Ноту: Русия барои коҳиши буҳрони Укройн фавран иқдом кунад

Image copyright

Ҳамзамон бо интишори гузоришҳое мабнӣ бар вуруди нерӯҳои низомии Русия ба хоки Укройн ва ҳамкории онҳо бо ҷудоиталабон дар шарқи ин кишвар, дабири кулли Ноту аз Русия хоста сареъан нишон диҳад, ки барои коҳиши буҳрон дар Укройн гом бармедорад.

Ондрес фу Росмусен ҳамчунин эълом карда, ки Ноту дархости пайвастани Укройн ба Нотуро мавриди баррасӣ қарор хоҳад дод.

Суханони оқои Росмусен соъоте пас аз он эрод шуд, ки рӯзи ҷумъаи 29 август Орсенӣ Ётсенюк, нахуствазири Укройн, аз талоши давлати ин кишвар барои пайвастан ба Паймони Отлонтики Шимолӣ хабар дод ва гуфт аз порлумон хоҳад хост заминаи ин иқдомро фароҳам кунад.

Оқои Ётсенюк гуфт, ки давлат лоиҳаеро ба намояндагони маҷлис ироа мекунад, ки бар асоси он мавзеъи бетарафи Укройн дар рақобати Русия ва Ғарб тағйир мекунад.

Дар ҳамин ҳол, Олмон ҳушдор додааст, ки буҳрони шарқи Укройн "аз кунтрул хориҷ мешавад" ва лозим аст барои ҷилавгирӣ аз рӯёрӯии мустақими Русия ва Укройн ин раванд зудтар мутаваққиф шавад.

Фронк Иштойнмойер, вазири хориҷаи Олмон, мегӯяд буҳрони Укройн вориди марҳилаи "хатарноке" шуда ва абъоди тозае ёфтааст.

Оқои Иштойнмойер дар нишасти вузарои хориҷаи Иттиҳодияи Урупо сухан мегуфт, ки барои эъмоли таҳримҳои бештар бар Русия ташкил шудааст.

Ӯ аз ба натиҷа расидани музокироти мустақими Петру Пурушенку, раиси ҷумҳурии Укройн, ва Влодимир Путин, раиси ҷумҳурии Русия, ибрози ноумедӣ кард.

Нигаронии кишварҳои ғарбӣ аз дахолати низомии Маскав дар шарқи Укройн тайи рӯзҳои гузашта афзоиш ёфтааст.

Ноту рӯзи гузашта тасовиреро мунташир кард, ки ба гуфтаи ин созмон, сарбозони русиро дар хоки Укройн нишон медод.

Ноту мегӯяд, ки беш аз 1000 табаъаи Русия дар амалиёти низомӣ дар хоки Укройн ширкат доранд.

Русия эъзоми артишиёни худ ба Укройнро инкор мекунад.

Тарҳи иттиҳомот алайҳи Русия замоне боло гирифт, ки шӯришиёни тарафдори ин кишвар манотиқеро дар шарқи Укройн тасхир карданд.

Созмони Милал дар охирин гузориши худ мегӯяд, ки аз авосити моҳи апрел то 27 август 2600 нафар дар даргириҳои шарқи Укройн кушта шудаанд.