుందని తెలిపారు.

"దర్యాప్తు పూర్తయిన తరువాత చార్జిషీట్ దాఖలు చేయాలని సమావేశంలో నిర్ణయించాం. మేం ఇది చేస్తాం" అని ఆయన చెప్పారు.

రెజ్లర్లను చర్చకు ఆహ్వానించిన ప్రభుత్వం

కేంద్ర ప్రభుత్వం రెజ్లర్లను చర్చలకు ఆహ్వానించింది. బుధవారం రెజ్లర్లు బజరంగ్ పునియా, సాక్షి మాలిక్, రైతు నాయకుడు రాకేశ్ టికైత్ చర్చల కోసం క్రీడా మంత్రి అనురాగ్ ఠాకూర్ ఇంటికి వెళ్లారు.

సుమారు ఆరు గంటల పాటు ఇరువర్గాల మధ్య చర్చలు సాగాయి.అనంతరం, సమావేశం సానుకూలంగా సాగిందని అనురాగ్ ఠాకూర్ చెప్పారు.

"జూన్ 15లోగా చార్జిషీటు దాఖలు చేయాలని ఆటగాళ్లు కోరారు. అప్పటి వరకు తాము ఎలాంటి నిరసన ప్రదర్శనలూ చేయమని చెప్పారు. అన్ని నిర్ణయాలు ఏకాభిప్రాయంతో తీసుకున్నాం. ఓపెన్ మైండ్‌తో అన్ని విషయాలపై సీరియస్‌గా చర్చించాం" అని అనురాగ్ ఠాకూర్ తెలిపారు.

రెజ్లర్ల డిమాండ్లు ఏంటి?

క్రీడా మంత్రితో సమావేశంలో రెజ్లర్లు చేసిన డిమాండ్లు ఇవీ..

రెజ్లర్ల ఆరోపణల ఆధారంగా దిల్లీ పోలీసులు ఇప్పటికే బ్రిజ్ భూషణ్‌పై కేసు నమోదు చేశారు. అయితే, తనపై వచ్చిన ఆరోపణలను ఆయన తిరస్కరిస్తూ వస్తున్నారు.

ఇవి కూడా చదవండి:

( బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)