Nigeria vs DR Congo: Eagles gbá ọ̀mì pẹ̀lú Leopard ní Pọtá

Awọn agbaboolu lori papa isere
Àkọlé àwòrán, Orilẹ-ede Naijiria wa lara orilẹ-ede marun un lati ile Afrika ti yoo kopa ni Russia 2018

Ìkọ agbaboolu Super Eagles orílè-èdè Nàìjíríà ati akẹgbẹ wọn láti orílè-èdè DR Congo ti gba àmì ayò kọọkan nínú ìfẹsẹ̀wọnsẹ̀ ọlọrẹsọrẹ

Ìfẹsẹ̀wọnsẹ̀ náà wà lára ipalemo ìkọ Super Eagles ṣaaju ìdíje ife ẹyẹ àgbáyé to n bò lónà ní Russia

Troost Ekong ló kọkọ jẹ́ ni iṣẹju kẹẹdogun ìfẹsẹ̀wọnsẹ̀ náà.

Awọn ololufe Super Eagles
Àkọlé àwòrán, Eeyan to le ni ẹgbẹrun lọna ọgbọn lo wa wo Ìfẹsẹ̀wọnsẹ̀ naa ni papa isere Adokiye Amaesimaka

Ìkọ DR Congo kò fi ọwọ̀ fún ìkọ Super Eagles ti wọn sì n damu aṣọle Super Eagles títí ti adari ìdíje náà fi fún wọn ní gbé e silẹ gbá a síle ni iṣẹju kéjídínlọ́gọ́rin ìfẹsẹ̀wọnsẹ̀ naa.

Ọwọ ẹrọ ní Malongo Ngita fi gbá a wo inú àwọ̀n Nàìjíríà.

Ifẹsẹ̀wọnsẹ̀ ọlọrẹsọrẹ yii ni ikẹyin ti Ìkọ Super Eagles yoo gba ki wọn to bẹrẹ imura ni pẹrẹwu de idije ife ẹyẹ agbaye Russia 2018.