స్తంభించిన ఫేస్‌బుక్... ఇన్‌స్టాగ్రామ్, వాట్సప్ సేవల్లోనూ అంతరాయం

ఫేస్ బుక్

ఫొటో సోర్స్, Reuters

సోషల్ నెట్‌వర్కింగ్ సైట్ ఫేస్‌బుక్ ముందెన్నడూ లేనంత తీవ్రస్థాయిలో స్తంభించిపోయింది. అంతర్జాతీయంగా చాలా చోట్ల బుధవారం/గురువారం చాలా సమయం ఇది సరిగా పనిచేయలేదు. కొందరు యూజర్లకు ఇప్పుడు కూడా పనిచేయడం లేదు.

ఫేస్‌బుక్ ప్రధాన సర్వీసు, రెండు మెసేజింగ్ యాప్‌లు, ఫొటోలు పెట్టుకొనే వేదిక ఇన్‌స్టాగ్రామ్ స్తంభించిపోయాయి.

ఈ పరిస్థితికి కారణం ఏమిటనేది ఫేస్‌బుక్ ఇంకా చెప్పలేదు.

ఫేస్‌బుక్‌కు చెందిన యాప్‌ల వినియోగంలో కొందరు వాడకందార్లు సమస్యలు ఎదుర్కొంటున్నారని తమ దృష్టికి వచ్చిందని ఫేస్‌బుక్ ఒక ప్రకటనలో తెలిపింది. ఈ సమస్యను సాధ్యమైనంత త్వరగా పరిష్కరించేందుకు ప్రయత్నిస్తున్నామని చెప్పింది.

మొబైల్

ఫొటో సోర్స్, Getty Images

ఫేస్‌బుక్ ఈ స్థాయిలో చివరిసారిగా 2008లో స్తంభించిపోయింది. అప్పట్లో 15 కోట్ల మంది యూజర్లు ఉండేవారు. ఇప్పుడు సుమారు 230 కోట్ల మంది నెలవారీ యూజర్లు ఉన్నారు.

ఫేస్‌బుక్ ప్రస్తుత సమస్యకు కారణాలపై ట్విటర్ లాంటి ఇతర సోషట్ నెట్‌వర్కుల్లో వదంతులు వస్తున్నాయి. 'డిస్ట్రిబ్యూటెడ్ డీనైయల్ ఆఫ్ సర్వీస్ (డీడీవోఎస్)' దాడి ఈ సమస్యకు కారణమనే ప్రచారం కూడా సాగుతోంది.

వదంతులపై ఫేస్‌బుక్ స్పందిస్తూ- సమస్యకు డీడీవోఎస్ కారణం కాదని స్పష్టం చేసింది. డీడీవోఎస్ అనేది ఒక రకం సైబర్ దాడి. ఈ దాడిలో- మితిమీరిన ట్రాఫిక్ వల్ల సర్వీసు స్తంభించిపోతుంది.

భారత కాలమానం ప్రకారం బుధవారం రాత్రి 9:30 గంటలప్పుడు ఈ సమస్య మొదలైందని అంచనా వేస్తున్నారు.

Skip ఎక్కువమంది చదివినవి and continue reading
ఎక్కువమంది చదివినవి

End of ఎక్కువమంది చదివినవి

ఫేస్‌బుక్ లోడ్ అవుతున్నట్లు కనిపించిందని, కానీ ఏదైనా పోస్ట్ చేయాలంటే వీలు కావడం లేదని యూజర్లు చెప్పారు.

ఇన్‌స్టాగ్రామ్‌లో అయితే ఫీడ్‌ను రిఫ్రెష్ చేయడం, కొత్త కంటెంట్ పోస్ట్ చేయడం సాధ్యం కాలేదు.

ఫేస్‌బుక్ మెసెంజెర్ డెస్క్‌టాప్ వర్షన్ లోడ్ కాలేదు. మొబైల్ యాప్‌లో మాత్రం కొన్ని సందేశాలు పంపుకొనేందుకు ఇబ్బంది తలెత్తలేదు. ఫొటోలు లాంటి కంటెంట్ విషయంలో మాత్రం ఇబ్బందులు ఉన్నట్లు యూజర్లు చెప్పారు.

ఫేస్‌బుక్‌కు చెందిన మెసేజింగ్ యాప్ వాట్సప్‌లోనూ ఇలాంటి అవాంతరాలే వచ్చాయి.

ఫేస్‌బుక్ ప్రపంచవ్యాప్తంగా చాలా చోట్ల స్తంభించిపోయిందని థర్డ్‌పార్టీ వెబ్‌సైట్ 'డౌన్‌డిటెక్టర్' వెల్లడించింది.

ఫేస్ బుక్ కొత్త ప్లాన్

ఫేస్‌బుక్ వర్క్‌ప్లేస్‌పైనా ప్రభావం

అంతర్గత సమాచార వినిమయం కోసం వ్యాపార సంస్థలు ఉపయోగించే 'ఫేస్‌బుక్ వర్క్‌ప్లేస్'పైనా తాజా సమస్య ప్రభావం చూపింది.

అర్జెంటీనాలోని బ్యూనస్ ఎయిర్స్‌కు చెందిన డిజైనర్ రెబెకా బ్రూకర్ బీబీసీతో మాట్లాడుతూ- ఫేస్‌బుక్ నిలిచిపోవడం తన పనిపై చాలా ప్రభావం చూపిస్తోందని విచారం వ్యక్తంచేశారు.

''ఫేస్‌బుక్‌ను వ్యక్తిగత అవసరాలకే వాడుతుంటే పెద్దగా ఇబ్బంది లేదు. కానీ వ్యాపార సేవలు అందించడానికి ఇలాంటి నెట్‌వర్కులపై ఆధారపడితే పరిస్థితి ఏంటి? అమెరికాలోని న్యూయార్క్‌లో ఉన్న మా బృందాన్ని సంప్రదించేందుకు ప్రయత్నిస్తున్నా. ఈమెయిల్ కాకుండా, కమ్యూనికేషన్‌కు ఫేస్‌బుక్ వర్క్‌ప్లేసే ఏకైక సాధనం'' అని ఆమె వివరించారు.

''దేనిపైనైనా ఒకే కంపెనీకి నియంత్రణ కల్పిస్తే ఏమవుతుందో ఇప్పుడు చూశాం'' అని బ్రూకర్ వ్యాఖ్యానించారు. ఇలాంటి పరిస్థితి రావొచ్చని తాను ఊహించానని, ఒక యూజర్‌గా ఈ గుత్తాధిపత్యంలో తానూ భాగస్వామిని అయిపోయినందుకు బాధగా ఉందని చెప్పారు.

భారీ టెక్ కంపెనీలు వాటి రాజకీయ శక్తితో నిబంధనలను వాటికి అనుకూలంగా మలచుకోకుండా అడ్డుకోవాలని అమెరికా అధ్యక్ష ఎన్నికల్లో డెమొక్రటిక్ పార్టీ అభ్యర్థిత్వం కోసం ప్రయత్నిస్తున్న ఎలిజబెత్ వారెన్ 'ద న్యూయార్క్ టైమ్స్'తో చెప్పారు. ఆ కంపెనీలు వాటి అర్థబలంతో ప్రతి పోటీదారును కొనుగోలు చేయడాన్ని కూడా అడ్డుకోవాల్సి ఉందన్నారు.

ట్విటర్ లోగో

ఫొటో సోర్స్, Getty Images

ట్విటర్‌లో జోకులు

ఫేస్‌బుక్‌, ఇన్‌స్టాగ్రామ్ స్తంభించిపోవడంపై మరో సోషల్ నెట్‌వర్క్ 'ట్విటర్‌'లో యూజర్లు పెద్దయెత్తున జోకులు వేశారు. #FacebookDown #InstagramDown హ్యాష్‌ట్యాగ్‌లను ఇప్పటివరకు లక్షన్నర సార్లకు పైగా వాడారు.

ఫేస్‌బుక్ సంబంధ ఉద్యాగాల్లో ఉండే కొందరు ట్విటర్ యూజర్లు- ఫేస్‌బుక్ స్తంభించిపోవడంపై ఆందోళన వ్యక్తంచేశారు.

సోషల్ మీడియా స్తంభించిపోతే సమాజం స్తంభించిపోతుందని, లోకం అంతమైపోతుందని కొందరు వ్యంగ్యంగా వ్యాఖ్యానించారు. ఫేస్‌బుక్‌లో అప్‌డేట్ పెట్టకుండా తమకు ఇష్టమైనవారిని ఎలా కలుసుకోవాలి, తిండి ఎలా తినాలి అనేది ఎవరికీ గుర్తులేదని చెప్పారు.

పోస్ట్‌ X స్కిప్ చేయండి, 1
X ఈ సమాచారాన్ని చూడాలనుకుంటున్నారా?

ఈ కథనంలో X అందించిన సమాచారం కూడా ఉంది. వారు కుకీలు, ఇతర టెక్నాలజీలను ఉపయోగిస్తుండొచ్చు, అందుకే సమాచారం లోడ్ అయ్యే ముందే మేం మీ అనుమతి అడుగుతాం. మీరు మీ అనుమతి ఇచ్చేముందు X కుకీ పాలసీని , ప్రైవసీ పాలసీని చదవొచ్చు. ఈ సమాచారం చూడాలనుకుంటే ‘ఆమోదించు, కొనసాగించు’ను ఎంచుకోండి.

హెచ్చరిక: థర్డ్ పార్టీ కంటెంట్‌లో ప్రకటనలు ఉండొచ్చు

పోస్ట్ of X ముగిసింది, 1

ఫేస్‌బుక్, ఇన్‌స్టాగ్రామ్ స్తంభించిపోవడంతో జనం ట్విటర్‌కు మళ్లుతున్నారనే వాదనకు మద్దతుగా కొందరు ఆసక్తికరమైన 'మీమ్‌లు' పెట్టారు.

పోస్ట్‌ X స్కిప్ చేయండి, 2
X ఈ సమాచారాన్ని చూడాలనుకుంటున్నారా?

ఈ కథనంలో X అందించిన సమాచారం కూడా ఉంది. వారు కుకీలు, ఇతర టెక్నాలజీలను ఉపయోగిస్తుండొచ్చు, అందుకే సమాచారం లోడ్ అయ్యే ముందే మేం మీ అనుమతి అడుగుతాం. మీరు మీ అనుమతి ఇచ్చేముందు X కుకీ పాలసీని , ప్రైవసీ పాలసీని చదవొచ్చు. ఈ సమాచారం చూడాలనుకుంటే ‘ఆమోదించు, కొనసాగించు’ను ఎంచుకోండి.

హెచ్చరిక: థర్డ్ పార్టీ కంటెంట్‌లో ప్రకటనలు ఉండొచ్చు

పోస్ట్ of X ముగిసింది, 2

సోషల్ మీడియాపై తామెంతగా ఆధారపడుతున్నామో తాజా పరిణామంతో తెలిసొచ్చిందని కొందరు వ్యాఖ్యానించారు.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)