Attack on NDA: Iléeṣẹ́ ọmọogun Nàíjíríà ti dóòla Major Datong tí àwọn agbébọn jígbé lásìkò ìkọlù sí NDA

Ileeṣẹ ikọ ọmọogun Naijiria ti doola ẹmi ọmọogun Major Christopher Datong ti awọn agbebọn jigbe lasiko ti wọn ṣekọlu si ọgba awọn ileẹkọ awọn ọmọogun, NDA.

Ninu atẹjade ti ileeṣẹ ọmọogun fi lede ni wọn ti kede pe awọn ti doola ẹmi rẹ ni alẹ Ọjọ Kẹtadinlogun, Osu Kẹsan, ọdun 2021.

Wọn ni awọn doola ẹmi rẹ lẹyin aṣẹ ti Olori ileeṣẹ ọmọogun ati awọn ọgagun paṣẹ pẹlu iranwọ ileeṣẹ ọmọogun ofurufu.

''Awọn ọgagun naa paṣẹ ki wọn doola ẹmi ọmọoogun Datong, ki wọn si mu gbogbo awọn agbebọn to lọwọ ninu iṣẹlẹ naa, boya ni aaye ni tabi oku wọn.''

''Lẹyin naa ni awọn ikọ ọmọogun sekọlu si agbegbe Afaka pẹlu ajọṣepọ ileeṣẹ ọtẹlẹmuyẹ ni Naijiria, DSS ati awọn ẹka eto aabo to ku.''

''Iwadii fihan, awọn ibi to ṣeeṣẹ ki awọn ajinigbe ko awọn eniyan ti wọn gbe si, paapaa ni agbegbe Afaka-Birnin Gwari.''

Ileeṣẹ ọmọgun fikun pe ọpọlọpọ awọn agbebọn naa lo fori fa iṣẹlẹ naa ni Ọjọ Kẹtadinlogun, Osu Kẹsan, ọdun 2021.

Bakan naa ni awọn agbebọn naa doju ibọn kọ awọn ikọ ọmọogun naa, amọ wọn ko bori wọn.

Ileeṣẹ ọmọogun ni bi o tilẹ jẹpe ọmọogun Dalong farapa diẹ ninu ikọlu naa, amọ alaafia ni o wa lẹyin to gba itọju ni ileewosan.

Nibayii, wọn ni Dalong ti wa ni ikawọ awọn adari ileẹkọ awọn ọmọogun naa.

Ileesẹ ọmọogun wa dupẹ lọwọ ajọ DSS, NAF, ileeṣẹ ọlọpaa Naijiria ati awọn ẹṣọ alaabo fun ipa ribiribi ti wọn ko lati sawari ọmọogun naa ti wọn si doola ẹmi rẹ.

Ọjọ Kẹrinlelogun, Osu Kẹjọ ni awọn agbebọn ṣekọlu si ileẹkọ awọn ọmọogun Naijiria, NDA, ti wọn si pa ọmọogun meji.