Ahmed Gulak: Ọlọ́pàá ti sọ̀rọ̀ ní kíkún lórí ikú Gulak tó jẹ́ eèkàn tó kúrò ní PDP lọ sí APC

Ileeṣẹ ọlọpaa Naijiria ti ṣalaye sii lori iku Gulak Ahmad to doloogbe lana ọjọ Aiku nipinlẹ Imo ni Ila oorun guusu Naijiria.

Ileeṣẹ ọlọpaa ipinlẹ Imo ni pe awọn Indigenous People of Biafra [IPOB] ati awọn Eastern Security Network [ESN] ni wọn ṣiṣẹ ibi naa.

Ninu atẹjade kan ti alukoro ileeṣẹ ọlọpaa nipinlẹ Imo, Bala Elkana fi sita lo ti sọ ọrọ yii.

Bala ni ọlọpaa ti pa eeyan mẹfa to ṣiṣẹ ibi naa ni Imo.

O tun ni awọn pa oniṣẹ ibi mẹrin miran ninu ikọlu to waye ni ijoba ibile Aboh-Mbaise nipinlẹ Imo.

Bala Elkana tun ṣalaye pe awọn oniṣẹ ibi naa n pin alubọsa ni awọn agbofinro pada wọn ti wọn si gbena woju ara wọn.

O ni awakọ Golak lo sọ bi wọn se rin lẹyin iṣẹlẹ naa.

Awakọ naa ni oun n gbe Gulak lọ si papakọ ofurufu ni iṣẹlẹ naa waye ni orita Obiangwu ni ijoba ibilẹ Ngorokpala

wọn ti sin Oloogbe Gulak Ahmad nilan ẹsin Musulumi.

Àwọn ọlọ́pàá rọ̀jò ìbọn lórí àwọn jàndùkú tó ṣekúpa Ahmed Gulak, wọ́n tún gba ìbọn wọn

Iléeṣẹ́ ọlọ́pàá ti mú àwọn jàndùkú tó pa èèkàn ẹgbẹ́ APC

Kọmiṣọnna ọlọpaa Imo, CP Abutu Yaro gboṣuba rabandẹ fawọn ọlọpaa fun iṣẹ takun takun ti wọn ṣe lati ṣawari awọn asekupani naa.

O dabi ẹni pe idajọ kiakia lawọn janduku to ṣekupa Ahmed Gulak tii ṣe oluranlọwọ aarẹ ana orilẹ-ede Naijiria, Goodluck Jonathan gba lẹyin tawọn ọlọpaa ti ran awọn naa lọ si ọrun alakeji.

Ileeṣẹ ọlọpaa ipinlẹ Imo ṣalaye ninu atẹjade kan to fi sita lọjọ Aiku pe awọn agbofinro ti ṣawari awọn agbebọn to pa Gulak loju ilu Owerri si Abuja.

Koda awọn ọlọpaa tun gba ibọ AK 47 mẹta, ibọn kekere kan ati ọta ibọn mejilelaadọrun lọwọ wọn.

Bakan naa lawọn ọlọpaa tun gba awọn ọkọ ti wọn fi ṣiṣẹ ibi naa lọwọ wọn.

''Gẹgẹ bi dẹrẹba Gulak to n gbe lọ si papkọ ofurufu nigba ti wọn pa ṣe sọ, awọn agbebọn naa lo ọkọ Toyota Camry 2005, Toyota Sienna 1998, Toyota Hilux ati Lexus RX 330 lati ṣiṣẹ laabi wọn.

O tun sọ fun wa ọna ti awọn janduku ọhun gba lọ lẹyin ti wọn pa Gulak tan.

Gbogbo nkan ti a lo niyii lati wa wọn ri de ibi ti wọn wa gan an.

Orita Afor Enyiogugu ni ijọba ibilẹ Aboh-Mbaise ni a ti gba wọn mu, koda wọn n pin alubọsa lati inu ọkọ nla to n bọ lati oke Ọya fawọn eeyan ni a de bẹ.

Bi wọn ṣe ri wọn ni wọn bẹrẹ si ni yinbọn mọ wa, ṣugbọn wọn ba awa ọlọpaa naa nile.

Awọn janduku mẹfẹẹfa to pa Gulak atawọn akẹgbẹ wọn mẹrin mii lo farapa yanayana,'' ileeṣẹ ọlọpaa ṣalaye.

Kọmiṣọnna ọlọpaa Imo, CP Abutu Yaro gboṣuba rabandẹ fawọn ọlọpaa fun iṣẹ takun takun ti wọn ṣe lati ṣawari awọn asekupani naa.

Awọn janduku agbebọn ti ṣekupa Ahmed Gulak tii ṣe oluranlọwọ aarẹ ana orilẹ-ede Naijiria, Goodluck Jonathan.

Ilu Owerri nipinlẹ Imo ni wọn ti sọ pe wọn yinbọn pa Gulak.

Gulak n rinrin ajo lati Abuja si Owerri lalẹ ọjọ Abamẹta ki o to ṣagbako iku ojiji lọna.