Russia/Ukraine crisis: Àwọn tó ń fún Putin lámọ̀ràn kò sọ òọ́tọ́ pẹ̀lú rẹ̀ lórí ogun Ukraine - Amẹ́ríkà
Oríṣun àwòrán, Getty Images
Orílẹ̀ èdè Amẹ́ríkà ti wòye wí pé àwọn tó ń fún Ààrẹ orílẹ̀ èdè Russia, Vladimir Putin ní ìmọ̀ràn lórí ogun tó ń gbé ti Ukraine kò ṣe òótọ́ pẹ̀lú rẹ̀.
Agbẹnusọ Pentagon, John Kirby ní Mínísítà fétò ààbò Russia kò sọ òótọ́ fún Putin lórí bí àwọn ọmọ ogun Russia ṣe ti ń kùnà lórí ogun náà láti bí oṣù kan sẹ́yìn.
Kirby ní àyẹ̀wò bí ohun gbogbo ṣe ń lọ lórí ogun náà fi hàn wí pé Putin le má mọ̀ wí pé ogun náà yóò parí ṣíṣe ọ̀rọ̀ ìpẹ̀tùsááwọ̀.
Àwọn iròyin tì ẹ leè ní ìfẹ̀ síí:
- Portable Zazzu pàdánù eré tó yẹ kó lọ ṣe ní Canada, ìdí rèé
- Adájọ́ gbé ìdájọ́ kalẹ̀ lórí ẹ̀bẹ̀ Rahmon Adedoyin tó ní òun kò ní ẹjọ́ láti jẹ́
- Aráàlú bínú tán l‘Okeho, wọ́n ti iléeṣẹ́ amúnáwá pa torí ségesège iná ọba
- Akẹ́kọ̀ọ́ kan kú mẹ́ẹ̀dógún fara pa nígbà tí ọkọ̀ iléẹ̀kọ́ wọ́n gbiná l‘Ondo
- Ìyá kan rí ẹ̀wọ̀n ọdún márùn-ún he nítorí ọrọ̀ ọmọ
- Iléèṣẹ́ aṣojú America bẹ̀rẹ ètò físà fún àwọn ọmọ Naijiria láì ṣe ìfọ̀rọ̀wánilẹ́nuwò
- Ìbọn kò ran Tommy, làwọn afurasí ẹlẹ́gbẹ́ òkùnkùn bá fi àdá ṣa pa - Óṣojúmikòró
Èyí sì ti ń fa inú fo àyà fo láàárín Putin àti àwọn adárí ikọ̀ ọmọ ogun rẹ̀.
"Ohun mìíràn ni wí pé a kò mọ̀ bí àwọn olórí bíi Putin ṣe le gba irú ìròyìn bẹ́ẹ̀, ó lé jẹ́ ìdí nìyìí tí wọn kò fi sọ òótọ́ fun."
Bákan náà ló ní ó ṣeéṣe kó jẹ́ pé wọ́n ń bẹ̀rù láti sọ fun wí pé ogun náà kò lọ bí ó ṣe fẹ́ àti wí pé ó dàbí pé kò mọ ipa tí gbogbo òfin tí àwọn orílẹ̀ èdè kan fi de Russia yóò kó nínú ètò ọrọ̀ ajé rẹ̀.
Ìjíròrò láàrin Russia àti Ukraine yóò so èso rere - Ààrẹ Turkey
Ààrẹ orílẹ̀ èdè Turkey, Recep Tayyip Erdogan ti ní kò yẹ kí aáwọ̀ wáyé láàárín Ààrẹ Zelensky ti Ukraine àti akẹgbẹ́ rẹ̀ ní Russia, Putin nítorí ọ̀rẹ́ ni àwọn méjéèjì.
Erdogan sọ èyí bí ìjíròrò yóò ṣe máa wáyé láàárín àwọn aṣojú orílẹ̀ èdè méjéèjì ní Instabul ní òwúrọ̀ yìí.
Ó ní òun ní ìgbàgbọ́ pé ìpàdé náà yóò so èso rere, tí àwọn Ààrẹ méjéèjì náà yóò fojú kojú àti pé inú òun yóó dùn láti ṣe agbátẹrù ìpàdé bẹ́ẹ̀.
Àwọn iròyin tì ẹ leè ní ìfẹ̀ síí:
- Agbébọn kọlu rélùwéè Kaduna sí Abuja, pa ọ̀pọ̀ èèyàn, jí àwọn míì gbé lọ
- Ẹ fura o! Ètò ààbò Nàìjíríà ti ń dàbí ti Afghanistan - Afenifere lọgun
- Tíkẹ́ẹ̀tì 20,000, ọkọ̀ ọ̀fẹ́ wà fún yín láti fi wòran bọ́ọ̀lù Ghana àti Nàíjíríà lọ́fẹ̀ẹ́ - Ìjọba àpapọ̀
- À ń wá láti Ibadan, wá jí ọ̀pọ̀ ọmọ gbé l‘Eko fún ètùtù ọla - Afurasi ajọmọgbe
- Adájọ́ pàṣẹ kí wọ́n ó gbé Abba Kyari lọ sí ọgbà ẹ̀wọ̀n Kuje ní Abuja
- Agbẹjọ́rò mi yóò tẹsẹ̀ òfin bọ ìṣẹ̀lẹ̀ Shoprite àmọ́ àwọn aláṣẹ ibùdó ìtajà náà sì ń bẹ̀ mí lọ́wọ́ - Toyin Asewo to re Mecca
- Malami ń forí ilé ẹjọ́ gba ara wọn lórí òfin ètò ìdìbò - Falana
- Ìtàn ayé Abiola Peller, ọlọ́wọ́ idán tó fi ọ̀bẹ gé ìyàwó rẹ̀ sí méjì
- Ènìyàn mẹ́rin kú lásìkò tí wọ́n ń lé olè tó ja àwọn oní PoS lólè n'Ibadan
- Ìjàmbá ọkọ̀ gbẹ̀mí ènìyàn mẹ́jọ l’Ékòó lópin ọ̀sẹ̀
- Wo bí òògùn lílò àtàwọn nǹkan mìí ṣe le mú kí nkan oṣù obìnrin dáwọ́ dúró láìpé ọjọ́
Bákan náà ló sọ fún àwọn aṣojú Ukraine àti Russia pé lóòótọ́ ní àwọn orílẹ̀ èdè méjéèjì ní àwọn ohun tí ó ń dùn wọ́n lọ́kán tí wọ́n sì ń fẹ́ ṣùgbọ́n ó ní ìpàdé náà mú àbọ̀ rere jáde.
Àwọn aṣojú Russia àti Ukraine balẹ̀ sí Turkey fún ìjíròrò:
Àwọn aṣojú orílẹ̀ èdè Russia àti Ukraine ti balẹ̀ sí ọ́fíìsì Ààrẹ Erdogan tó wà ní Dolmabahce ní Instabul.
Awọn asoju naa ni wọ́n yóò máa jíròrò lórí bí Russia yóò ṣe dáwọ́ ìkọlù tó ń ṣe sí Ukraine dúró.
Ìgbà àkọ́kọ́ nìyí tí àwọn aṣojú orílẹ̀ èdè méjéèjì yóò máa ṣèpàdé ní ojúkojú láti bí ọ̀sẹ̀ méjì ṣùgbọ́n kò dájú pé ìpàdè náà yóò mú àbọ̀ tó ja jáde.
Ààrẹ orílẹ̀ èdè Turkey, Recep Tayyip Erdogan ní ó jẹ́ ẹ̀dùn ọkàn wí pé ogun tó ń wáyé láàárín àwọn orílẹ̀ èdè méjéèjì ti wọ ọ̀sẹ̀ kẹta báyìí àti pé ìbáṣepọ̀ tó wà láàárín Turkey àti àwọn orílẹ̀ èdè méjéèjì ló jẹ́ kí òun le dá sí aáwọ̀ náà.
Erdogan ní ọwọ́ àwọn orílẹ̀ èdè méjéèjì ní dídá ọwọ́ ogun náà dúró wà.
Bí ó tilẹ̀ jẹ́ pé Turkey jẹ́ ọ̀kan lára àwọn orílẹ̀ èdè tó jẹ́ ọmọ ẹgbẹ́ NATO síbẹ̀ ó ní ìbáṣepọ̀ tó dán mọ́rán pẹ̀lú Russia, ó sì wà lára àwọn orílẹ̀ èdè díẹ̀ tí kò ì tíì fòfin dé Russia lórí ìkọlù tó ń gbé ti Ukraine.
