Инфиҷоре интиҳорӣ ғарби Кобулро ларзонд
Image copyrightReutersИнфиҷоре интиҳорӣ дар яке аз хиёбонҳои аслии ғарби Кобул мунҷар ба марги як ғайринизомӣ ва захмӣ шудани се ғайринизомии дигар шудааст.
Ҳашматуллоҳи Истоникзай, сухангӯйи пулиси Кобул, ба Би-би-сӣ гуфт, ки ин инфиҷор ҳаволии соъати 7:10-и субҳи имрӯз (31-и хурдод - 21 июн) дар хиёбони Бурҳониддини Раббонӣ (Афшор) рӯй дод.
Ба гуфтаи ӯ, замоне ки худрави ҳомили Маъсуми Истоникзай, раиси дабирхонаи Шӯрои олии сулҳ аз он ҷо мегузашт, фарди бумбгузор бумби ҷосозишуд дар худраверо, ки савори он буд, мунфаҷир кард, аммо ба оқои Истонкзай осебе нарасид.
Ҳанӯз ҳеч гурӯҳе масъулияти ин инфиҷорро ба уҳда нагирифта, аммо пулис мегӯяд, ки ин инфиҷор кори касоне аст, ки намехоҳанд дар Афғонистон оромиш барқарор шавад в барномаи сулҳ ба муваффақият бирасад.
Пас аз баргузории даври дувуми интихоботи риёсати ҷумҳурии Афғонистон дар 24 хурдод ин нахустин инфиҷори интиҳорӣ (худкушона) дар шаҳри Кобул аст.
Мақомҳои амниятӣ гуфтаанд, ки пеш аз интихобот ва дар рӯзи баргузории он дастикам шаш шабакаи амалиётии Толибонро муталошӣ карданд, ки қасди анҷоми ҳамалоти интиҳорӣ дар ин шаҳр доштанд.
Ду рӯз пеш аз интихобот ду бумбгузори интиҳорӣ корвони интихоботии Абдуллоҳи Абдуллоҳ, яке аз ду номзади ин интихоботро ҳадаф қарор доданд, ки шуморе аз муҳофизони ӯ ва чанд ғайринизомиро куштанд.
Оқои Абдуллоҳ Кумисиюни интихоботро муттаҳам ба "тақаллуб" дар натоиҷи интихобот карда ва ҳаводорони ӯ даст ба эътироз алайҳи ончи ки тақаллуби муҳандисишудаи натоиҷи интихобот мехонанд, задаанд.
Имрӯз шуморе аз ҳаводорони оқои Абдуллоҳ дар бархе аз хиёбонҳои Кобул даст ба тазоҳурот ва таҳассун задаанд.
Пулис мегӯяд, ки худрави ҳомили раиси дабирхонаи Шӯрои олии сулҳ осеб дидааст.
Инфиҷор дар соъате рӯй дод, ки ҳанӯз рафтуомад дар хиёбони маҳалли рӯйдод хеле зиёд набуд.
