Baba Ijesha: TAMPAN pàṣẹ pé 'director' kankan kò gbọdọ̀ pe Nkechi Blessing àti Adams Kehinde sí iṣẹ́ mọ́

Damola Olatunji, alaga ẹgbẹ awọn oludari sinima, to jẹ ẹka ẹgbẹ TAMPAN, ti fesi pe ibawi ti wọn fun Nkechi Blessing ati Adams Kehinde 'Lege Miami', kii ṣe ojuṣaaju.

O sọ ọrọ yii lẹyin ti awuyewuye waye pe kilode ti ẹgbẹ naa ko fi iya kan naa jẹ Iyabo Ojo ati Yomi Fabiyi to ṣẹ ẹṣẹ kan naa.

Nigba to n ba BBC Yoruba sọrọ, Olatunji sọ pe ọrọ Iyabo ati Fabiyi dabi ọrọ Yoruba to sọ pe ka kọkọ le ẹlẹyọrọ lọ tan, ka to o fi abọ ba adiyẹ.

O ni ọpọlọpọ igba ni ikilọ ti jade si awọn ọmọ ẹgbẹ TAMPAN pe wọn ko gbọdọ wọ ara wọn tabi sọ ọrọ kobakungbe si ara wọn lori ayelujara.

Àwọn Ọ̀gágun tó ṣeéṣe kó gba ipò olórí àwọn ọmọogun lẹ́yìn ikú Attahiru nìyìí

Àjọ elétò ìdìbò Oyo ti fún àwọ́n alága ìjọba 32 tó jáwé olúborí ní ìwé ẹ̀rí

Àwọn ọmọ Naijiria n sọ òkò ọ̀rọ̀ sí Buhari àti Osinbajo pé wọn kò lọ sí ìsìnkú Ibrahim Attahiru

Tinubu, Gbajabiamila, Sanwo-Olu gbárùkù tí fífòfin de dída ẹran káàkiri ìgboro

Wo bí àwọn olùwọ́de ṣe dí òpópónà Abuja sí kaduna gbágbá lórí ìṣẹ̀lẹ̀ ìjínigbé

"Nipa ti Iyabo Ojo ati Yomi Fabiyi, ọrọ ti wọn n ja si ti wa nile ẹjọ, o si di igba ti ile ẹjọ ba yanju ọrọ naa, ka to o mọ nkan ti a le sẹ.

"Ṣugbọn ti eeyan ba fẹ ẹ fọ ilu mọ, ibi kan ni yoo ti bẹrẹ. Ẹ jẹ ka gba pe ibi yii (Nkechi ati Adams) lati bẹrẹ."

Bakan naa lo sọ pe oun ko ti i le sọ igba tabi akoko ti ofin ti wọn fi de osẹre mejeeji yoo dopin. Olatunji sọ pe ẹgbẹ nikan lo le sọ.

Ọjọ Aiku ni Damola Olatunji fi ikede sita lorukọ ẹgbẹ awọn oludari ere ati TAMPAN pe, oludari ere kankan ko gbọdọ pe Nkechi Blessing Sunday ati Adams Kehinde 'Lege Miami' si ere , nitori pe wọn ta epo si aṣọ ala ẹgbẹ.

TAMPAN pàṣẹ pé 'director' kankan kò gbọdọ̀ pe Nkechi Blessing àti Adams Kehinde sí iṣẹ́ mọ́

Ẹgbẹ awọn oludari ere (director), to jẹ ẹka kan nini ẹgbẹ, Tampan Guild of Directors (TGD) ti paṣẹ pe ki oṣerebinrin, Sunday Nkechi Blessing ati oṣerekunrin, Adams Kehinde (Lege) lọ ọ rọọkun nile fun igba diẹ.

TGD jẹ ẹka kan ni abẹ agbarijọpọ ẹgbẹ awọn oṣere tiata ni Naijiria, TAMPAN.

Ikede yii jẹyọ ninu atẹjade ti Alaga igbimọ oludari naa, Damọla Ọlatunji fi sita ni alẹ ọjọ Aiku.

Ninu atẹjade naa, Ọlatunji sọ pe wọn ti pe akiyesi TAMPAN si iwa afojudi, sisọ ọrọ buruku si ara ẹni, ati awọn iwa mii, to n fa arinfin fun ẹgbẹ naa.

Wo àwọn orílẹ̀èdè tí ìbálòpọ̀ akọsákọ ti lòdì sí òfin

Ẹ̀sùn gbígbìyànjú láti wọ́lé sí ojú ara ọmọdé pẹ̀lú ìpá àtàwọn ẹ̀sùn mìí tí Baba Ijesha yóò jẹ́ rèé

Princess jèbùrẹ́, ọ̀rọ̀ Baba Ijesha gbóná ju èrò ọ̀pọ̀ èèyàn lọ - Adewale Eleso

Igbesẹ ti ẹgbẹ TAMPAN gbe ko ṣẹyin bi awọn osẹre mejeeji ṣe n sọ ọrọ buruku si ara wọn lori ayelujara, nitori ẹsun ifipabanilopọ ti wọn fi kan Baba Ijẹsha.

Lati igba ti iroyin ti jade pe ọwọ tẹ Omiyinka, ni awọn akẹẹgbẹ rẹ kan ti n gbena woju ara wọn.

Bi awọn kan ṣe n ṣe atilẹyin fun, ni awọn to koro oju si ẹsun ti wọn fi kan an n ba wọn wi pe ki wọn o ma ṣatilẹyin fun iwa ibajẹ.

Lara awọn ti 'ija' wọn gba ori ayelujara ni Iyabọ Ojo ati Yọmi Fabiyi.

Davido sí Yomi Fabiyi: Mùmú ni ẹ́

Toyin Abraham jọ̀wọ́ dáríjì mí - Yomi Fabiyi

Yomi Fabiyi bá Sanwo-Olu, gómìnà Eko sọ̀rọ̀ lórí ọ̀rọ̀ Baba Ijesha

''Àwa àgbààgbà òṣèré kò dákẹ́ lórí wàhálà láàrin Iyabọ Ojo ati Yomi Fabiyi nitori Baba Ijẹsha''

Òṣèré tíátà Yorùbá míràn tún kó sí gbaga ọlọ́pàá

Botilẹ jẹ pe awuyewuye ti dakẹ diẹ lori ọrọ Baba Ijẹsha, ọjọ diẹ sẹyin tun ni Nkechi ati Lege tun ru ina ede aiyede to ti kọkọ waye laarin wọn nipa iṣẹlẹ naa soke.

Lẹyin ti Lege ti kọkọ tọrọ̀ aforiji fun awọn ọrọ to fi ṣatilẹyin fun Baba Ijẹsha, lo tun sọ pe Nkechi wu iwa arifin si oun lasiko naa.

Kini Nkechi gbọ ọrọ yii si, ni oun naa ba tun bọ si ori ayelujara Instagram tiẹ naa, to si sọ oko eebu si Lege Miami.

Amọ ni bayii, TAMPAN sọ pe oun kede aṣẹ idaduro naa fun awọn mejeeji "nitori pe iwa adojutini ti wọn n hu lori ayelujaran ta ẹrẹ si aṣọ apọnle ẹgbẹ naa.

"O si di dandan pe ki a ra ìyì wa to ti bajẹ pada."

Ijiya wo lo wa ninu aṣẹ ti TAMPAN kede?

Alaga ẹgbẹ awọn oludari ere, Damọla Ọlatunji sọ ninu atẹjade naa pe ko gbọdọ si oludari ere kankan, to ba jẹ ọmọ ẹgbẹ naa, ti yoo pe Nkechi Blessing ati Adams Kehinde si iṣẹ ere ṣiṣe.

"...oludari ere kankan to jẹ ọmọ ẹgbẹ yii, ko gbọdọ fun awọn osẹre mejeeji ni iṣẹ kankan botiwu ko kere mọ."

O ni oludari ere to ba fun wọn ni isẹ ṣe, tumọ si pe iru ẹni bẹẹ ti tapa si ofin ẹgbẹ TAMPAN, to jẹ baba fun gbogbo wọn.

"Eyi ti ijiya to yẹ si n duro o de."

Ẹwẹ, lẹyin eyi ni Nkechi Blessing fi fidio kan sori ayelujara ninu eyi to ti n beere pe ṣe oun ko ṣe pataki to lagbaye ni ati pe oun ko kere rara.