Covid 19 vacine updates: America kan sárá si Dókítà Ogbuagbu, ọmọ Nàìjíríà tó ṣàwárí abẹ́rẹ́ àjẹsára COVID-19 àkọ́kọ́

Ogbuagbu

Oríṣun àwòrán, others

Wo dókítà ọmọ Nàìjíríà tí àgbáyé ń wárí fún nítorí abẹ́rẹ́ àjẹsára COVID-19

Ọjọgbọn imọ nipa iṣegun oyinbo ati ajakalẹ arun ni Dokita Ogbuagu ni ile ẹkọṣẹ iṣegun oyinbo ni Fasiti Yale.

Ileeṣẹ aṣoju ijọba Amẹrika lorilẹede Naijiria ti kan sara si Onyema Ogbuagu to jẹ dokita iṣegun oyinbo kan.

Eyi ko ṣẹyin bo ṣe jẹ ọmọ bibi orilẹede Naijiria ti o si ṣe iṣẹ takuntakun nipa awari abẹrẹ ajẹsara akọkọ to ogun rẹ ṣe e fi gbari lorilẹede Amẹrika.

Ileeṣẹ apogun ni Amẹrika ni, Pfizer kede ṣaaju loṣu kọkanla pe iwadii latara abẹrẹ ajẹsara rẹ fihan pe o n ni eso to dara.

Wọn fidiẹ mulẹ pe o le ni ida aadọrun awọn to n lo abẹrẹ ajẹsara naa to n ri iwosan gba lọwọ arun COVID-19 ni America.

Oniruuru ọna l'awọn ọmọ Naijiria ti gba ko ipa ninu idagbasoke agbaye.

Oṣuba nla ree fun Dokita Onyema Ogbuagbu ni fasiti Yale fun sise iranwọ lati ṣawari abẹrẹ ajẹsara fun arun COVID-19 lorilẹ-ede Amẹrika!"

Skip Èyítí A Ń Kà Jùlọ and continue reading
Èyítí A Ń Kà Jùlọ

End of Èyítí A Ń Kà Jùlọ

Àkọlé fídíò, Oba Adedokun Abolarin ti Oke Ila: Ó ya ọ̀pọ̀ tó súnmọ́ mi lẹ́nu bí mo ṣe ń kọ́

Eyi ni ọrọ ti ileeṣẹ aṣoju ijọba orilẹede Amẹrika fi sita loju opo Twitter rẹ lọjọ Aje, ọjọ kẹtalelogun, oṣu kọkanla.

Nigba to n sọrọ pẹlu awọn akọroyin leyin ti ileeṣẹ apogun Pfizer kede abajade esi ayẹwo rẹ lori abẹrẹ ajẹsara naa,

Dokita Ogbuagbu ni omi ṣi n bẹ laamu ati pe iṣẹ ṣi pọ ni ṣiṣe lati fi da awọn eeyan loju pe ko sewu pẹlu abẹrẹ ajẹsara naa.

O ni ileeṣẹ Pfizer ati BioNTech ti wọn pawọpọ gbe abẹrẹ ajẹsara naa jade ti n beere fun iwe aṣẹ latọwọ ijọba orilẹede Amẹrika eleyii ti wọn n reti pe yoo bọ sii titi ipari oṣu kọkanla.

Àkọlé fídíò, Akọ́mọlédè àti Àṣà lórí BBC Yorùbá: Kọ̀ síi nípa iṣẹ́ tí oúnjẹ ń ṣe lára níbí

Ireti wọn ni pe wọn yoo lee pese aadọta miliọnu abẹrẹ naa titi opin ọdun 2020 ati biliọnu kan o le ọdunrun miliọnu abẹrẹ naa nigba ti ọdun to n bọ yoo ba fi pari.

Moderna, ileeṣẹ apogun miran lorilẹ-ede Amẹrika naa ti kede pe ida mẹrinlelaadọrun atabọ (94.5%) ninu awọn ẹgbẹrun lọna ọgbọn (30,000) to lo abẹrẹ ajẹsara ti wọn lo bọ lọwọ arun COVID-19.

O le ni igba awọn abẹrẹ ajẹsara miran ti iwadii lori wọn n lọ kaakiri agbaye lati koju arun COVID-19.

Ko din ni miliọnu mọkandinlọgọta eeyan to ti ko ajakalẹ arun COVID-19 lagbaye lati igba ti eegun rẹ ti kọkọ ṣẹyọ.

Orilẹ-ede China lo ti jade ni osu kejila, ọdun 2019 ti o si ti ran awọn eeyan to le ni miliọnu kan ati ẹgbẹrun lọna ọdunrun lọ sọrun.