Muyiwa Ademola: Ẹ forí jìn mí, àpàrá lásán tí mo dá nípa òṣèlú ṣíṣe ti gbọ̀nà míì yọ

Muyiwa Ademola, ti ọpọ eeyan mọ si Muyi Authentic ti sọ pe, iṣẹ tiata ni iṣẹ ti ori ran oun ati pe oun ko nifẹ si oṣelu ṣiṣe.

Ademola lo sọ ọrọ naa loju opo Instagram rẹ, lẹyin to ti kọkọ kede saaju nipa ipinu rẹ lati darapọ mọ oṣelu sise.

Ninu ikede to kọkọ gbe jade lọjọ kinni, oṣu Kẹrin lo ti sọ pe oun ti bẹrẹ oṣelu, ati pe oun yoo du ipo sẹnatọ ninu idibo gbogbo gboo ti yoo waye lọdun 2023.

Àwọn iròyin tì ẹ leè ní ìfẹ̀ síí:

Ṣugbọn o ti wa sọ pe apara lasan ni ọrọ oun akọkọ nipa sise oṣelu.

O ni "Apara ti mo da yii ti n gbọna mii yọ o, mo kan ni ki n ṣere diẹ ni, ṣugbọn mo ni lati tọrọ aforoji lọwọ ẹyin ololufẹ mi."

Muyi Authentic sọ pe, oriṣiriṣi ipe ni oun gba lati ọdọ awọn ololufẹ oun kaakiri Naijiria titi de ilu Abuja lori ọrọ pe oun ti di oloṣelu, ṣugbọn o ni "April Fool" lasan ni ikede ọhun.

O sọ siwaju si pe, apara ti oun da naa, jẹ ki oun mọ si nipa ifẹ ti awọn eeyan ni si oun ati irufẹ oju ti ọpọ eeyan fi wo ọrọ oṣelu ni Naijiria.

O ni "bi awọn kan ṣe n ṣọ pe awọn wa lẹyin mi digbi bii ike, lawọn mii n sọ pe ki n ma ba wọn lọwọ si ọrọ oṣelu Naijiria fun idi kan tabi omiran."

Muyiwa ni oun tun kọ ẹkọ tuntun miran nipa awọn eeyan ilu ti oun n gbe lori, nipa bi wọn ko ṣe lee ti oun lẹyin to ba tilẹ jẹ pe lootọ ni oun fẹ gbegba oṣelu.

Ọmọ Ademola sọ pe "o jẹ ohun iyalẹnu fun mi pe awọn eeyan ilu ti mo ti ka gbogbo iwe aye mi, ti mo kọle si, ti mo n gbe, ti mo si tun ti n ṣiṣẹ ko ti mi lẹyin ninu ọrọ oṣelu yii, to ba tilẹ jẹ pe lootọ ni mo fẹ ṣe oṣelu."

Lẹyin naa lo tọrọ aforiji lọwọ awọn ololufe rẹ fun apara ọhun, o si tun fidi rẹ mulẹ pe, iṣẹ tiata ni iṣẹ ti ori ran oun.

Ẹwẹ, April Fool ni apara ti awọn eeyan maa n da ni gbogbo ọjọ kinni, oṣu Kẹrin, ọdọdun, fun ẹfẹ tabi ere ṣiṣe.

Ṣugbọn ọpọ lo ti n bu ẹnu ẹtẹ lu apara naa nitori irufẹ atubọtan to maa n gbẹyin awọn apara miran.

Iroyin ni ọpọ eeyan lo ti dero ileewosan lẹyin ti wọn daku nitori apara April Fool, ti ẉon ro pe o jẹ ootọ.

Muyiwa Ademola kéde ìdí tó ṣe fi iṣẹ́ tíátà sílẹ̀

Gbogbo ẹda lo maa n gbero lati de ibi giga, ti ẹda kii si sinmi titi yoo fi de ibi ọla rẹ.

Bẹẹ ni ọrọ ri pẹlu ilumọọka osere tiata nni, Muyiwa Ademola, ti ọpọ eeyan mọ si Muyi Authentic.

Muyiwa Ademola lo kede loju opo instagram rẹ pe oun ti setan lati dara pọ mọ agbo oselu ilẹ wa, ti oun yoo si gbegbe ibo lọdun 2023.

Ademola ni oun yoo sinmi fun igba diẹ naa fun ere tiata, ti oun yoo si kọju mọ oselu sise gẹgẹ bo se wa ninu erongba oun lati ọjọ pipẹ wa.

Bakan naa ni ilumọọka osere tiata naa ni oun ti pinnu lati dije fun ipo asofin agba ta mọ si Sẹnetọ ninu idibo gbogbo gboo lọdun 2023.

Ademola ni "Isisẹ sin ọmọniyan ni owo ile to san pe o n gbe ile aye, gẹgẹ bi Muhammed Ali ti wi. Lẹyin o rẹyin, mo ti wa n jade sita bayii lati sisẹ sin orilẹede mi atawọn eeyan mi.

Àwọn iròyin tì ẹ leè ní ìfẹ̀ síí:

Mo n yẹba diẹ na fun isẹ tiata sise lati dije fun ipo Sẹnetọ, ki Ọlọrun ran mi lọwọ.

Ademola ni ilu Ibadan ni oun tẹdo si, fun ọdun mẹtadinlaadọta amọ ọmọ ọba ni oun ni ididle ọba kan nilu Abeokuta nipinlẹ Ogun.

Gbajumọ osere tiata naa wa n beere lọwọ awọn ololufẹ rẹ pe nibo ni wọn lero tabi ti wọn le gba oun nimọran lati dije fun ipo naa.

O ni se ilu Ibadan lo yẹ ki oun ti dije ni abi Abeokuta tii se ilu abinibi oun.

Bẹẹ ba si gbagbe, Ademola lo ti kọkọ beere lọwọ awọn ololufẹ rẹ pe ki wọn sọ orukọ musulumi oun nitori oun ni orukọ abisọ to jẹ ti ẹsin Islam.

Osere tiata naa sisọ loju rẹ pe ọmọ bibi ilu Ilorin ni iya oun, ti baba oun si sọ oun ni Muyiwa Ademola Stephen amọ wọn fun oun ni orukọ Mususlumi.