Oyebade Adebimpe: Kò ṣeéṣe kí n lóyún, kí n sì gbe pamọ́ lọ́jọ́ orí mi

Gbajumọ òṣèré tiata Yorùbá, Oyebade Adebimpe ti sọrọ lori iroyin to n lọ ni igboro pe o ti loyun fun akẹgbẹ rẹ, Lateef Adedimeji.

Ọrọ yìí ló n jade lẹyin ti awọn oṣere mejeji ni lootọ ni wọn n mura igbeyawo, eyii tí yóò waye ninu oṣu Kejila, ọdún yìí.

Ṣaaju ni awọn eeyan ti kọkọ n sọ pé Adebimpe ti loyun fun Lateef, eyii to ṣokunfa igbeyawo ti wọn n mura rẹ lọwọ.

Wayii o, Adebimpe ti fi fidio kan lede loju opo Instagram rẹ, ninu eyi ti apẹrẹ oyun ko hàn lara rẹ.

Ṣugbọn awọn kan lára àwọn ololufẹ rẹ wà n bere lọwọ rẹ labẹ fídíò náà nipa oyun ti awọn eeyan sọ pé ọ wa ninu rẹ.

Ṣugbọn nígbà tí yóò fesi, o ni ìbùkún Oluwa ni oyun, oun kò sí ní fi ọwọ bo mọlẹ ti akoko oun ba pe lati ni oyún.

Adebimpe ni "Ohun tó ba wu ẹlẹnu lo lè fi ẹnu rẹ sọ, mi o kere ju lati lóyún tàbí lati bi ọmọ."

"Ti mo ba dẹ loyun mi ọ ni gbe oyun naa pamọ nítorí ibukun Olúwa ni ọmọ bíbí jẹ."

Ẹnu ọjọ mẹta yii ni Adebimpe ati Adedimeji sọ ni gbangba pe àwọn fẹ ṣe ìgbéyàwó loṣu Kejìlá.

Ẹwẹ, ṣáájú ni awọn méjèjì ti kọkọ sẹ pé àwọn wọn kìí ṣe ololufẹ.