ఎలక్టోరల్ బాండ్లు: వైసీపీ, టీడీపీ, బీఆర్ఎస్‌లకు వందల కోట్ల విరాళాలు ఇచ్చింది ఎవరంటే

ఎలక్టోరల్ బాండ్ల ద్వారా దేశంలో అత్యధికంగా విరాళాలు అందుకున్న రాజకీయ పార్టీల్లో భారత రాష్ట్ర సమితి (బీఆర్ఎస్) నాలుగోస్థానంలో ఉంది.

తెలుగు రాష్ట్రాల్లోని ప్రధాన పార్టీలకు వందల కోట్ల రూపాయల విరాళాలు అందాయి.

సుప్రీం కోర్టు ఆదేశాలను అనుసరించి ఎన్నికల కమిషన్‌ బహిర్గతం చేసిన ఈ డేటాలో 2019 మే తరువాత ఎలక్టోరల్ బాండ్లకు సంబంధించిన వివరాలు ఉన్నాయి.

దేశంలోని పలు సంస్థలు బీఆర్ఎస్ పార్టీకి చెందిన 1806 బాండ్లను కొనుగోలు చేశాయి. మొత్తంగా రూ.1,214,70,99,000 (రూ. 1214.7 కోట్లు) ఆ పార్టీకి విరాళాలుగా వచ్చాయి.

వైఎస్సార్‌సీపీకి సంబంధించి 472 బాండ్ల రూపంలో రూ. 337 కోట్లు విరాళంగా వచ్చాయి.

తెలుగుదేశం పార్టీకి 279 బాండ్ల ద్వారా రూ. 218.88 కోట్లు రాగా జనసేనకు 39 బాండ్ల ద్వారా రూ. 21 కోట్లు వచ్చాయి.

ఈ జాబితాలో మిగిలిన పార్టీలతో పోల్చితే జనసేనకు తక్కువ విరాళాలు వచ్చాయి.

దీనితోపాటు, గుర్తుతెలియని వ్యక్తులు(వీరికి సంబంధించిన వివరాలు లేవు) కూడా పార్టీల బాండ్లను కొన్నారని ఎన్నికల సం‌‍ఘానికి సమర్పించిన అఫిడవిట్‌లో ఎస్బీఐ చెప్పింది.

పార్టీల వారీగా ఏ సంస్థ నుంచి ఎంత మొత్తంలో విరాళాలు అందాయో పరిశీలిస్తే..

భారత రాష్ట్ర సమితి (బీఆర్ఎస్)..

బీఆర్ఎస్ పార్టీకి వచ్చిన విరాళాల జాబితా చాలా పెద్దదిగా ఉంది.

రియల్ ఎస్టేట్, ఫార్మా, సోలార్–విండ్ ఎనర్జీ సంస్థలు ఈ పార్టీకి విరాళాలు ఇచ్చాయి. చిన్నచిన్న సంస్థలు కూడా బాండ్లు కొనుగోలు చేశాయి.

వీటిలో లక్ష నుంచి మొదలుకొని కోటి వరకు వివిధ బాండ్లను కొన్న సంస్థలు ఉన్నాయి. చాలావరకు 2023, 2022లోనే బీఆర్ఎస్‌కు ఎక్కువగా విరాళాలు అందాయి..

ఆ వివరాలు..

మొత్తంగా రూ. కోటి లోపు వచ్చిన ఎంట్రీలు 362. వీటిలో ఐదు లక్షల నుంచి రూ. కోటి వరకూ బాండ్లు చెల్లించిన వ్యక్తులు, సంస్థలు ఉన్నాయి.

ఫ్యూచర్ గేమింగ్ అండ్ హోటల్ సర్వీసెస్ నుంచి రూ. 154 కోట్లు

వైఎస్ఆర్ కాంగ్రెస్ పార్టీ ఎలక్టోరల్ బాండ్లు భారీగానే అమ్ముడయ్యాయి. వీటిలో ఎక్కువ మొత్తం విండ్ పవర్ కంపెనీల నుంచి వచ్చిన విరాళాలే ఎక్కువగా ఉన్నాయి.

ఓస్ట్రో అనే కంపెనీ నుంచి ‌‍భారీగా విరాళాలు వచ్చాయి. ఈ కంపెనీ వివరాలపై బీబీసీ ఆరా తీయగా, ఒకే వ్యక్తి పలు విభిన్నమైన సంస్థలకు డైరెక్టర్‌గా ఉన్నారు. కంపెనీల్లో చాలావరకు దిల్లీ అడ్రస్‌తో నడుస్తున్నాయి.

అలాగే ఎలక్టోరల్ బాండ్ల వ్యవహారంలో దేశవ్యాప్తంగా చర్చలోకి వచ్చిన సంస్ద ఫ్యూచర్ గేమింగ్ కంపెనీ.

ఈ కంపెనీ సైతం వివి‌ధ సందర్భాల్లో వైఎస్సార్పీపీకి రూ.154 కోట్లు ఇచ్చింది.

అయితే, వైసీపీ అధ్యక్షులు జగన్‌కు సన్నిహితులుగా పేరున్న షిర్డీ సాయి ఎలక్ట్రికల్స్, అరబిందో వంటి కంపెనీలు వైఎస్సార్పీపికి చెందిన ఒక్క బాండును కూడా కొనలేదు.

అలాగే గుర్తు తెలియని వ్యక్తులు, సంస్థల నుంచి 24 బాండ్లు వచ్చాయి.

అవన్నీ ఏప్రిల్ 2019లో కొనగా, గుర్తు తెలియని బాండ్ల విలువ రూ.8.25 కోట్లు.

కోటి కంటే తక్కువ విరాళాలు ఇచ్చిన సంస్థలు, వ్యక్తులు 124 ఎంట్రీలు ఉన్నాయి.

2023 నవంబరులో ఓస్ట్రో గ్రూపు రూ.34 కోట్లు ఇచ్చింది. ఓస్ట్రో విండ్, ఓస్ట్రో జైసల్మేర్ పేర్లతో విరాళాలు వచ్చాయి.

విరాళాలు.. (రూపాయల్లో)

తెలుగుదేశం

తెలుగుదేశానికి 2023, 24 లోనే ఎక్కువగా విరాళాలు అందాయి.

ఇందులోనూ మేఘా కంపెనీదే అగ్రభాగం. మరో ముఖ్యమైన విషయం ఏంటంటే, షిర్డీ సాయి ఎలక్ట్రికల్స్ అనే కంపెనీ ఏపీలో ట్రాన్స్‌ఫార్మర్ల కాంట్రాక్టు చేస్తోంది. సీఎం జగన్‌కు సన్నిహితుల కంపెనీగా పేరుంది.

అయితే, ఈ సంస్థ నుంచి టీడీపీకి రూ.40 కోట్ల ఎలక్టోరల్ బాండ్ల విరాళాలు కింద జాబితాలో చూడొచ్చు.

అలాగే బీజేపీ ఎంపీ సీఎం రమేశ్ కంపెనీగా పేరున్న రిత్విక్ ప్రాజెక్ట్ నుంచి టీడీపీకి విరాళాలు అందాయి.

జనసేన: ఒకే సంస్థ నుంచి రూ.10 కోట్లు

జనసేన పార్టీకి మొత్తం రూ.21 కోట్లు ఎలక్టోరల్ బాండ్ల రూపంలో అందాయి.

అవి..

ఇవి కూడా చదవండి..

బీబీసీ తెలుగును ఫేస్‌బుక్ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)