#EndSars Lagos Judicial Panel: Iléeṣẹ́ ológun ní òtítọ́ làwọn sọ́jà gbé ìbọn tó lọ́ta gidi nínú lọ sí Lekki Toll Gate
Oríṣun àwòrán, Twitter/Nigerian Army
Ileeṣẹ ologun oriilẹ ti sọ pe awọn sọja gba ibọn to ni ọta to le ṣekupa eeyan lọ si Lekki Toll Gate nibi tawọn oluwọde EndSARS ti n ṣe ifẹhonuhan ogunjọ oṣu kẹwaa ọdun 2020.
Ọgagun Brig. Gen. Ahmed Taiwo ṣalaye pe awọn sọja gbe ibọn pẹlu ọta gidi ninu rẹ dani lati baado bo ara wọn.
Amọ, o sọ pe kii ṣe ọta gidi lo wa ninu ibọn tawọn sọja yin soke ni Lekki lati tu awọn oluwọde EndSARS ka.
- Seyi Makinde fún olórin Fuji Taye Currency lẹ́bùn ọkọ̀ bọ̀kìnnì Toyota Prado 2020
- Ọlọ́pàá fìyà jẹ mí lọ́dún 2014, mò wà lẹ́yìn àwọn ọ̀dọ́ lórí ìwọde EndSARS- Fayemi
- Ìbọn ń dún kíkan n‘Ibadan, àwọn òǹtàjà ti ṣọ́ọ́bù pa
- Ẹ jọwọ, ẹ ba mi bẹ ìyàwó mi kí ìgbéyàwó mi ma baà túká - 9ice
- Èyí ni bí wọ́n ṣe pín fásitì LAUTECH láàrín ìpínlẹ̀ Oyo àti Osun
- Ọkùnrin tó pe ìyàwó rẹ̀ lájẹ̀ẹ́ tì í mọ́lé fọ́dún mẹ́rin, fún un lóyún nígbà mẹ́ta!
Ọgagun Taiwo fidi ọrọ yii mulẹ niwaju igbimọ to n ṣe iwadii ipaniyan to waye ni Lekki Toll Gate nipinlẹ Eko.
Ọrọ yii jẹ jade nigba tawọn agbẹjọro Adeyinka Olumide-Fusika (SAN) ati Adesina Ogunlana fi ọrọ wa ọgagun naa lẹnu wo.
Brig. Gen. Taiwo sọ pe nitori awọn janduku to wa laarin awọn olufẹhonuhan lo jẹ kawọn ologun gbe ibọn to ni ọta gidi ninu lọ sibẹ.
Ẹwẹ, igbimọ naa ti pari ayẹwo ohun ti kamẹra CCTV ka silẹ logunjọ oṣu kẹwaa ti iṣẹlẹ ọhun ṣẹlẹ.
Fọnran CCTV naa fihan pe ohun gbogbo si n lọ nirọwọ rọsẹ ni bii aago meje ku iṣẹju mẹtadinlogun lọjọ naa.
Ṣugbọn ni iṣẹju meji lẹyin naa lọrọ bẹyin yọ lẹyin ti ọkọ awọn sọja de ibẹ.
Ni deedee aago meje ku iṣẹju meje ni ina lọ ni Lekki Toll Gate, amọ Ọgagun Taiwo ni deedee aago meje ku iṣẹju mẹtadinlogun lawọn sọja bẹrẹ si ni yinbọn lẹyin tawọn janduku bẹrẹ si ni lẹ oko mọ wọn.
- Àwọn ìṣẹ̀lẹ̀ mánigbàgbé tó wáyé nínú oṣù Kẹ́wàá ọdún 2020
- Àwọn ọmọ Nàìjíríà yarí lórí èròngbà ilé aṣòfin pé kí àjọ FRSC má a lo nkan ìjagun
- Àwọn ìwàásù akọnilẹ́nu hàà tí Prophet Israel Oladele CCC Genesis Global ti ṣe rèé
- Báàgì Ghana Must Go pàwọ̀dà, ó di ohun táwọn ránsọ ránsọ fi ń dárà orísirísi
- Wòlíì míì, tún wọ gàù lẹ́yìn tó tàpá sí ìlànà béèlì tí wọ́n fún un nílé ẹjọ́
Iléeṣẹ́ ológun ní ó bàwọn lọ́kàn jẹ́ bí Sanwo-Olu ṣe ni kìí se òun ló pe sójà si Lekki
Àdari ẹka ọmọ ologún 81 Brigade ní Victoria Island Brig. Gen Ahmed Taiwo sọ lọ́jọ́ sátidé, pé àwọn olùfẹ̀hónú hàn #EndSars fẹ sọ ìpínlẹ̀ Eko di aláìlólórí.
Brig Taiwo sọrọ yìí níbi ìjòkò tó ń gbẹjọ ìwà ìpá ọlọ́paàá àti ìṣẹ̀lẹ̀ tó wáye ni Lekki.
Oríṣun àwòrán, Facebook/Babajide Sabwo-Olu
Taiwo sàlàyè pé lẹ́yìn ti gbogbo ǹkan tó wáyé sááju ọjọ náà, àga ọlọ́pàá ti wọ́n jó, pipa àwọn ọlọ́pàá,. bi wọ́n ṣe dí ojú pópó ti àwọn jàndùkú sì bẹ̀rẹ̀ sí ni gba owó lọ́wọ́ ará ilú tó ǹkan ti gómìnà fi lé pé sójà láti wá ran oun lọ́wọ́
- Ààrẹ ti kọ̀wé fipò sílẹ̀ torí èèyàn méjì t'ọ́lọ́pàá pa níbi ìfẹ̀hónúhàn lòdì sí ìjọba
- Wo ohun tí Fashola rí níbi ìṣẹ̀lẹ̀ Lekki Tollgate tó ń fa ariwo lórí ayélujara
- Iléẹjọ́ mú ọjọ́ kejìdínlógún, oṣù kọkànlá fún ìgbẹ́jọ́ àwọn tó jí ìbejì Àáfà Akeugbagold ní Ibadan
- Ó kéré tán ọmọdé 142,000 sí 160,000 ní àìsàn otútú àyà ń pa lọ́dọọdún ní Nàìjíríà
- Ipa tí mo kó lágbègbè mí lásìkò ìwọ́de EndSARS ló dènà làásìgbò - Alaafin
O ní sááju ni gọmìnà Babajide sanwo-Olu ti pé Commader 9 Brigade., sùgbọ́n nitori kò tẹ̀lé ìlànà tó yẹ ni wọ́n ó fi lọ síbẹ̀ tí o si ni kí ó kọ́ka pé olóri ọmo ologun pátápáta, Tukur Buratai
O ní kóda gomina ko ni aago ìpè GOC bákan náà ni GOC ko ni ti Gómìnà ni àsìkò tí ìṣẹ̀lẹ̀ náà ṣẹlẹ.
Gẹ́gẹ́ bi ó ṣe sọ lẹ́yìn ìpàde tí ní GOC pe Gomina nítorí àwọn ìpè àjòjì tí ó ri lórí aago rẹ̀.
Lẹ́yìn èyí ló pàsẹ kí àwọn 81 Brigade lọ sí ibi #EndSars Lekki Toll Gate.
Ọga àwọn ologun náà bu ẹnu àtẹ lu gbogbo àwọn ẹri tó wà nígboro pé ìrọ́ lásán ni wọ́n.
O ní gbogbo ìbọ̀n ti wọ́n yìn níbẹ̀ kìí ṣe ìbọn gangan bíkose ọta ìbọn alátìkè
Ẹ̀wẹ̀, gbogbo ènìyàn ló tí n bẹ̀nu àtẹ́ lu gómìnà ìpińlẹ̀ Eko Babajide Sanwo-Olu lórí ìṣẹ̀lẹ̀ Lekki Shooting, nílẹ̀ yìí àti lókè Okun.
Yàtọ̀ sí ìpè gómìnà sí àwọn ọmọ ológun láti ràn òun lọ́wọ́. Ìwádìí níbi ìjòkó ìfẹ̀hónúhàn yii ní Brig. Gen Taiwo tí fi ẹnu rẹ̀ sọ pé olórí ilé ìtajà SPAR pe òun láti wá ran òun lọ́wọ́ ni agbègbè náà lẹ́yìn tí ìṣẹ̀lẹ̀ Lekki Shooting.
Olumide Fusika ló bèrè lọ́wa Brig. Gen ló ń bèrè ìbérè yiìí pé yàtọ̀ sí gómìnà ìpińlẹ̀ Eko ta tún lo bẹ Brig. Taiwo níṣk ni Lekki Toll gate
