Ghana Vs Nigeria trade war: Eyín àti ahọ́n a máa bá ara wọn jà, ọ̀kan ṣoṣo ni Nàìjíríà àti Ghana

Agbẹnusọ ile igbimọ aṣojuṣofin Naijiria, Femi Gbajabiamila ti ṣe ipade pẹlu akẹgbẹ rẹ nilẹ Ghana lọna ati petu saawọ to n waye laarin orile-ede mejeeji.

Irinajo Gbajabiamila jẹ ọkan lara ọna ati lọ wa ojutuu si ọrọ owo miliọnu kan dọla ti orilẹ-ede Ghana ni ki awọn ọmọ Naijiria to n taja lọhun maa san.

Gbajamiala to kọwọrin pẹlu awọn aṣofin ilẹ Naijiria la gbọ pe adari ile aṣojuṣofin ilẹ Ghana, Mike Oquaye gba lalejo.

Ninu ọrọ rẹ, Gbajabiamila sọ pe eyin ati ahon a maa ba ara wọn ja nitori naa ede aaiyedeto n waye laarin Naijiria ati Ghana ko yẹ ko fa wahala.

O ni ohun to ṣe pataki ni i awọn orileede mejeeji wa ọna labẹ ofin ti wọn yoo fi yanju aawọ to ba waye.

Lọsẹ to kọja ni awọn ọmọ Naijiria figbe ta pe awọn ko lee gba bi orilẹede Ghana ṣe n wọ awọn nilẹ ti wọn si n foju keree wọn.

Ṣugbọn awọn alaṣẹ Ghana ni bẹẹ kọ ni ọrọ ṣe ri nigba ti ijọba Naijiria naa fọrọ ikilọ ranṣẹ pe ki wọn ṣọra gidi gan.

Adari ile Ghana ninu esi rẹ sọ pe oun ni igbagbọ pe laarin ọjọ kan si meji awọn yoo yanju ọrọ naa.

O ni nilẹ Afrika eeyan ko le darukọ Naijiria ko ma pe Ghana pẹlu rẹ.

Ki lo ti ṣẹlẹ sẹyin?

Ìjọba Ghana ṣí iléeṣẹ́ àwọn ọmọ Nàìjíríà padà. Ó fún Nàìjíríà l'èsì àwọn ẹ̀sùn tó fi kàn-án

Ijọba Ghana wí àwíjàre rẹ̀ lórí àwọn ẹ̀sùn tí Nàìjíríà fi kàn-án

Ijọba orilẹ-ede Ghana ti fesi si ẹsun ti ijọba Naijiria fi kan, pe wọn n fi iya jẹ awọn ọmọ Naijiria nibẹ.

Minisita fun eto iroyin ni orilẹ-ede Ghana, Kojo Oppong Nkrumah sọ pe Aarẹ Nana Akufo-Addo yoo jiroro pẹlu Aarẹ Muhammadu Buhari, lati yanju ọrọ naa ni tubi-inubi.

O tẹsiwaju ninu ọrọ rẹ pe Ghana nifẹ si ibasepọ to wa laarin orilẹ-ede mejeeji.

Opin ọsẹ to kọja ni Minisita eto iroyin ni Naijiria, Lai Mohammed kilọ fun Ghana pe 'o to gẹ'.

Eyi waye lẹyin ti Ghana ti awọn ile itaja keekeeke to jẹ ti awọn ọmọ Naijiria pa.

Ijọba Naijiria sọ pe ohun ti ni akọsilẹ gbogbo iwa buruku tí awọn alasẹ Ghana n hu si awọn ọmọ Naijiria to n gbe l'orilẹ-ede wọn.

Sugbọn Ọgbẹni Nkrumah sọ pe gbogbo nkan ti Lai Mohammed tọka si kii ṣe otitọ.

Atejade naa ni: "Nitori naa, gbogbo iwọde, igbesẹ tabi iwa ti Naijiria ba hu nitori awọn iroyin to gbọ, ko bojumu."

Nkrumah tẹsiwaju pe ọrọ ti Lai sọ nipa ibasepọ Naijiria pẹlu Ghana lo kọ awọn lomiinu julọ.

Lori ẹsun ti Naijiria fi kan Ghana pe o gba ileesẹ aṣoju oun, Nkrumah sọ pe, ọdun mẹrindinlaadọta sẹyin ni adehun ti orilẹ-ede mejeeji fọwọ́ si pẹlu ẹni to ni ile naa, Thomas D. Hardy, ti dopin, sugbọn ti Naijiria ko ṣe i mi.

Yatọ si eyi, Ọgbẹni Nkrumah sọ pe irọ ni pe awọn fi ọmọ Naijiria bi i 700 sì ẹ̀wọ̀n lai nidi. O ni, gbogbo wọn lo jẹbi ẹsun iwa ọdaran ni ijọba ṣe mu wọn.

Lori pe ijọba Ghana ti awọn ile itaja to jẹ ti awọn ọmọ Naijiria, Nkrumah sọ pe awọn onitọhun ko tẹle ilana ti ijọba fun wọn, ni ọrọ ṣe ri bẹ ẹ.

Sugbọn ṣa, o ni ijọba ti ṣi wọn pada.