Yoruba Nation: Sunday Igboho ní káwọn ajìjàgbara fọwọ́ wọ́nú, kí ọ̀tá máṣe yọ àwọn
Oríṣun àwòrán, Sunday_Igboho1/Instagram
Gbajugbaja ajijagbara fun ilẹ Yoruba, Oloye Sunday Igboho ti kede pe wọn ti sun iwọde fun idasilẹ Yoruba Nation nipinlẹ Ekiti wa sẹyin.
Ọjọ kejila osu Kefa, eyiun June 12 ni Sunday Igboho ati awọn ajijagbara miran to n polongo idasilẹ́ orilẹede Yoruba yẹ ko ya wọ Ado Ekiti fun iwọ̀de naa tẹlẹ, ko to di pe wọn sun siwaju.
Amọ ni bayii, ọjọ Satide, ọjọ Karun osu Kefa ni wọn yoo se iwọde naa, eyi to fi ọsẹ kan din si ọjọ to yẹ ki wọn se iwọde naa tẹlẹ.
- ''Ẹ ó ríjà Ọba, tí ẹ bá gbìyànjú láti fọ́wọ́ kan Sunday Igboho''
- Agbébọn yabo ilé Sunday Igboho ní òru mọ́jú
- '' Ìrọ ní ò, N51.8million kọ́ ní àwọn Naijiria dá fún Sunday Igboho, N4milion ní''
- A ò pe Sunday Igboho lọ́mọ alè Yorùbá o àmọ́, a ó jọ́ bèrè lọ́wọ́ Alálẹ̀ Ibadan àti gbogbo Yorùbá ni - Olubadan
- Ọwọ́ Sunday Igboho tẹ ‘Sọ́jà’ àti aráàlú mẹ́rin tó ní wọn ń dọdẹ òun
Sunday Igboho, ẹni to kede isunsẹyin iwọde naa loju opo Facebook agbẹnusọ feto iroyin rẹ, Olayomi Koiki, salaye pe o nidi ti igbesẹ naa se waye.
Igboho, ti wọn fi fọnran ohun rẹ ti wọn gba silẹ sita loju opo ikansiraẹni naa, wa rawọ ẹbẹ sawọn eeyan to n binu nitori ọjọ ti wọn yipada naa.
"Ohun to jẹ ka yi ọjọ naa pada si June 5 ni pe iwọde June 12 maa wa ti gbogbo wa maa ti lọ kopa, eyi ti yoo waye nilu Abeokuta.
Idi niyi ti mo fi ni ka ma mu June 12 nitori iwọde n bọ, to dẹ maa ni agbara gan, mo wa fi gbogbo awọn alalẹ bẹ yin kẹ dari jin mi.
Àwọn iròyin tì ẹ leè ní ìfẹ̀ síí:
- Tó bá dá Gani Adams lójú, kó dárúkọ àwọn ọ̀dàlẹ̀ inú Yoruba Nation - OPC New Era
- Ààrẹ Buhari tí yan olórí ikọ̀ ọmọogun Naijiria tuntun
- Obasanjo ṣàbẹ̀wò s'ọ́jà tí wọ́n fi sọrí rẹ̀ n'Ibadan, ó ṣèlérí ìrànwọ́ fáwọn ọlọ́jà
- Wo ohun màrùn-ún pàtàkì nípa ọ̀gá ológun tuntun
- Èpè elépè kò ní ràn ẹ́, aya Ajeyemi! Wo àwọn òṣèré tó ń fi àdúrà ré èpè ESABOD kúrò lóríi Toyin Abraham
- Ìgboro ayélujára ń gbóná lọ́wọ́lọ́wọ́ mọ́ Remi Tinubu lẹ́yìn tó pe obìnrin kan ní Tọ́ọ̀gì
Emi ni mo yi ọjọ naa pada si June 5, ẹ ma binu sira wa, ẹ jẹ ka se ara wa lọkan, ori idọbal,ẹ ni mo wa, mo fi Ọlọrun bẹ yin, ka dijọ de ilẹ ileri.
Esu ko ni de si aarin wa, ẹ ma jẹ ki aye yọ wa pe awọn to fẹ gba orilẹede Yoruba, lo n ba ara wọn ja yẹn."
O ni igbesẹ naa lo wa lati pana iporuru ọkan to n su yọ nitori iwọde Ekiti, to si parọwa si awọn ajijagbara naa pe ki wọn se ara wọn ni ọkan.
Igboho fikun pe kii se eeyan kan lo n sisẹ ni ipinlẹ kọọkan, gbogbo wọn lo si se pataki.Ipinlẹ Ekiti kun fun awọn gbajumọ ati ọmọwe, ibẹ si ni Baba wa, Banji Akitoye ti wa.
O ni oun dupẹ pe awọn agbaagba tete pa ina rogbodiyan to fẹ suyọ nipa iwọde naa ni Ekiti, ti Ọlọrun si ti gba akoso ohun gbogbo.
Bakan naa lo ni ko si ẹnikẹni to n ba ara wọn ja, gbogbo wa la n sisẹ papọ fun aseyori iwọde ti yoo waye ni Ekiti lọjọ Karun osu Kẹfa ọdun 2021.
