Futa Akure: Àwọn aláṣẹ iléẹ̀kọ́ FUTA ní akẹ́kọ̀ọ́ náà, Adeyinka Daniel tí kú kí wọ́n tó gbe wá sí ''health Centre'' FUTA

Awọn alaṣẹ ileẹkọ Fasiti Federal University of Technology Akure, FUTA ti ba ẹbi ati ara akẹkọọ wọn Adeyinka Daniel kẹdun lori iku akẹkọọ naa.

Akọwe ileewe naa, Richard Arifalo ninu atẹjade ti ileewe naa fi lede salaye ohun to ṣẹlẹ nipa iku akẹkọọ naa.

Arifalo ni iroyin to tẹ awọn lọwọ ni pe lẹyin iṣẹlẹ ijamba ọkọ to waye pẹlu awọn akẹkọọ marun un naa ni agbegbe Oyemekun, ni wọn kọkọ gbe awọn marun un ọhun lọ si ileewosan aladani.

Amọ awọn mẹrin to n gba iwosan n, ti wọn si n ṣe daadaa amọ Daniel ko yipada lasiko to n gba iwosan.

Eyi lo mu ki ileewosan ni ki wọn gbe e lọ si ileewosan ijọba ni ilu Ọwọ, amọ awọn obi ọmọ naa wo pe ilu ọwọ jina ti wọn si gbe ọmọ naa lọ si ileewosan Health centre ti ileewe naa.

Amọ dokita ni igba ti wọn ma a fi de ileewosan naa, dokita to wa lẹnu iṣẹ gbiyanju lati doola ẹmi rẹ ni nkan bi aago mẹta oru, amọ o ti jẹ Ọlọrun nipe.

Gbogbo igbiyanju wọn lati doola ẹmi ọmọ naa jasi pabo, ti wọn si fẹ gbe e lọ si ile igbokusi ni idaji ni nkan bi aago mẹta owurọ pẹlu ọkọ pajawiri ileewe naa.

Amọ, dokita naa ni awọn obi kọ, ti wọn si gba lati gbe e lọ si ile lati lọ sin

Awọn akẹkọọ di opopona Akure si Ilesa lati fẹhọnuhan

Nibayii, awọn akẹkọọ ti di oju ona opopona Akure si ilesa lati fi ẹhọnu wọn han nipa akẹgbẹ wọn to ku naa, pẹlu alaye pe awọn aṣọna ni ko gba ki wọn tete gbe akẹkọọ naa lọ si ilewosan.

Awọn afẹhọnuhan naa ni ileewosan tun sọ wi po ko si epo ninu ọkọ pajawiri ti yoo gbe ọmọ naa kuro ni ileewosan naa fun itọju to peye.

Wọn ni dandan, adari ileewe naa ni awọn fẹ ba sọrọ, ti wọn si sọ wi pe ko si iṣẹ loni lati ṣedaro akẹgbẹ wọn to papoda.

Bakan naa ni awọn ọlọpaa ti wa nibẹ lati ri pe ifẹhọnuhan naa ko jasi rogbodiyan, ti ohun gbogbo si n lọ ni rọwọrọsẹ.

Wo ǹkan tí a mọ̀ nípa akẹ́kọ̀ọ́ fásitì FUTA tó kú àti ìdí tí àwọn akẹ̀kọ̀ọ́ fi faraya

Awọn akẹkọọ ileewe giga Fasiti,FUTA ni ilu Akure ti bọ si igboro lati fi ẹhọnu han lẹyin ti ọkan lara wọn gbẹ mi mi ni oru mọju lẹyin ijamba ọkọ.

Akọroyin BBC to wa nibi ifẹhọnu han naa ni inu awọn akẹkọọ naa ko dun rara, ti wọn si ti gbogbo ọna mejeeji to wọ inu ile iwe naa.

Ọkan lara awọn akẹkọọ to n fẹhọnu han naa salaye bi iṣẹlẹ to gbẹmi akẹkọọ 200 level naa ṣe waye.

''Akẹkọọ to wa ni ipele Keji (200 Level) Daniel Akinyele wa ninu ijamba ọkọ pẹlu awọn akẹkọọ mẹrin miran ni alẹ ana ni ita ileẹkọ naa.''

''Awọn akẹgbẹ rẹ gbe e digba digba lọ si ileewosan ni ita ileewe naa, amọ ileewosan naa ni ki wọn gbe lọ si ileewosan Health centre to wa ni ileẹkọ naa fun iwọsan to peye.''

''Igbiyanju awọn akẹkọọ bii tirẹ lati gbe lọ si ileewosan to wa ninu ọgba fasiti naa ni ko lọ ni irọwọrọṣẹ nitori awọn aṣọle ẹnu ọna ọgba naa ko tete fun wọn laaye lati wọn ileewe naa.''

''Lẹyin ọpọlọpọ awuye wuye ti wọn wọle tan, ni awọn oṣiṣẹ ileewosan fasiti naa ni awọn ko ni epo ninu ọkọ pajawiri to le e gbe akẹkọọ naa lọ si ileewosan ijọba ni igboro ni kiakia fun ayẹwo to peye.''

Gẹgẹ bi ọrọ awọn akẹkọọ naa, ileewosan ninu ọgba ileẹkọ naa ni Daniel dakẹ si lai gba iwosan to peye.

Awọn akẹkọọ na n fayara pe awọn alaṣẹ ileewosan ati ileewe naa to fi mọ awọn aṣọbode ti ko tete ṣilẹkun lo jẹ ki akẹkọọ naa gbẹmi mi lai tọjọ.