Is Bola Tinubu still alive: Sanwo-Olu ní ìròyìn ikú Tinubu ló mú òun ṣàbẹ̀wò si ní London

Gomina ipinlẹ Eko, Babajide Sanwo-Olu ti sọ pe alaafia ni eekan ẹgbẹ oṣelu APC, Bola Ahmed Tinubu wa.

Tinubu lo sọ ọrọ naa lẹyin to ṣe ifilọlẹ awọn katakata mejilelọgọrun un ati ọkọ ikolẹ ọgọrun un ti ileeṣẹ kolẹ-kodọti ipinlẹ Eko, LAWMA, ṣẹṣẹ ra.

Gomina ọhun to ti kọkọ ṣabẹwo si Tinubu niluu London sọ pe "Eredi ti mo fi ṣabẹwo si olori wa ko ṣẹyin awọn iroyin iku ti mo n gbọ nipa rẹ."

"Alaafia lo wa, a sọrọ lori awọn ohun to n ṣelẹ ninu ẹgbẹ wa ati ni Naijiria lapapọ."

Sanwo-Olu tẹsiwaju pe "Alaafia lo wa nitori mo fi oju mi ganni rẹ, ko sì sí wahala kankan."

Ti ẹ ko ba gbagbe, oniruru iroyin lo ti kọkọ jade pe Tinubu ti jade laye.

Bi awọn kan ṣe n sọ pe o wa ni ẹsẹ kan aye ẹsẹ kan ọrun nile iwosan, lawọn mii n sọ pe o ti ku loke okun.

Awọn kan tilẹ sọ pe o ti to nnkan bii ọsẹ meji ti adari ẹgbẹ oṣelu APC naa ti jade laye.

Ẹwẹ, agbẹnusọ oloṣelu naa, Tunde Rahman sọ ninu atẹjade kan pe ko si nnkankan to ṣe Tinubu. "Tinubu ò kú o, àlááfíà ló wà, àmọ́..."

Ninu atẹjade naa lo ti sọ pe lootọ ni Tinubu ko si ni Naijiria lọwọ yii, ṣugbọn ko ṣaisan, bẹẹ si ni ko si nile iwosan kankan.

Kílódé tí àwọn eèyàn fi ń tẹnumọ pé Tinubu ti kú?

Lẹnu ọjọ mẹta yii iroyin kan gbode lori ayelujara pe eekan ẹgbẹ oṣelu APC, Bola Ahmed Tinubu ti jade laye. "Tinubu ò kú o, àlááfíà ló wà, àmọ́..."

Iroyin ọhun mi ori ayelujara titi nitori irufẹ ẹni ti oloṣelu naa jẹ lawujọ, paapaa ninu ẹgbẹ APC to wa lori aleefa ijọba.

Kii ṣe igba akọkọ ree ti iroyin yoo jade pe Tinubu ti ku, tabi pe o wa ni ẹsẹ kan aye, ẹsẹ kan ọrun nile iwosan.

Ṣugbọn lẹyin ti awọn iroyin bẹẹ ba ti n ja lori ayelura ni Tinubu maa n yọju si awọn ọmọ Naijria, ti yoo si sọ pe lakọ ni oun wa bi ibọn.

Awọn wo lo n fọnrere iku Tinubu?

Lara awọn to n fọnrere iku Tinubu ni gbajugbaja sọrọsọrọ loju opo Instagram ati Facebook, Esther Asabi Aboderin, ti ọpọ mọ si Esabod.

Esabod tun kọrin o di gbere o Tinubu......

Koda, o tun bu gbogbo awọn to n sunkun fun Tinubu pe o ti ku.

Bo tilẹ jẹ pe ọpọ eeyan ni ko faramọ irufẹ awọn ọrọ ti Esabod maa n sọ lori afẹfẹ, pupọ awọn eeyan lo maa n tẹti si ọrọ rẹ ni gbogbo igba to ba n ṣeto rẹ lalalẹ ọjọ Aiku.

Ninu ọkan lara awọn eto naa lo ti sọ pe "Tinubu ti ku, o ti rin jina."

Esabod ni "Tinubu ti ku o, o ti ku lati ọsẹ meji sẹyin."

Esabod tun ni ki Tinubu ba oun ki iya ati baba oun ni ọrun.

Obinrin naa tun tẹnumọ pe "Tinubu ti ku o, koda awọn angẹli ti n da seria fun bayii lori bo ṣe ta iran Yoruba fun awọn Fulani."

Yatọ si Esabod, ileeṣẹ iroyin kan to tun n sọrọ nipa iku tabi aisan Tinubu ni Sahara Reporters.

Ninu iroyin kan ti wọn fi lede, Sahara Reporters ni "Tinubu ti wa nile iwosan kan bayii nilẹ Amẹrika, o si n ṣaisan gidi."

Iroyin naa tẹsiwaju pe ara rẹ ti ko da ni ko jẹ ko kopa ninu eto idibo ijọba ibilẹ to waye lọjọ kẹrinlelogun, oṣu Keje, ọdun yii, atawọn ayẹyẹ mii to yẹ ko yọju si.

Ki ni Tunde Rahman sọ?

Ẹwẹ, agbẹnusọ oloṣelu naa, Tunde Rahman sọ ninu atẹjade kan pe ko si nnkankan to ṣe Tinubu. "Tinubu ò kú o, àlááfíà ló wà, àmọ́..."

Ninu atẹjade naa lo ti sọ pe lootọ ni Tinubu ko si ni Naijiria lọwọ yii, ṣugbọn ko ṣaisan, bẹẹ si ni ko si nile iwosan kankan.

O pari atẹjade naa pe Ọlọrun nikan lo le sọ igba ti ẹnikẹni le jade laye.

Ki ni awọn eeyan n sọ?

Lẹyin ti ileeṣẹ BBC Yoruba jabọ pe Tinubu ko ku gẹgẹ bii atẹjade ti Tunde Rahman to jẹ agbẹnusọ rẹ fi lede, ni ọpọ awọn ọmọ Najiria ti bẹrẹ si n sọ erongba wọn lori iroyin iku ọhun.

Bi awọn kan ṣe n ṣadura fun Tinubu pe Ọlọrun yoo lọra ẹmi rẹ, ni awọn kan n sọ pe ko si ohun to n jẹ iku fun oloṣelu naa lasiko yii.

Bẹẹ naa ni awọn mii sọ pe ko gbọdọ ku bayii, ayafi to ba mu awọn araalu kuro ninu iya to fi wọn si.

Gbogbo ẹ gbogbo ẹ, awọn araalu kan ti n sọ pe o yẹ ki oloṣelu naa yọju sita lati ba awọn eeyan sọrọ to ba jẹ lootọ lo ṣi wa laaye ti ko si ṣaisan.

Awon wo lo ti wa ri Tinubu bayii?

Lalẹ ana ni fọto yii ati awọn miran to safihan aworan yii jade lori ayelujara.

Ninu awọn fọto naa ni a ti ri gomina Sanwo Olu to n tukọ ipinlẹ Eko pẹlu Oloye Bola Tinubu.

Ninu fọto naa ni awọn kan ti ni o hande pe o fẹ rẹ baba diẹ bẹẹ naa ni awọn mii ni eyi ṣa ti fihan pe o ṣi wa laye.