SARS Operation in Nigeria: Òṣèré tíátà ń fẹ́ kíjọba pa ẹ̀ka ọlọ́pàá tó ń gbógun ti ìdigunjalè jẹ́

Gbajugbaja oṣere-binrin, Dayo Amusa, ti pe fun fifi òpin si ẹka ọlọpaa to n gbogun ti idigunjale, SARS.

Eyi waye lẹyin ti fidio kan to ṣafihan àwọn ọlọpaa kan tó yinbọn si ọkunrin kan ati idile rẹ, gba ori ayelujara.

Ninu fidio naa, ọlọpaa kan gbé ìbọn lọwọ, ti awọn ọkunrin melo kan ti wọn jọ n ṣe ariyanjiyan si di i mu.

Àwọn iròyin tì ẹ leè ní ìfẹ̀ síí:

Bo tilẹ jẹ pe nnkan to fa ariyan-jiyan naa ko han si wa, amọ o foju han pe ìbọn ba ọ̀kan lara awọn ọmọde to wa ninu ọkọ ayọkẹlẹ naa, ti awọn ọlọpaa SARS da duro.

Ariwo ẹ ma a gbe lọ sile iwosan lo gba inu fidio naa, ti obìnrin kan to ṣe e ṣe ko jẹ iya ọmọ naa, si n sunkun.

Ọpọ ọmọ Naijiria lo ti bu ẹnu ẹtẹ lu ileesẹ ọlọpaa, nitori fidio naa.

Dayo Amusa ninu fidio to gbe sita naa sọ pe, o ti di iwa ọdaran ni orilẹ-ede Naijiria lati se irun atọwọda Dàda sórí.

Bakan naa lo ni níní tabi gbigbe kọmputa agbeletan (laptop) dani, ati wiwọ aṣọ to ba igba mu, ti di ọ̀ran nla bayii nilẹ wa.

"Awọn ọlọpaa to yẹ ko ma a ṣọ ẹ̀mí ati dukia wa, ti di ẹni to n yinbọn mọ àwọn ọdọ wa, ti wọn si n pa wọn bo ṣe wu wọn, nitori pe wọn ro pe gbajuẹ ni wọn.

Ki wọn ti ẹ jẹ gbajuẹ, ṣe bi ẹ le mu wọn lọ si agọ ọlọpaa..."

Amusa wa n beere pe "ṣe bi a o ṣe ma a ba lọ ni yii?"

Lati bi ọdun diẹ ni ọpọ ọmọ Naijiria ti n polongo pe, ki ijọba o fi opin si ẹka ọlọpaa SARS, nitori awọn iwakiwa to kun ọwọ wọn.

N kò lóyún, bẹ́ẹ̀ ni ń kò ní ọkọ, ẹ fi mí lọ́rùn sílẹ̀ - Dayo Amusa

Ifẹ afẹju lo maa n mu iwọ lo n se mi wa, ti ifẹ ba si ju bo se yẹ lọ, o lee fa ija.

Bi ọrọ se ri ree pẹlu ilumọọka osere tiata lobinrin kan, Dayọ Amusa, ẹni to figbe ta loju opo Instagram rẹ pe ki awọn ololufẹ oun jọwọ dakun fi oun lọrun silẹ, nitori itara wọn nipa igbesi aye oun ti pọju.

Dayọ ni oun fẹ gbe ni alaafia, ki wọn si ye wa eekanna mọ oun lọrun nitori pe oun ko tii ni ọkọ tabi di oyun sinu.

Àwọn iròyin tì ẹ leè ní ìfẹ̀ síí:

Amọ sa, o wa mọriri awsn ololufẹ rẹ ọhun fun ifẹ ti wọn ni si ati ireti ohun rere ti wọn fẹ nipa rẹ, sugbọn o wa rawọ ẹbẹ si wọn pe ki wọn jọwọ fi oun lọrun silẹ lati gbe igbe aye to wu oun.

Ni kete to fi iroyin naa soju opo Instagram rẹ naa lawọn ololufẹ rẹ yii ti bẹrẹ si ni fesi pada fun, ti wọn si n ki pe ohun to sọ dara ati pe Ọlọrun yoo gbọ adura rẹ.

Sugbọn ọkan ninu awọn ololufẹ rẹ yii, John Andrew, @johnandrew1bb, lasiko to n dahun si ohun ti Dayọ Amusa kọ naa lo ni yoo dara ki osere tiata lobinrin naa tete lọ segbeyawo, ko si ni oyun sinu, bẹẹ lo n bi Dayọ pe, se ko mọ bo se sanra to ni.

Andrew wa gba Dayọ nimọran pe yoo dara ko lọ jo diẹ. O ni se ni pata rẹ maa n tobi to inuwọ ọmọde, ti oun ko si ri Dayọ ri ko wọ pata G-String lati igba to ti n fi pata nla ya fọto.

Ọrọ ti Andrew sọ yii lo fa ibinu awọn ololufẹ awọn ololufẹ Dayọ Amusa yọ, ti gbogbo wọn si n yọ suti ete si ọkunrin naa lara pe ko wii re rara, ti ọpọ wọn si n beere pe ki lo de ti awọn eeyan kii se bọwọ fun awọn gbajumọ lawujọ.