Ondo Bank robber, Olubunmi Afuye: Gómìnà ìpínlẹ̀ Ondo àtàwọn ọ̀rẹ̀ ń ṣèdárò lẹ́yìn olóògbé

Lẹyin idigunjale to waye niluu Ilara-Mokin, nipinlẹ Ondo lọjọbọ, ọpọ eeyan kaakiri ipinlẹ Ondo lo ti bẹrẹ si ṣedaro akọroyin kan to ba iṣẹlẹ naa lọ.

Akọroyin ọhun, to jẹ oṣiṣẹ ileeṣẹ igbohunsafẹfẹ Adaba FM, niluu Akure nigba kan ri, Olubunmi Afuye lo jade laye lẹyin to fara gbọta ibọn nibi iṣẹlẹ ọhun.

Lara awọn to n ṣedaro Afuyẹ ni Gomina ipinlẹ Ondo, Arakunrin Rotimni Akeredolu, ẹgbẹ awọn akọroyin, NUJ, ẹka ti ipinlẹ Ondo, awọn akẹgbẹ rẹ lẹnu iṣẹ, awọn ẹbi rẹ, atawọn eeyan mii.

Ninu atẹjade kan ti agbẹnusọ gomina Akeredolu, Richard Olatunde buwọlu, o ni adanu nla ni iku oloogbe naa jẹ.

Aketi sọ pe "Afuye sun mọ wa gidi, a si gbadun bo ṣe maa n ṣiṣẹ rẹ ati bo ṣe maa n dari ayẹyẹ eyii ti a ti ni anfaani lati foju ganni lọpọ igba."

"Iku rẹ ko dun wa nikan, iku ọhun jẹ ohun ti a ko le mumọra."

Akeredolu tun ba gbogbo ẹbi oloogbe naa kẹdun, paapaa iyawo ati awọn ọmọ to fi silẹ saye lọ.

Ni ti ẹgbẹ awọn akọroyin, NUJ, ẹka ti ipinlẹ Ondo, wọn ni bi awọn adigunjale ṣe gẹ ẹmi oloogbe naa kuru jẹ ohun kan to ṣoro fun awọn lati ṣalaye.

Ninu atẹjade ti akọwe ẹgbẹ naa, Leke Adegbite buwọlu, o ni wọn ba ẹbi rẹ kẹdun, paapaa iyawo rẹ atawọn ojugba rẹ niga rẹ nigba kan ri nileeṣẹ redio Adaba FM.

NUJ Ondo ni awọn yoo saaro ipa ribiribi ti Afuye n ko ninu ẹgbẹ naa nitori ẹkọ nla ni awọn ti kọ lara rẹ.

Lara awọn alabaṣiṣẹ rẹ nigba kan ri to tun n ṣedaro lẹyin Afuye ni Ojo Awogbemi, ti ọpọ mọ si Kabiesi.

Awogbemi sọ sọ pe oun ṣi ba oloogbe naa ṣorọ ni nnkan bii aago mẹwaa aarọ ọjọ ti iṣẹlẹ naa waye to si sọ pe oun yoo kan si oun, ṣugbọn iroyin iku rẹ ni oun gbọ lẹyin wakati marun un si asiko naa.

Bunmi Afuye ni alukoro fasiti Elizade to wa niluu Ilara-Mokin ki ọlọjọ to de.

Olubunmi Afuye: Ohun táa mọ̀ nípa akọ̀ròyìn tó kàgbákò ikú lọ́wọ́ Adigunjalè tó fọ́ Báńkì l'Ondo

Iroyin to n t wa lọwọ sọ pe awọn agbebọn ti pa oniroyin kan ati eeyan meji mii ni banki ti wọn ti lọ ja ole lỌjọbọ ọjọ kẹẹdogun oṣu keje.

Iṣẹlẹ naa la gbọ pe o ṣẹlẹ ni ilu Ilara Mokin, ijọba ibilẹ Ifedore.

Akọroyin naa ti orukọ rẹ n jẹ Olubunmi Afuye jẹ ẹni ti wọn ṣẹṣẹ gba siṣẹ gẹgẹ bii agbẹnusọ fun Fasiti Elizade.

Ki ni Olubunmi ba de ibi to ti kagbako iku ojiji ati ohun ti a mọ nipa rẹ?

Iroyin ni Olubunmi n lọ sibi iṣẹ rẹ ni lo ba ṣaadede ko sọwọ awọn adigunjale to n ko banki kan lọwọ lo ba fori la iku gbigbona.

Ileeṣẹ Ọlọpaa ipinlẹ Ondo ASP Tee-Leo Ikoro ti sọ pe lootọ ni iṣẹlẹ naa ṣẹlẹ.

Awọn iroyin kan tilẹ n sọ pe ọlọpaa ni awọn meji mii ọhun ti wọn pa amọ ileeṣẹ ọlọpaa ni awọn yoo to fi atjade sita lori iṣẹlẹ ọhun.

A gbọ pe awọn adigunjale ọhun fọ ilẹkun ayẹta banki naa pẹlu awọn okuta dynamite ki wn to ri aaye wọle sinu ile.

Gẹg bi eeyan kan to ṣoju rẹ ṣe sọọ, ọlọkada kan ati oṣiṣ Fasiti Elizade n kọja lọ ni ọpọ ọta ibọn ba wọn.