Tọkọ-taya tó ta ọmọ wọn ní ₦50,000 dèrò àtìmọ́lé l'Ogun
Oríṣun àwòrán, Abimbola Oyeyemi
Ileeṣẹ ọlọpaa ipinlẹ Ogun ti fi ṣikun ofin mu tọkọ-taya kan lẹyin ti wọn ta ọmọ wọn ti ọjọ ori rẹ ko tii ju oṣu kan lọ ni ẹgbẹrun lọna aadọta naira.
Eze Onyebuchi ati iyawo rẹ, Oluchi, ti wọn n gbe lagbegbe Ilara, ni Ode Remo, ni ipinlẹ naa ko sọwọ awọn agbofinro lẹyin iṣẹlẹ naa.
Ṣaaju ni ẹnikan ti kọkọ ke si awọn ọlọpaa pe tọkọ-taya ọhun ti ta ọmọ wọn.
- Wo ààrẹ orílẹ̀-èdè tó ṣiṣẹ́ awakọ̀ "taxi" kó tó di ààrẹ
- Iléeṣẹ́ aṣọ́bodè gbẹ́sẹ̀lé ‘Container’ tó kún fún ìbọn nílùú Eko
- Àwọn ọlọ́pàá ti gbé tọkọtaya tí wọ́n fi ẹ̀sùn kàn pé ó fi ọmọ oṣù mẹ́fà dí gbèsè tó fi kú
- Ó ti ṣe díẹ̀ tí mo ti ń gbé pẹ̀lú ìbànújẹ́, ayé ti sú mi - Ibrahim Chatta
- Àwọn ọlọ́pàá gbé òkú Sylvester Oromoni, akẹ́kọ̀ọ́ Dowen College to ku l'Eko fún àwọn òbí rẹ̀ lẹ́yìn àyẹ̀wò 'Autopsy'
- Ìyàwó Timothy Adedoge ké gbàjarè lórí èsì àyẹ̀wò ikú tó pa ọkọ rẹ̀
- Ọkọ mi ti ń sọ tẹ́lẹ̀ pé òun yóò pa ara òun, àmọ́ ẹbí kò ka ọ̀rọ̀ rẹ̀ sí - Ìyàwó ọkùnrin tó bẹ́ sí odò ọ̀sà
- Wo àwòrán ayẹyẹ ìgbéyàwó láàrín Lateef Adedimeji àti Adebimpe Oyebade
- 'Mi ò rí ọkùnrin bá lòpọ̀ fún ọdún kan gbáko lásìkò "lockdown" àmọ́ mo dán ǹkan wò'
- Àjò kò lè dùn títí... Mò ń padà sí oko lẹ́yìn sáà ìjọba mi - Buhari
Eyii lo mu ki ọga ọlọpaa agbegbe Ode Remo, Olayemi Fagbohun atawọn oṣiṣẹ rẹ ṣabẹwo sile tọkọ-taya naa, ti wọn si ko wọn lọ si agọ wọn.
Lasiko ti wọn n fi ọrọ wa wọn lẹnu wo ni agọ ọlọpaa, tọkọ-taya ọhun sọ pe arabinrin kan ti orukọ rẹ n jẹ Ruth Obajimi lo so wọn pọ mọ ẹni ti wọn ta ọmọ naa fun.
Wọn ni obinrin naa wa sọdọ awọn, o si sọ pe ajafẹtọ ọmọniyan ni oun, ati pe oun yo ba wọn tọju ọmọ naa.
Lẹyin naa ni obinrin ọhun fun wọn ni ẹgbẹrun lọna aadọta naira, ti awọn naa si gbe ọmọ wọn wọn le lọwọ lai mọ obinrin ọhun ri tẹlẹ.
Ninu atẹjade kan ti agbẹnusọ ileeṣẹ ọlọpaa ipinlẹ Ogun, Abimbola Oyeyemi fi lede, o ni obinrin ti wọn ta ọmọ naa fun ti na papa bora.
Oyeyemi fi kun pe awọn ti n sa ipa awọn lati ri daju pe wọn ṣawari obinrin naa, ki wọn si da ọmọ naa pada fun awọn obi rẹ.
Ẹwẹ, kọniṣọna ọlọpaa ipinlẹ Ogun, Lanre Bankole ti ni ki wọn tari tọkọ-taya naa si ẹka ileeṣẹ ọlọpaa to n ṣe iwadii iwa ọdaran, CID.
Bankole tun paṣẹ pe ki wọn ṣawari obinrin to ra ọmọ naa ni kankan.
