Ban on charcoal: Ìpínlẹ̀ Nasarawa fòfin de lílò èédú bí gáàsì ìdáná ṣe gbówó lórí
Oríṣun àwòrán, Others
Kaka ki ewe agbọn dẹ, niṣe lo n le koko si.
Nibi t'awọn eeyan ti n pariwo pe afẹfẹ gaasi idana gbowo, ijọba ipinlẹ Nasarawa ti fòfin de lilo tabi tita eedu nipinlẹ naa.
Akọwe agba ileeṣẹ ijọba to n ri si ọrọ ayika ati alumọọni ilẹ, Aliyu Agwai lo fọrọ yii lede fawọn akọroyin niluu Lafia.
- Irọ́ ni ìròyìn tó sọ pé àwọn òṣìṣẹ́ ìjọba àpapọ̀ kò níì tètè rí owó oṣù Kejìlá gbà
- Bọ́ọ̀sì tàkìtì lójú ọ̀nà Eko sí Ibadan, èèyàn mẹ́rin kú, 14 farapa
- Ìjọba fòfin de lílò tàbí títà èédú bí gáàsì ìdáná ṣe gbówó lórí
- Ọmọ ogun méjì rí ẹ̀wọ̀n he lẹ́yìn tí wọ́n yìnbọn pa olùfẹ̀hónúhàn lọ́dún 2020
- Wo orílẹ́èdè tó fẹ́ fi òfin de sìgá mímú fún ìran ọmọ wọn tó ń bọ̀
- Ilé ẹjọ́ ti pàṣẹ tuntun fún ọ̀ga ọlọ́pàá Nàìjíríà lórí Rahmon Adedoyin tí Timothy Adegoke kú sí ilé ìtura rẹ̀
Ọgbẹni Agwai ni ọna ti wọn n ṣe eedu n ṣakoba fun ayika ati pe o n ṣe ipalara fun oju ọjọ, o si tun n jẹ ki ilẹ gbona.
Agwai awọn ohun ti o n jade nigba ti wọn ba n sun eedu lewu pupọ fun eeyan.
Agwai ṣalaye pe "gige igi inu igbo lulẹ yoo ṣakoba fun ibugbe awọn ẹranko inu igbo ati oju ọjọ.
Kò sí ẹranko to maa ruu la pẹlu t'awọn eeyan ba tẹsiwaju lati maa ge igi inu igbo lulẹ nitori ibugbe wọn ni wọn n bajẹ.
Nitori naa, gbogbo awọn to n ta tabi lo eedu ni lati dẹkun rẹ, bi bẹẹ kọ, wọn foju ba ile ẹjọ."
Akọwe agba ileeṣẹ ijọba to n ri si ọrọ ayika ati alumọọni lu awọn eeyan ipinlẹ Nasarawa lọgọ ẹnu lori bi wọn n ṣe fọwọsowọpọ pẹlu ijọba lori eto ilaniloyẹ.
Ẹwẹ, eeyan mejilelogon lo ti foju ba ile ẹjọ lori ẹsun titapa s'ofin imọtoto ayika.
Olupẹjọ, Abubakar Mohammed sọ fun ile ẹjọ pe awọn eeyan naa n ṣiṣẹ nigba ti eto gbale n gbata n lọ lọwọ.
O rọ ile ẹjọ lati fi wọn jofin ki o le jẹ arifikọgbọn fawọn eeyan mii.
Lẹyin naa ni adajọ Abdullahi Lande dajọ ẹwọn oṣu mẹfa mẹfa fawọn eeyan ọhun tabi ki wọn san ẹgbẹrun marun un si aadọta ẹgbẹrun owo itanran.
