Biola Adebayo: Oríṣiríṣi ọjà ni mo kiri ní kékeré, síbẹ̀ mí ò rí owó wọ Fáṣítì

Yoruba bọ, wọn ni oju kii pọ́n iṣin ko ma là, bi ẹkun si pẹ titi di alẹ kan, ayọ n bọ ni owurọ.

Bẹẹ gan-an ni ọrọ ri fun gbajugbaja oṣerebinrin, Biola Adebayo nigba to n seranti ọpọ ipenija to la kọja, ko to jẹ eeyan nile aye.

Osere naa to ranti igbe aye rẹ àtẹ̀yìnwá gẹgẹ bi ọmọ atẹrọ̀fọ̀ dide ni orisirisi nkan ni oun kiri bii ọja lasiko ijagudu lati se rere nile aye.

Aworan kan ti Biola fi si ori ayelujara Instagram rẹ, lo mu ko ranti awọn asiko ti nkan nira fun nigba ewe rẹ.

Ninu aworan naa, to ya nibi kan to ti n ṣe eré ti a o ti i mọ orúkọ rẹ, ni Biola ti n kiri búrẹ́dì.

O ni "aworan yii mu mi ranti igbe aye mi ni ibẹrẹ pẹpẹ. Oriṣiriṣi nkan ni mo kiri gẹgẹ bi ọdọmọbinrin, sugbọn búrẹ́dì tita ni awọn eeyan fi mọ òun.

O ni oun kiri burẹdi naa titi di igba ti oun di ọlọmọge ni, to si gba oun to ọdún meje, ki oun to wọ fasiti.

Ko tan sibẹ o, arẹwà oṣerebinrin naa to ti lami-laaka ninu iṣẹ sinima ṣíṣe sọ pe ẹẹmẹrin ọ̀tọ̀ọ̀tọ̀ ni oun ni anfaani lati kekọọ ni fasiti, sugbọn ìṣòro aisi owo ja oun kulẹ.

Biola Adebayo to dupẹ lọwọ Ọlọ́run fun ibi ti igbeaye rẹ duro de bayii sọ pe kii ṣe iwe ẹ̀rí akọkọ nikan ni oun ni, o ni oun tun ti gba iwe ẹri 'masters' keji.

"Asiko naa kii ṣe nkan to rọrùn rara, àmọ́ mi o ti itori rẹ má nifẹ Ọlọ́run, bẹ ẹ ni mo si ni ireti. Ki n ma parọ, Ọlọ́run dára si mi lọpọlọpọ."

O fikun ọrọ rẹ pe, lootọ òun ko ti i de ipele to wu oun, àmọ́ oun ko si ni ipele ti oun wa tẹlẹ mọ.

Biola sọ pe gbogbo ẹpisteli ọrọ ti oun kọ waye lati le ṣe iwuri fun awọn eeyan pe, ki wọn o ma ṣe sọ ireti nu.

Àwọn iròyin tì ẹ leè ní ìfẹ̀ síí:

" Ohunkóhun to wu ki o ma a la kọjá, ma sọ ireti nu lori ilepa rẹ. O ni idi ti o fi n la asiko naa kọjá.

"Ìwọ ṣa ma a gbadura, fi Ọlọ́run ṣáájú, ja fafa, tẹra mọ isẹ rẹ, ki o si ni afojusun. Imọlẹ rẹ yoo tàn laipẹ.