Fresh $5.8bn loan: SERAP kìlọ̀ fún Buhari pé kó yé kó Nàìjíríà sí gbèsè

Serap

Oríṣun àwòrán, @serap

Ajọ to n gbogun ti iṣowo ilu kumọ kumọ, SERAP ti kepe Aarẹ Muhammadu Buhari lati dẹkun owo yiya ijọba apapọ at'awọn ijọba ipinlẹ mẹrindinlogoji lati le yanju gbese to wa nilẹ ti Naijiria jẹ.

Ajọ SERAP ni ẹyawo ijọba apapọ ati ipinlẹ mẹrẹẹrindinlogoji n ṣakoba fun ọrọ aje Naijiria.

Ajọ naa sọ pe awọn mẹkunnu l'awọn ẹyawo yii n ṣakoba fun julọ.

SERAP ke gbajare bayii lẹyin ti ile igbimọ aṣofin agba l'Abuja buwọlu aba Aarẹ Buhari lati ya $5.8bn ati ẹbẹ fun miliọnu mẹwaa dọla laipẹ yii.

Ninu lẹta ti SERAP fi ranṣẹ si Buhari, igbakeji oludari ajọ naa, Kolawole Oludare ni ti ijọba ba le dẹkun ẹyawo, ọrọ aje Naijiria yoo gberu sii.

Àkọlé fídíò, Wa ko iṣẹ ọwọ nipa lilo ede Yoruba

SERAP ni didẹkun ẹyawo yoo tun mun ipadabọ sipo wa fun Naijiria lẹyin ajakalẹ arun covid-19.

Ajọ naa ni owo yiya ni gbogbo igba yoo dena mọ ijọba lati le nawo sí ẹka eto idajọ lati le ri pe ẹtọ ọmọnìyàn wa.

Àkọlé fídíò, 8kyti,j

SERAP ni ẹyawo gbogbo igba tun maa jẹ kí owo ori sisan pọ si eyi ti yoo pa awọn ọmọ Naijiria lara.

Skip Èyítí A Ń Kà Jùlọ and continue reading
Èyítí A Ń Kà Jùlọ

End of Èyítí A Ń Kà Jùlọ

SERAP kọminu lori bi ijọba kii ṣe jẹ kí o han si araalu bi wọn ti na awọn owo ti wọn ya tẹlẹ.

SERAP ni o yẹ ki ile aṣofin agba l'Abuja ṣe agbeyẹwo awọn koko to wa ninu owo ti ijọba fẹ ya ati ọna ti o fẹ gba san owo naa pada ki ile to buwọ luu.

SERAP ni eyi wa ni ibamu pẹlu pẹlu ojuṣe ile aṣofin agba l'Abuja gẹgẹ bi o ti wa ni akọsilẹ ninu iwe ofin Naijiria.

Àkọlé fídíò, Odindi ọjọ́ kan ni mo fi wà ní ìhòhò ní Libya tí gbogbo èrò n fi ọwọ́ pa mí lára

SERAP ninu obiti biti gbese ni ijọba apapọ ati awọn ipinlẹ Naijiria wa tẹlẹ, ki ile aṣofin to tun buwọ lu ẹyawo mii.

SERAP sọ ninu iwe to kọ ranṣẹ si Buhari pe, oun yoo ṣa gbogbo ipa oun lati ri pe ijọba apapọ at'awọn ti ipinlẹ tẹlẹ imọran oun lori owo yiya.