Emeritus Ayo Bamgbose: Ibánújẹ́ ni ojú yẹpẹrẹ tí ìjọba fi n wo olùkọ́ báyìí jẹ́ fún mi

Odún 1952 ni mo kọ́kọ́ mu Bíà rí, ṣùgbọ́n ẹnu mi kò kán Bíà mọ̀ lẹ́yìn ti mo fẹ́ bi ṣelẹṣe- Ayo Bamgbose

Iriri kọja ẹgbẹ abẹwu, béé ohun ti oju agba ri to fi jin sinu kuro ni kekere.

Nitori pe BBC Yoruba fẹ́ ki awọn ọ̀dọ́ asiko yii kọ ẹkọ lara awọn agbaagba to ti wé odò aṣeyọri ja lénu iṣẹ ti wọn yan laayo ni a ṣe bẹrẹ abala iriri agba yii.

BBC fẹ ki ọdọ kọ ẹkọ lara awọn agbalagba ti oju wọn ti ri to yii ni ki aye le tun fi roju pada ki nkan le yipada si rere pelu iwa omoluwabi awon ọdọ asiko yii.

Ta ni Ojogbon Ayo Bamgbose?

A bi Ayo Bamgbose ni ọjọ kẹtadinlọgbọn, oṣu kinni, ọdun 1932 si idile Alufaa Sangodipe Bamgbose ni Odopotu.

Egungun ati Sango ni wọn n bọ nile wọn ni eyi to hande ninu oruko re Ba - mi- gb-e ose Sango.

O lo sile ẹkọ St Anfrews College nibi to ti di akọṣẹmọṣẹ oluko ni ọdun 1951.

Lẹyin naa lo wa si Fasiti akọkọ ni Naijiria to wa ni ilu Ibadan nipinlẹ Oyo nibi ti sanmọnti ti gbe dun ilẹ to tun ni ọgba eranko.Títí di bí a ṣe ń sọ̀rọ̀ yìí, èmi gan an kò mọ irú ẹni tí Wole Soyinka jẹ́- Ojọ̀gbọ́n Wole Soyinka

Eko nipa ede oyinbo lo kọkọ kọ ni Fasiti Ibadan ko to lọ mọ sii nipa imọ ẹda ede ni University of Edinburg nibi to ti gba oye ọmọwe lọdun 1963.

Lati igba naa lo ti n sise olukoni ni Fasiti Ibadan to si ti kọwe pupọ nipa imọ ẹda ede ati idagbasoke ede Yoruba ni pato.

Bamgbose ni akọṣẹmọṣẹ imọ ẹda ede akọkọ nilẹ Adulawo to di ọmọ ẹgbẹ Linguistic Society of America. LSA.

Oun ni Adulawo akọkọ to jẹ aarẹ International Association of World Englishes.

Oun nikan ni won fun ni Nigerian National Order of Merit lodun 1990 yato si ọpọlọpọ oye akada ati awujọ miran.

Bayii, Emeritus Ayo Bamgbose ti kọja aadọrun ọdun lori oke eepe.

Opo Ojogbon to ti lamilaaka ni wọn ti mu ninu omi ọgbọn Baba Bamgbose.

Kini Ojogbon yii tun só nipa iriri re ki ọdọ tun fi kọgbọn?

Ojogbon Agba, Ayo Bamgbose sọrọ nipa iriri rẹ̀ nigba to kọkọ mu ọti bíà ri laye.

Iriri yii buru to bẹẹ ti o bì titi ilẹ fi mọ ni ọjọ keji ni.

Baba ni lati igba naa ni won ko ti fẹnu kan ọti lile mọ, eyi fihan pe agba wa bura, bi èwe ko ba ṣe ẹ ri ni ọrọ iriri.

Ni afikun, O sọrọ nipa ipo oluko ni atijo ati ni isiyi to n bani lokan jẹ gidi.