Akure Akomolede: Àwọn Olùkọ́ Akure pegedé lórí ètò Akomolede àti Aṣa lórí BBC Yorùbá
Akomolede ati Asa lori BBC Yoruba ni eto akanṣe to maa n wa fun un yin ki ede ati aṣa Yoruba ma baa parun
Eto naa wa lori ikanni BBC pẹlu ajọṣepọ ẹgbẹ Onimọ ede Yoruba YSAN ati apapọ ẹgbẹ Akomolede kaakiri ipinlẹ Naijiria.
Ilu Akurẹ ni ipinlẹ Ondo ni awọn olukọ to n dabira yii ti wa la.
- Wo ìgbẹ̀yìn àwọn ọlọ̀tẹ̀ Yorùbá tó ran Fulani lọ́wọ́ láti kógun ja ìlú Osogbo
- Mọ̀ sií i nípa Oba Yesufu Asanike , Olubadan tí kìí fi ọ̀rọ̀ sí abẹ́ ahọ́n sọ kódà níwájú sọ́jà
- Àwọn Ọba Yorùbá kan rèé tí wọ́n rọ̀ lóyè, tí ọba míràn jẹ lójú ayé wọn
- Ẹ̀yin Marlians, ṣẹ mọ̀ pé Naira Marley kìí ṣe aláàbọ̀ ẹ̀kọ́, ó kàwé jáde ní fásitì?
1) Arabinrin Modupe Ajileye lati ile ẹkọ St Thomas's Anglican Comprehensive, Oke Aro, akurẹ ni olukọ to yaranti to kọ nipa aṣa Isọmọlorukọ ni ilẹ Yoruba.
Olukọ yii ṣalaye igbesẹ itọju oyun ati oriṣi orukọ ti Yoruba n sọ ọmọ wọn.
Bakan naa lo tun mẹnuba awọn ohun eelo isọmọlorukọ bii obi, orogbo, adun, iyọ ireke, oyin, suga ati bẹẹ bẹẹ lọ.
2) Arabinrin Victoria Sefunmi Atẹẹrẹ lati ileẹkọ St Micheal's Catholic High School.
Olukọ agba yii lo kọ wa ni Akanlo Ede.
Nibẹ lo ti ṣalaye ni ọrinkiniwin lori awọn ọrọ abẹ ahọn ti ko le tete ye ẹni ti ko ba gbọ ogidi ede Yoruba.
- Ìdí tí wọn kii fi jẹ́ kí obìnrin jẹ Ọ̀ọ̀ni ni Ile Ife
- Mọ̀ síi nípa Shina Rambo tó pàdé Jesu lọ́gbà ẹ̀wọn lẹ́yìn tó ti jalè
- Ọba Lamidi Adeyẹmi, òṣìṣẹ́ adójútòfò àti Abẹ̀ṣẹ́kùbíòjò kó tó jọba
- Mọ̀ síi nípa ìṣẹ̀lẹ̀ ilẹ̀ ríru tó mú ẹ̀mí 16,000 èèyàn lọ tó sì ba dukia $206b jẹ́
- Wò ó bí Afọnja ṣe finú wénú pẹ̀lú Fulani ní Ilọrin títí tó fi jẹ iwọ
3) Ijala ere Ọdẹ ni ewi alohun Yoruba to jẹ mọ aṣeyẹ to jẹ re awọn ọdẹ ni a gbe yẹwo.
Arabinrin Modupe aya Azeez lati ile ẹkọ Akure Commercial Secondary School ni olukọ to fi ewi alohun yii dabira.
Gbogbo igbesẹ inu Ijala ati akoonu Ijala ere ọdẹ naa ni olukọ yanana fun wa.
4) Ipolowo Ọja ni agunmu owo ni igbagbọ Yoruba.
Koko yii ni Arabinrin Olayinka Olorunyolemi kọ wa lori eto Akomolede lonii.
Ileẹkọ St Louis Girls Grammar School ni Akure ni olukọ wa ti wa.
Oriṣi ọna ipolowo ọja laye atijọ ati laye ode oni ni olukọ ṣalaye fun wa.
5) Arabinrin Kemi Abiodun lati ile ẹkọ Celestial Church Grammar School ni Awulẹ Akurẹ ni olukọ wa to yaranti.
Olukọ yii lo kọ wa nipa Ọrọ Arọpo Afarajorukọ ninu girama ede Yoruba.
Olukọ fi ọpọlọpọ apẹẹrẹ ṣlaye gidi nipa ẹkọ yii fun wa.
Ẹ ma gbagbe pe BBC Yoruba n ṣe kookari eto yii lati rri pe ede ati aṣa Yoruba ko parun ki itẹsiwaju si ba ede naa.
Njẹ iwọ n sa ipa rẹ fun idagbasoke Yoruba bi?
Yoruba dun lete pupọ.
