ఇండియా, ఎన్డీఏ: ఏ కూటమిలో ఏ పార్టీలు ఉన్నాయి? ఎవరికి ఎంతమంది ఎంపీలు ఉన్నారు

దిల్లీలో మంగళవారం నిర్వహించిన ఎన్డీఏ పార్టీల సమావేశానికి జనసేన అధ్యక్షుడు పవన్ కల్యాణ్ హాజరయ్యారు.

నరేంద్రమోదీ నేతృత్వంలోని ఎన్డీఏ కూటమికి జనసేన నుంచి సంపూర్ణ మద్దతు ఉంటుందని ఆయన ప్రకటించారు.

మరోవైపు అదేరోజు జరిగిన విపక్షాల కూటమి 'ఇండియా' సమావేశానికి తెలుగు రాష్ట్రాల నుంచి ఏ ప్రాంతీయ పార్టీ వెళ్లలేదు.

తెలుగురాష్ట్రాల్లో అధికారంలో ఉన్న బీఆర్ఎస్, వైఎస్సార్‌సీపీలకు ఏ కూటమి నుంచీ పిలుపు రాలేదు.

మరో ప్రధాన పార్టీ తెలుగుదేశం గత ఎన్నికలలో కాంగ్రెస్‌తో కలిసి పోటీ చేసింది. అనంతరం బీజేపీ మిత్రపక్షమైన జనసేనతో రాష్ట్ర స్థాయిలో భావసారూప్యత కనబరుస్తోంది.

జులై 18న సాయంత్రం దిల్లీలో ఎన్డీయే మిత్రపక్షాల సమావేశం జరిగింది.

ఈ సమావేశానికి కొన్ని గంటల ముందు, బెంగళూరులో ప్రతిపక్ష కూటమి సమావేశం కూడా జరిగింది.

ప్రతిపక్ష పార్టీల కూటమికి 'ఇండియన్ నేషనల్ డెవలప్‌మెంటల్ ఇన్‌క్లూజివ్ అలయన్స్' అంటే 'ఇండియా' అని పేరు పెట్టారు.

కాగా, వచ్చే లోక్‌సభ ఎన్నికల్లో బీజేపీ నేతృత్వంలోని ఎన్డీయే, విపక్ష పార్టీల 'ఇండియా' కూటమి మధ్యే ప్రధాన పోటీ ఉంటుందని స్పష్టమవుతోంది.

ప్రస్తుతం ఎన్డీఏలో 38 పార్టీలు, ఇండియా కూటమిలో 26 పార్టీలు ఉన్నాయి. అయితే ఇప్పటికీ రెండు కూటములకు కొన్ని పార్టీలు తమ మద్దతు తెలపలేదు.

ఇందులో బీఆర్ఎస్, వైఎస్సార్సీపీ, బీజేడీ, టీడీపీ, బీఎస్పీలాంటి పార్టీలు ఉన్నాయి.

ఈ పార్టీలు ఈ రెండు కూటములలో దేనిలో చేరతాయి? లేక మూడో కూటమికి ప్రయత్నిస్తాయా అనే దానిపై స్పష్టత లేదు.

రెండు కూటములను పరిశీలిస్తే బలాలు, బలహీనతలు రెండూ ఉన్నాయి.

ఎన్డీయేలో కూటమిలో బీజేపీకి 301 మంది లోక్‌సభ సభ్యులు ఉన్నారు. అనంతరం అత్యధిక ఎంపీలు గల తర్వాత స్థానంలో 13 మంది సభ్యులతో శివసేన (శిందే గ్రూపు) ఉంది. ఇది కాకుండా ఇంకా పెద్ద పార్టీలు ఈ కూటమిలో చేరలేదు.

ఇండియా కూటమిలో కాంగ్రెస్, తృణమూల్ కాంగ్రెస్, డీఎంకె, ఆమ్ ఆద్మీ పార్టీ, జనతాదళ్(యునైటెడ్) వంటి అనేక బలమైన పార్టీల ఉనికి కనిపిస్తున్నప్పటికీ వాటన్నిటినీ కలిపి ఎవరు నడిపిస్తారో ఇప్పటికీ స్పష్టంగా తెలియదు.

అంతేకాకుండా వివిధ అంశాలలో ఆయా పార్టీలు ఒకదానికొకటి వ్యతిరేకిస్తున్నట్లు, కొన్నింటిపై విభేదిస్తున్నట్లు కూడా ఉంది. అందువల్ల ఈ ఫ్రంట్ ఎలా పని చేస్తుందనే దానిపై చాలామందికి సందేహాలున్నాయి.

అందులోనూ ఈ కూటములలో చాలా పార్టీలు భాగస్వామ్యం కాలేదు.

ఈ నేపథ్యంలో NDA, INDIA, ఇంకా తమ మద్దతును ప్రకటించని పార్టీల జాబితా, వాటి రాష్ట్రం, లోక్‌సభలో ఈ పార్టీల ప్రస్తుత బలం గురించి వివరాలు తెలుసుకుందాం.

నేషనల్ డెమోక్రటిక్ అలయన్స్ (NDA) భాగస్వామ్య పార్టీలు.

ఎన్డీఏ కూటమిలోని పార్టీలు, రాష్ట్రం, ఎంపీల సంఖ్య పరిశీలిస్తే..

ఇండియన్ నేషనల్ డెవలప్‌మెంటల్ ఇన్‌క్లూజివ్ అలయన్స్ (ఇండియా)లో సభ్య పార్టీలు

ఏ కూటమిలో చేరని ప్రధాన పార్టీలు

ఇవి కూడా చదవండి

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)