Maelezo ya picha, Chris Msando, mkuu wa teknolojia katika tume ya uchaguzi ya Kenya, aliuawa miaka mitano iliyopitaMaelezo kuhusu taarifa
Author, Na Dickens Olewe
Nafasi, BBC News, Nairobi
Uchaguzi uliotiliwa shaka Pamoja na mauaji ya kutisha ya afisa mkuu aliyesimamia teknolojia ya upigaji kura mwaka wa 2017 bado yanaikera Kenya, kabla ya uchaguzi wiki ijayo.
Mwenyekiti wa tume huru ya uchaguzi na Mipaka amekuwa akijaribu mara kwa mara kuwahakikishia wananchi wenye wasiwasi kwamba tume yake inaweza kusimamia uchaguzi wa haki, lakini pia amekuwa akionya kuhusu kampeni iliyoratibiwa hasa kwenye mitandao ya kijamii kuwakashifu na kuwatisha wafanyakazi wake.
"Wafanyikazi wetu katika tume, hasa [wale] walio katika kitengo cha teknolojia ICT wana hofu... Ninataka tu kuwasihi wale wanowatisha kuwacha kufanya hivyo'' ,Wafula Chebukati aliwaambia wanahabari.
Ana sababu za msingi za kuwa na wasiwasi: miaka mitano iliyopita mkuu wake wa teknolojia wakati huo, Chris Msando, alitekwa nyara na kuuawa kikatili, pamoja na rafiki yake Carol Ngumbu mwenye umri wa miaka 21.
Miili yao ilipatikana vichakani viungani mwa mji mkuu, Nairobi - na hakuna mtu aliyekamatwa au kushtakiwa kwa mauaji hayo ambayo yamegubikwa na siri.
"Hakika tukiwa na huduma ya polisi yenye utaalamu wa juu na serikali yenye weledi na ufanisi nadhani tungefaa kujua ukweli kuhusu tukio hili ... Taifa halijui ni nani aliyechukua maisha ya afisa wa uchaguzi ambaye alikuwa akishughulikia sehemu nyeti sana ya uchaguzi," alisema Mkurugenzi mkuu wa shirika la haki za kibinadamu la Amnesty International Kenya akizungumza na kituo kimoja cha runinga nchini humo.
Kwa urafiki na utulivu, Msando alikuwa akitangaza katika vituo vya runinga vya hapa nchini, akionyesha hatua alizochukua kuhakikisha uchaguzi hauibiwi.
"Wapiga kura waliokufa hawatafufuka chini ya usimamizi wangu ," alisema katika mahojiano.
Alikuwa ameweka imani yake katika data za kibayometriki ili kuthibitisha wapiga kura kwa kutumia alama za vidole na mfumo wa kielektroniki kusambaza matokeo.
Chanzo cha picha, Getty Images
Maelezo ya picha, Karatasi za kupigia kura zitakazotumika katika uchaguzi huo zilichapishwa nje ya nchi
Utumiaji wa teknolojia kama hiyo ulikubaliwa kufuatia kudorora kwa uchaguzi wa 2007 wakati shutuma za ujazo wa kura zilizusha ghasia za wiki kadhaa ambapo takriban watu 1,200 waliuawa na wengine 600,000 kutoroka makazi yao. Wakati huo mwenyekiti wa tume ya uchaguzi wakati huo alikiri hakuwa na uhakika ni nani aliyeshinda.
Nani yuko kwenye kinyang'anyiro cha kuiongoza Kenya ?
Fahamu zaidi kuwahusu wagombea urais wa Kenya
Chagua mgombea ili kutazama wasifu wake
Raila Amollo Odinga
Muungano wa Azimio la Umoja
Mgombea huyo mwenye umri wa miaka 77 ni mhandisi aliyesomea Chuo Kikuu cha Ufundi cha Magdeburg (sasa kinajulikana kama Chuo Kikuu cha Otto-von-Guericke Magdeburg) nchini Ujerumani.
Anawania kiti cha urais kwa tikiti ya Azimio la Umoja One Kenya Coalition Party.
Hili litakuwa jaribio lake la tano baada ya kugombea katika: 1997, 2007, 2013 na 2017.
Bw Odinga alikuwa mmoja wa wapiganiaji wa demokrasia ya vyama vingi nchini Kenya. Alikamatwa, akafungwa na wakati fulani akaenda uhamishoni kwa sababu ya kupigania haki hiyo
Aliwahi kuwa Waziri Mkuu, kuanzia 2008-2013.
Odinga alihusika kufanikisha miradi mikubwa iliyotekelezwa na serikali ya Kibaki, kama vile miradi ya umeme vijijini na barabara.
Kuafikia ukuaji wa uchumi wa tarakimu mbili kupitia uwekezaji katika biashara ndogo ndogo na sekta ya viwanda.
Utoaji wa huduma bora za afya kwa wote.
Utoaji wa vifaa vya michezo na burudani kwa ukuaji wa kimwili, kiakili, kijamii, kimaadili na maendeleo ya watu.
Kufuatia jaribio la mapinduzi ya Agosti 1, 1982, Raila Odinga alikamatwa na kukabiliwa na mashtaka kadhaa, yakiwemo ya uhaini ambayo alizuiliwa bila kufunguliwa mashtaka. Tume ya Ukweli ya Haki na Maridhiano iliambiwa mwaka 2011 kwamba Odinga alikuwa na mawasiliano na mpangaji mkuu wa mapinduzi hayo. Odinga amekana kuhusika kila mara. - Makavazi ya Kitaifa ya Kenya.
William Samoei Ruto
Muungano wa Kenya Kwanza
Mgombea huyu mwenye umri wa miaka 55 ana Shahada ya Uzamifu/PhD katika Ikolojia ya Mimea na BSc katika Botany na Zoology kutoka Chuo Kikuu cha Nairobi.
Anawania kiti cha urais kwa tikiti ya chama cha United Democratic Alliance ( chenye mafungamano na Kenya Kwanza).
Aliongoza Vuguvugu la vijana la Youth for Kanu '92 (YK'(92).
Wizara yake iliorodheshwa kama inayofanya bora zaidi serikalini alipokuwa Waziri wa Kilimo.
Alihudumu kama Naibu Rais wa kwanza wa Kenya chini ya katiba mpya ya 2010.
Alihudumu kama mbunge wa eneo bunge la Eldoret Kaskazini kuanzia 1997-2007.
Kutenga $424 milioni kila mwaka kwa biashara ndogo ndogo za kati.
Kuanzisha mfuko wa elimu wa kitaifa ili kukidhi gharama zisizo za masomo.
Tekeleza kikamilifu sheria ya usawa wa kijinsia ya thuluthi mbili katika uteuzi wa kisiasa na kutenga nusu ya baraza lake la mawaziri kwa wanawake.
Mnamo 2008, Mahakama Kuu ya Kenya iliamuru Naibu Rais William Ruto kusalimisha shamba la ekari 100 na kulipa $ 62,500 kwa Adrian Muteshi, mkulima ambaye alimshtaki kwa kuchukua mali hiyo baada ya uchaguzi wa 2007. - Kenya Law
Mnamo 2011, Bw Ruto alikabiliwa na kesi kwa makosa matatu dhidi ya binadamu: Mauaji, uhamisho wa watu kwa lazima na mateso ya watu katika Mahakama ya Kimataifa ya Uhalifu. Miaka mitano baadaye mahakama ilisitisha kesi hiyo kwa msingi kwamba - ushahidi wa upande wa mashtaka ulikuwa dhaifu. -ICC
George Wajackoyah
Chama cha Roots
Profesa huyo mwenye umri wa miaka 61 ana shahada ya uzamili katika sheria kuhusu maendeleo kutoka Chuo Kikuu cha Warwick na shahada ya uzamili , sheria (sheria za Marekani kutoka Chuo Kikuu cha Baltimore.
Bw Wajackoyah anawania kiti cha urais kwa tiketi ya Chama cha Roots Party.
Alihudumu kama Inspekta katika idara ya usalama ya Special branch wakati wa utawala wa marehemu Rais Daniel Moi kabla ya kulazimika kutorokea ng'ambo ili kuepuka kufunguliwa mashtaka na mamlaka.
Yeye ni mshirika katika kampuni ya mawakili aliyoianzisha mwaka wa 2018.
Alifunnza somo la sheria na uchumi katika vyuo vikuu vya Marekani, Uingereza na Kenya.
Kuhalalisha matumizi ya kiviwanda ya bangi
Badilisha siku za kazi hadi Jumatatu hadi Alhamisi.
Huduma ya afya ya bure na msaada kwa wazee, walio hatarini na wajawazito
David Mwaure Waihiga
Chama cha Agano
David Mwaure anawania kiti cha urais kwa tiketi ya Chama cha Agano.
Ni kiongozi wa Chama cha Agano.
Alihitimu na shahada ya sheria kutoka Chuo Kikuu cha Nairobi na ana Shahada ya Uzamili katika masomo ya uongozi.
Yeye ni wakili mkuu na amehudumu kama mwanasheria kwa zaidi ya miongo mitatu.
Ana kampuni ya uwakili na amewania viti mbalimbali vya kisiasa.
Ilianzishwa chama cha Agano mwaka 2006.
Kupambana na ufisadi uliokithiri.
kuunda nafasi za ajira.
Kurejesha mali ya Kenya iliyofichwa nje ya nchi.
Pata maelezo zaidi kuhusu sera za wagombea urais hapa
Uchaguzi huu pia unaonekana kuwa kinyang'anyiro kikali cha urais - kati ya vinara Raila Odinga, kiongozi wa upinzani wa muda mrefu ambaye anawania kwa mara yake ya tano, na Naibu Rais William Ruto.
"Teknolojia sio demokrasia"
Kufanya mambo kuwa makubwa zaidi, Rais anayeondoka Uhuru Kenyatta anamuunga mkono Bw Odinga, ambaye ni adui aliyegeuka kuwa mshirika wake, kumrithi kufuatia kuvunjika kwa uhusiano wake na Bw Ruto.
Wapiga kura pia watakuwa wakichagua magavana, maseneta, wabunge na madiwani wa bunge la kaunti.
Hata hivyo ongezeko la matumizi ya teknolojia katika kura tatu za uchaguzi tangu 2007 halijatoa uaminifu - na mwaka wa 2017 ilisababisha Mahakama ya Juu kubatilisha kura hiyo na kuamuru uchaguzi mpya.
"Licha ya kushindwa mwaka wa 2013, teknolojia zaidi ilinunuliwa mwaka wa 2017. Gharama ya uchaguzi ilipanda kutoka $10 [£8] kwa kila mpiga kura aliyejiandikisha katika uchaguzi wa kwanza hadi $25 katika uchaguzi wa marudio, na hivyo kuifanya Kenya kuwa na umaarufu wa kuandaa uchaguzi ghali zaidi barani Afrika," Nanjira Sambuli, mchambuzi wa teknolojia na utawala aliambia BBC.
"Teknolojia sio demokrasia," Bi Sambuli alisema.
Mahakama ya Juu iliamua kwamba kura hiyo ya Agosti 2017 ni "batili, batili na batili" kwani baadhi ya vituo 10,000 vilishindwa kusambaza kura.
"Hii ilikuwa idadi kubwa, pamoja na tume ya uchaguzi ilitoa visingizio walivyopotakiwa kufungua sava za kompyuta kwa ajili yakuangazia kile kilichotokea,Wakili wa kikatiba James Mamboleo aliambia BBC.
"Walisema tume lazima iwajibike kwa wananchi katika michakato yote kuanzia uandikishaji wapigakura hadi mfumo madhubuti wa usambazaji."
Uamuzi huo ulidhoofisha imani na Bw Chebukati, lakini alifaulu kusalia kazini licha ya shinikizo la kumtaka ajiuzulu.
Wakati huu tume itatumia tena makumi ya maelfu ya vifaa vya kuthibitisha wapigakura vilivyonunuliwa kwa marudio ya uchaguzi wa Oktoba 2017 na imeimarisha taratibu zake.
Watu ambao wanaweza kuthibitishwa na mfumo wa kielektroniki pekee ndio watakaopiga kura na picha ya matokeo itatumwa kidijitali kutoka zaidi ya vituo 50,000 vya kupigia kura badala ya ujumbe mfupi wa maandishi.
Hivi ndivyo itakavyofanya kazi kwa kura ya urais:
• Wapiga kura wote watalazimika kuthibitishwa kwa kutumia alama ya vidole au kitambulisho
• Baada ya upigaji kura kufungwa, picha ya fomu ya matokeo, iliyotiwa saini na afisa msimamizi na mawakala wa vyama, itasambazwa kwa njia ya kielektroniki kwa kutumia vifaa vilivyounganishwa vya kupigia kura kwa jimbo na kituo cha kitaifa cha kujumlisha kura.
• Nakala ya fomu itatolewa kwa mawakala wa vyama na kubandikwa nje ya kituo cha kupigia kura
• Vifaa vya uthibitishaji wa wapigakura vitafungwa katika vituo vya kupigia kura ili kuzuia udanganyifu
• Mshindi atatangazwa tu baada ya fomu halisi ya matokeo kupokelewa na tume ili kuthibitisha dhidi ya picha iliyotumwa mwanzoni.
"Itakuwa vigumu sana katika uchaguzi huu watu waende mahakamani kupinga matokeo tuliyonayo, kwa sababu tuko wazi kiasi kwamba hata wakitaka kwenda mahakamani wangefedheheka sana. "Mmoja wa makamishna wa tume ya uchaguzi, Justus Nyangaya, aliambia BBC.
Pia alisema kuwa kitambulisho cha wapigakura kitakuwa kikituma taarifa kwenye kituo cha kitaifa cha kujumlisha kura kila baada ya saa mbili, jambo ambalo anasema litapuuza majaribio ya kujaza masanduku ya kura.
Chanzo cha picha, Getty Images
Maelezo ya picha, Bw Chebukati ni mwanamume aliye katika dhamira ya kujisafisha baada ya uchaguzi uliopita kubatilishwa
Akiwa bado anaonekana kuumizwa na uchaguzi uliopita, mwenyekiti wa tume ya uchaguzi pia amevitaka vyombo vya habari, vyama vya siasa na jumuiya za kiraia kufanya majumuisho yao ya kura.
"Chebukati ana nia ya kufanya marekebisho kwa kuwajibika kikamilifu kama mwenyekiti, na kuanzisha mfumo ambao utahakikisha uchaguzi huru, wa haki, wazi na unaoweza kuthibitishwa ili kujiondoa katika urithi wa mwenyekiti anayejulikana kwa chaguzi zenye mkanganyiko," mchambuzi wa kisiasa Hesbon Owila aliambia BBC.
Kufikia ukuaji wa uchumi wa tarakimu mbili kupitia uwekezaji katika biashara ndogo ndogo na sekta ya viwanda.
Elimu Bure kwa wote.
Huduma ya afya bora kwa wote.
Uchumi
Kukuza sekta ya kilimo, mifugo, uvuvi na uchumi wa bluu hadi asilimia 30 ya Pato la Taifa.
Kuza bidhaa za "Zilizotengezwa Kenya" kwa kusaidia ukuaji wa biashara ndogo ndogo na za kati.
Mpango wa "Kaunti Moja, Bidhaa Moja" kutegemea utengenezaji kama injini ya uundaji wa utajiri na ajira.
Ufisadi
Kuboresha kwa haraka mamlaka ya kisheria na kiutawala.
Kuongeza kasi ya kurejesha mapato ya rushwa na uwepo wa fedha haramu.
Kutovumilia rushwa.
Madeni
Kupunguza kasi ya ulimbikizaji wa madeni.
Boresha sera za usimamizi wa madeni.
Kuendeleza mazungumzo ya msamaha wa madeni.
Ajira
Kutumia vizuri idadi kubwa ya vijana kwa ustawi
Kuboresha tija katika sekta ya viwanda na kusaidia uzalishaji wa ajira katika sekta hiyo.
Wekeza katika teknolojia zinazoibukia ambazo zitatoa fursa za ajira kwa vijana wa Kenya.
Kawi
Punguza gharama ya umeme.
Tathmini ushuru na kodi za bidhaa za petroli.
Kuongeze utafutaji wa mafuta na gesi kwenye nchi kavu na baharini.
Afya
Huduma ya afya bora kwa wote.
Kukuza uzalishaji wa ndani wa dawa na pembejeo nyingine zinazohusiana na afya.
Kuboresha mazingira ya kazi na malipo ya wataalamu wa afya.
Uhalifu na usalama
Kuhakikisha utekelezaji madhubuti wa mageuzi ya polisi.
Kuwafunza angalau maafisa sita wa polisi katika kila kituo cha polisi kushughulikia uhusiano wa polisi na vijana.
Boresha sheria na sera kuhusu usalama na usalama mtandaoni.
Elimu
Kutoa elimu bure kuanzia chekechea hadi chuo kikuu.
Toa mlo mmoja kwa siku kwa watoto wa chekechea na madarasa ya mwanzo ya shule za msingi
Kukuza uhusiano wa kufanya kazi kati ya taasisi za elimu na utafiti na viwanda.
Usambazaji wa maji
Wekeza na kukuza uvunaji wa maji ya mvua na udhibiti wa mafuriko.
Kupanua miundombinu ya mabwawa na umwagiliaji.
Kuongeza upatikanaji wa maji safi na salama kwa kila shule na boma
Gharama ya maisha
Tathmini gharama ya mafuta, unga na nishati katika siku 100.
Kuongeza uwezo wa kusambaza umeme na kupunguza upotevu wa gridi kutoka asilimia 23 hadi 10.
Weka mazingira wezeshi ya kupata chakula, mavazi, malazi na mahitaji mengine ya kimsingi kwa bei nafuu.
Roots Party of Kenya
Vipaumbele
Kuendesha serikali yenye faida kupitia kuhalalisha na kudhibiti utumiaji wa bangi kiviwanda
Kuunda majimbo 8 ambayo yatasimamiwa na serikali zao za shirikisho.
Sitisha katiba, ili kuwapa Wakenya fursa ya kuchagua sheria inayowafaa.
Uchumi
Uchumi wa saa 24 wa zamu ya saa nane, siku nne kwa wiki.
Kuongeza bajeti ya serikali kupitia mapato ya fedha za kigeni kutokana na mauzo ya katani ya viwandani.
Pata mapato kupitia ufugaji wa nyoka na kuuza nje nyama ya mbwa.
Ufisadi
Kuanzisha hukumu ya kifo inayotumika kwa watu wanaopatikana na hatia ya rushwa.
Kutovumilia rushwa.
Madeni
Lipa deni la Kenya haraka kwa mapato kutoka kwa kuhalalisha na usafirishaji wa bangi ya viwandani.
Mkopo huo utalipwa kwa awamu 30 kati ya Januari 2021 hadi Julai 2035.
Epuka madeni kwa kutumia mapato yaliyopatikana kutokana na kuhalalisha bangi ili kuongeza mapato ya serikali.
Ajira
Unda fursa za Uwekezaji na ajira kwa kuhalalisha bangi
Kawi
Tumia katani ya Viwanda kuzalisha nishati ya kibayolojia.
Kupunguza gharama ya nishati kwa kupunguza kodi na kushughulikia mzigo wa madeni.
Afya
Huduma za afya na lishe ya bure kwa wazee, walio katika mazingira magumu na wajawazito.
Boresha matibabu na udhibiti wa Alzheimer's, saratani, ugonjwa wa kupooza kwa ubongo na kifafa kwa kutumia moja ya bidhaa za katani za viwandani.
Kutanguliza utafiti na maendeleo katika kampuni za dawa zinazomilikiwa na Kenya.
Uhalifu na usalama
Kuwalipa polisi vizuri ili kupunguza rushwa.
Elimu
Wape wazazi chaguo la masomo ya nyumbani na kurahisisha mchakato wa usajili.
Boresha mfumo wa elimu wa CBC nchini Kenya.
Usambazaji wa maji
Kuboresha miundombinu ya majisafi na majitaka.
Gharama ya maisha
Tengeneza fursa za ajira na uwekezaji.
Punguza kodi na gharama ya nishati.
Chama cha Agano
Vipaumbele
Unda taasisi zitakazomaliza ubadhirifu wa fedha na kukomesha ufisadi.
Hakikisha kwamba haki za wasio na sauti na waliotengwa zinazingatiwa.
Punguzo la ushuru kwa Wakenya kusaidia kudhibiti gharama ya maisha.
Uchumi
Kupeleka bajeti kwa halmashauri za vijiji badala ya Hazina na Ikulu.
Weka mazingira mazuri kwa sekta binafsi na watu binafsi kuanzisha biashara.
Ufisadi
Fanya ripoti za Mkaguzi Mkuu wa Hesabu kuwa ushahidi wa msingi wa matumizi mabaya ya ofisi na msingi wa kuwashtaki watumishi wa umma walio wafisadi
Kesi zote za ufisadi zitashughulikiwa ndani ya miezi mitatu.
Tume ya Maadili na Kupambana na Rushwa kupewa mamlaka ya kuendesha mashtaka.
Madeni
Majadiliano kwa lengo la kupanga upya ulipaji wa deni na wakopeshaji.
Tumia fedha zilizopatikana kutokana na shughuli za kifisadi kulipa madeni ya nje.
Kurejesha fedha zilizofichwa nje ya nchi ili kusaidia kulipa deni la nje .
Ajira
Tekeleza sheria ya maudhui ya humu nchini kwa kuongeza kiwango cha juu cha kandarasi zinazotolewa kwa makampuni ya kigeni hadi zaidi ya $8.5 milioni (Ksh1 bilioni).
Punguzo la kodi kwa makampuni yanayoajiri wanawake na vijana.
Kuharakisha utekelezaji wa mpango wa Kanda Maalum ya Kiuchumi ili kuhimiza wageni,makampuni ya kuanzisha viwanda vya utengenezaji nchini Kenya.
Kawi
Kusaidia matumizi ya nishati ya jua nje ya gridi ya taifa.
Kufanya nishati kuwa bei nafuu kwa kushughulikia rushwa katika sekta ya nishati.
Afya
Unda tume ya kitaifa ya afya ili kudhibiti kupanda kwa gharama za afya.
Kutoa ruzuku kwa michango ya Mfuko wa Kitaifa wa Bima ya Afya kwa kila familia Kenya.
Uhalifu na usalama
Kuboresha maisha na mazingira ya kazi ya polisi.
Fanya vikosi vya usalama kuwa vya kisasa ili kuendana na uhalifu wa kisasa.
Punguza msongamano wa magereza na kuboresha hali ya maisha na kazi ya maafisa wa magereza
Elimu
Kuanzisha kipengele cha maadili katika mtaala.
Elimu ya bure katika ngazi zote.
Walimu wawezeshwe kidijitali kufanya kozi za kujiongeza masomo
Usambazaji wa maji
Maeneo kame kupokea maji ya bomba kwa ajili ya umwagiliaji.
Kuondoa tozo dhidi ya vifaa vyote vya kuvuna maji ya mvua.
Kukuza upandaji miti upya.
Gharama ya maisha
Msamaha wa jumla wa 50% kwa PAYE kwa Wakenya wote.
Kenya Kwanza Alliance
Vipaumbele
Tenga $427 milioni (Ksh50 bilioni) kila mwaka ili kutoa mikopo kwa biashara ndogo ndogo na za kadri kwa njia rahisi na inayotegemeka
Kurekebisha Mfuko wa Taifa wa Bima ya Afya ili kubadilisha mchango kwa familia/nyumba badala ya watu binafsi.
Mtandao wa bure ndani ya miaka mitano.
Uchumi
Komesha ushuru unaorudiwa
Fanya leseni ya biashara na eneo kuwa haki.
Weka sera thabiti ya ulinzi wa huduma za kifedha ili kuwalinda Wakenya dhidi ya wakopeshaji walaghai.
Ufisadi
Kuzipa uhuru taasisi zinazohusika na vita dhidi ya rushwa.
Taarifa za wafanyabiashara wanaofanya biashara na serikali kuwekwa wazi.
Shirikiana na nchi nyingine kusaidia kurejesha mali zilizoibiwa.
Madeni
Kuimarisha uwezo wa serikali wa kukopesheka kutoka nje na kuongeza upatikanaji wa mikopo nafuu, na kuacha vyanzo vya mikopo vya ndani kwa sekta binafsi.
Ajira
Wekeza kwenye kilimo ili kutengeneza ajira zaidi.
Anzisha Kituo cha Maendeleo ya Biashara cha MSME katika kila kata na bustani ya viwanda.
Kuanzisha kituo cha ukuzi wa biashara katika kila taasisi ya Elimu na Mafunzo ya Ufundi Stadi.
Kawi
Weka mfumo wa kisheria wa kulinda hazina ya uimarishaji wa mafuta.
Unda vivutio vya kupitishwa kwa mifumo ya usafiri wa umma ya umeme katika miji na miji yote.
Kuharakisha maendeleo ya rasilimali ya kawi ya mvuke
Afya
Huduma ya afya ya msingi inayofadhiliwa kikamilifu.
Kuanzisha mfuko wa kitaifa wa magonjwa sugu.
Mfuko wa Taifa wa Bima ya Afya wa lazima.
Uhalifu na usalama
Imarisha uangalizi wa polisi na kuteua mchunguzi atakayezingatia ukiukwaji wa haki za binadamu kwa vijana.
Bima ya maisha kwa maafisa wa polisi iwapo watafariki wakiwa kazini.
Mfuko wa hisani wa kuchangia familia za maafisa walioaga dunia na wagonjwa mahututi.
Elimu
Lipia mafunzo ya ualimu kazini.
Tathmini mfumo wa sasa wa maendeleo ya kitaaluma kulingana na mitihani.
Kupunguza pengo la sasa la upungufu wa walimu 116,000 ndani ya miaka miwili ya kifedha.
Usambazaji wa maji
Maji yatapewa kipaumbele kwa ruzuku ya mradi/ufadhili wa masharti nafuu.
Hamisha mwelekeo kutoka kwa mabwawa makubwa hadi kwenye miradi ya maji ya kijamii huku msisitizo ukiwa katika kuvuna na kurejeleza
Gharama ya maisha
Kuongeza tija ya kilimo ili kupunguza gharama ya maisha.
Mwongozo huu ni muhtasari wa sera kuu zinazotolewa na kila chama.
End of Uchaguzi wa Kenya 2022: Vyama vinakuahidi nini?
"Kama mtu binafsi amejifunza kutoka zamani, lakini kama Wakenya, tunaweza tu kuunga mkono lakini pia kuwa macho."
Bw Mamboleo anakubali: "Je, tume ya uchaguzi imejaribu kufuata viwango vya juu vilivyowekwa na uamuzi huo wa Mahakama ya Juu wa 2017? Kwa maoni yangu, ni ndiyo. Wameshirikisha vyama vya siasa, wagombea na umma kwa njia ambazo hatujaona. katika chaguzi zilizopita."
Wito wa haki
Kwa mujibu wa sheria, tume ya uchaguzi ina siku saba baada ya kura ya kuwatangaza washindi - na kwa kuhimiza vyombo vya habari na wengine kujumlisha matokeo Bw Chebukati anatumai kuwa uwazi utamhalalisha yeye na tume.
Bila shaka itakuwa hatua muhimu kwa Kenya ikiwa hii ingeafikiwa.
Wakati familia za Msando na Ngumbu zikiadhimisha kumbukumbu ya miaka mitano ya mauaji yao mwezi uliopita, walisema tena demokrasia ya Kenya inapaswa kuegemezwa katika utawala wa sheria - na walitumai siku moja wao pia watapata haki.
"Tunaomba kwamba siku moja tupate kujua ukweli," familia ya Msando iliandika katika kumbukumbu katika moja ya karatasi za ndani.
