పిల్లల ఉన్నత విద్య ఖర్చుల కోసం ఎలాంటి జాగ్రత్తలు తీసుకోవాలి

ప్రస్తుతం మధ్య తరగతి కుటుంబాలకు అతి పెద్ద ఖర్చు పిల్లల చదువే.

హైదరాబాద్, బెంగళూరు లాంటి నగరాల్లో స్కూల్ ఫీజులు కూడా ఏడాదికి లక్ష రూపాయల దాకా ఉంటున్నాయి.

ఇలాంటి పరిస్థితుల్లో పిల్లల గ్రాడ్యుయేషన్, పీజీ లాంటి ఉన్నత విద్యకు సంబంధించిన ఖర్చుల విషయంలో తగిన జాగ్రత్తలు తీసుకోవాలి.

గతంలో కంటే ప్రస్తుతం కాలేజీలు, విశ్వవిద్యాలయాల సంఖ్య ఎక్కువగా ఉన్నా ఫీజుల మోత కూడా అధికంగానే ఉంది.

అలాగే డీమ్డ్ విశ్వవిద్యాలయాలలోనూ ఫీజులు ఎప్పటికప్పుడు పెరుగుతూ ఉన్నాయి.

2019లో ఐఐటీలలో ఎంటెక్ ఫీజు ఇరవై వేల నుంచీ రెండు లక్షలకు, అంటే దాదాపు 900% పెంచారు.

ఇక మెడిసిన్ అంటే ముందు నుంచీ అధిక ఖర్చుతో కూడిన వ్యవహారమే. చాలామంది భారతీయ విద్యార్థులు యుక్రెయిన్, ఫిలిప్పీన్స్ లాంటి దేశాలకు మెడిసిన్ చదవడానికి వెళుతున్నారంటే మన విశ్వవిద్యాలయాలలో ఫీజులు ఎలా ఉన్నాయో అంచనా వేయచ్చు.

లా, సీఏ లాంటి కోర్సుల ఫీజులు కూడా రోజురోజుకూ పెరుగుతున్నాయి.

ఎంత ఖర్చు అవుతుంది?

ముందుగా పిల్లలు ఉన్నత విద్య దశకు చేరే సమయానికి ఎంత ఖర్చు రావచ్చో బేరీజు వేద్దాం.

ప్రస్తుతం ఇంజినీరింగ్ విద్యకు సంబంధించి వార్షిక ఖర్చు సగటున లక్ష రూపాయల దాకా ఉంటోంది. దీనికి తోడు కొంత హాస్టల్ ఫీజు కలుపుకుంటే ఏడాదికి ఒకటిన్నర లక్ష దాకా ఉంటొంది. అంటే నాలుగేళ్లకు కలిపి ఆరు లక్షల దాకా ఖర్చు ఉంటోంది.

అలాగే ఈ ఫీజు ఏడాదికి పది శాతం దాకా పెరిగే అవకాశం ఉంది. ఒక వేళ ప్రభుత్వ పరంగా ఫీజు పెంపు లేకపొయినా ఇతర ఖర్చులలో ఆ మాత్రం పెంపు చూడచ్చు.

కనుక ఈ ప్రాతిపదికన పిల్లల వయసును బట్టి వారికి పదిహేడేళ్లు వచ్చే సమయానికి ఎంత అవసరం ఉండచ్చో క్రింద ఇచ్చిన పట్టికలో చూద్దాం.

అంటే ఐదేళ్ల వయసున్న పాప/బాబు ఇంజినీరింగ్ చదవాలంటే పెద్దలు 19 లక్షల రూపాయల రాబడి వచ్చే విధంగా మదుపు చేయాలి.

ఇప్పుడు ఇదే విధంగా మెడిసిన్ ఖర్చు చూద్దాం. ప్రస్తుతం మెడిసిన్ చదవడానికి వార్షిక ఖర్చు సగటున రెండు లక్షల దాకా ఉంది. హాస్టల్, ఇతర ఖర్చులు కలుపుకుంటే రెండున్నర లక్షల దాకా ఖర్చు ఉంటుంది. మెడిసిన్ ఐదు సంవత్సరాల కోర్స్ కాబట్టి పన్నెండున్నర లక్షలు. దాని మీద పది శాతం వార్షిక పెరుగుదల పరిగణలోకి తీసుకుంటే వచ్చే మొత్తం ఎంత ఉంటుందో క్రింద ఇచ్చిన పట్టికలో చూద్దాం.

అంటే ప్రస్తుతం ఐదేళ్ల పాప/బాబు మెడిసిన్ చదవాలంటే కావలసిన మొత్తం నలభై లక్షలు.

ఇప్పుడు ఈ మొత్తం రాబడి రావడానికి ఎలా మదుపు చేయాలో, ఎలాంటి జాగ్రత్తలు తీసుకోవాలో చూద్దాం:

పైన చెప్పిన సూచనల ప్రకారం పిల్లల చదువు కోసం నిర్మించాల్సిన పోర్ట్ ఫోలియో ఎలా ఉండాలో క్రింద ఇచ్చిన పటంలో చూద్దాం.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)