Major General Faruk Yahaya: Òun lo n dari ikọ ọmọogun to n gbogun ti iwa igbesunmọmi lọ́wọ́

Ni ọsan ọjọbọ ni ileesẹ aarẹ kede olori ọmọ ogun tuntun fun ileesẹ Ologun Naijiria, Oluwarẹ si ni Ọgagun Faruk Yahaya.

Saaju iyansipo Yahaya yii ni ẹnu ti n kun oun ati awọn ọga ologun marun miran pe o seese ki wọn yan ọkan lara wọn bi olori ileesẹ ologun ilẹ yii.

Àwọn iròyin tì ẹ leè ní ìfẹ̀ síí:

Nibayi ti aarẹ Buhari ti wa fontẹ lu ọga ologun naa, awọn ohun marun to yẹ kẹ mọ nipa akikanju ọga ologun naa ree.

Ohun marun pataki nipa Ọgagun Faruk Yahaya:

Àwọn Ọ̀gágun tó ṣeéṣe kó gba ipò olórí àwọn ọmọogun lẹ́yìn ikú Attahiru nìyìí

Lẹyin iku olori awọn ikọ ọmọogun ori-ilẹ ni Naijiria, Ọgagun Ibrahim Attahiru, ibeere ti awọn eniyan n beere ni ẹni ti yoo rọpọ ọgagun naa.

Opin ọsẹ to kọja ni Ọgagun Attahiru ati awọn ọmọ ikọ ologun mẹwaa miran ki aye pe odigba-oṣe lẹyin ijamba ọkọ baalu to gbẹmi wọn ni ilu Kaduna.

Attahiru lo gba ipo lọwọ ọgagun Tukur Buratai lati gbogun ti ikọ agbesunmọmi Boko Haram to n fa eto aabo to dẹnukọlẹ kaakiri ariwa orilẹede Naijiria.

Aarẹ Buhari ati awọn eekan lorilẹede Naijiria ti kan saara si Attahiru gẹgẹ bi akọni to ṣiṣẹ takuntakun lati gbogun ti iwa ọdaran lorilẹede Naijiria.

Àwọn ọmọ Naijiria n sọ òkò ọ̀rọ̀ sí Buhari àti Osinbajo pé wọn kò lọ sí ìsìnkú Ibrahim Attahiru

Tinubu, Gbajabiamila, Sanwo-Olu gbárùkù tí fífòfin de dída ẹran káàkiri ìgboro

Èèmọ̀! Ọmọogun 20 sọnù sínú ìjàmbá ọkọ̀ òfurufú mẹ́ta lóṣù mẹ́ta

Wo àwọn orílẹ̀èdè tí ìbálòpọ̀ akọsákọ ti lòdì sí òfin

Tani yoo rọpo Attahiru gẹgẹ bi Adari ikọ ọmọogun ilẹ ni Naijiria?

Awọn onimọ ni ẹka eto aabo lorilẹede Naijiria ti bẹrẹ si ni darukọ awọn to ṣeeṣe ki wọn gba ipo olori ikọ ọmọogun ilẹ ni Naijiria, lẹyin iku Ọgagun Attahiru Ibrahim.

Iroyin lati ileeṣẹ aarẹ tilẹ sọ wi pe ko nipẹ rara ti aarẹ Buhari yoo fi yan adari miran lọna ati gbogun ti eto aabo to mẹhẹ.

Lara awọn ti o ṣeeṣe ki wọn di ipo yii mu ni Major General Danjuma Ali-Keffi, Major General Ben Ahanotu, Major General AM Aliyu, Major General Ibrahim Manu Yusuf ati Major General Faruk Yahaya,

Ọgagun Danjuma Ali-Keffi

Ọgagun Danjuma Ali-Keffi lo di ipo adari awọn ikọ ọmọogun to wa ni ipinlẹ Kaduna, oun ni commander of the national army ni Kaduna.

Ọpọlọpọ eniyan gbagbọ wi pe o ṣeeṣe ko jẹ oun ni aarẹ Buhari yoo yan sipo, amọ wọn ni lati ni ki awọn to wa ni iwaju rẹ to le ni ọgbọn lọ tete fẹyinti.

Eleyii tumọ si wi pe awọn ọgagun to wa niwaju yoo padanu iṣẹ wọn lasiko ti wọn nilo wọn julọ.

Amọ ni awọn orilẹede miran ẹni to ba kunjuwọn julọ ni wọn ma n yan sipo lai fi ti ọjọ ori tabi ọgagun to wa nipo to gajulọ yan ẹnikẹni sipo.

Ọgagun Ben Ahanotu

Ọgagun Ben Ahanotu jẹ ọkan gboogi ninu awọn onimọ nipa eto aabo ni Naijiria, ti o si mọ nipa gbigbogun ti igbesunmọmi gẹgẹ bi iṣẹ to yan laayo.

Ipinlẹ Anambra ni Ahanora ti wa ti o si gbo ede ṃẹrin ti wọn sọ lorilẹede Naijiria to fi mọ Hausa.

Ahanotu ni asaaju ikọ ọmọogun to mu olori awọn agbesunmọmi Boko Haram, Muhammed Yusuf ni ilu Maiduguri ni ọdun 2009.

TAMPAN pàṣẹ pé 'director' kankan kò gbọdọ̀ pe Nkechi Blessing àti Adams Kehinde sí iṣẹ́ mọ́

Pé mo gba ìwọ́de lááyè kò túmọ̀ sí pé mo faramọ́ Oduduwa Nation - Akeredolu

Ọgagun AM Aliyu

Ọgagun AM Aliyu naa pegede ninu awọn ti yoo le di ipo olori ikọ ọmọogun Naijiria, nitori imọ rẹ nipa eto aabo ati otẹlẹmuyẹ.

Ipinlẹ Gmbe ni o ti wa, ti o si ti di ipo adari eto ati ise ni ileeṣẹ ikọ ọmọogun Naijiria.

Ọgagun Faruk Yahaya

Ọgagun Faruk Yahaya lo n dari ikọ ọmọogun to n gbogun ti Boko Haram lọwọlọwọ ni iwọ ariwa orilẹede Naijiria.

Ipinlẹ Zamfara ni Faruk Yahaya tisẹ wa, to si di ipo gboogi mu ni ikọ ọmọogun Naijiria.

Saaju o ti fi igba kan di ipo adari ikọ ọmọogun ilẹ Naijiria ri, iyẹn Commander of the Armed Forces.

Ọsẹ yii ni awọn eniyan n woye wi pe aarẹ Buhari yoo kede ẹni ti yoo di ipo olori ikọ ọmọogun ilẹ Naijiria mu, ti yoo si ṣiṣẹ takuntakun lati ripe opin deba eto aabo to dẹnukọlẹ ni Naijiria.