Omotara: Mo kábámọ̀ ìwà tí mo hù sí ọmọ alágbe, mo wá a títí ṣùgbọ́n mi ò mọ ibi tó wà

Gbajumọ ori ayelujara Naijiria tiṣẹ bọ lọwọ rẹ Omotara ti ni oun kabamọ iwa aibowọfọmọlakeji ti oun hu si ọmọde alagbe kan.

Ninu fọnran fidio kan to gboju ayelujara kan la ti ri ti o ti n fi ọti ẹlẹrindodo la ọmọde yi loju ti iwa yi si mu kawọn eeyan faraya si.

Ninu ifọrọwanilẹnuwo pẹlu ileeṣẹ BBC, Omotara sọ pe lati alẹ ọjọ ti fọnran fidio naa jade loun ti n sunkun toun ko si ri orun sun.

Omotara ni: ''Mo kan fẹ tọrọ aforijin nitori gbogbo nkan to ṣẹlẹ kan n waye lera wọn ni. Mi o kan ti ẹ mọ nkan ti mo fẹ se bayi.''

''Mo ti wa ọmọ naa titi. Mo lọ lọjọ Aje, ọjọ Iṣẹgun. Titi di ba ṣe n sọrọ yi mo tun wa a lọ ti mi o si ri''

O ni bi oun ṣe n wa ọmọ naa lọ ni oun n gbe nkan lọwọ lati fun un ṣugbọn awọn ko pade.

Omotara ni: ''Gbogbo nkan ti mo gbe lọ bi i ọti ẹlẹrindodo niṣe ni mo maa n gbe e fawọn ti mo ba ri nibẹ.

Wọn ni wọn ti gbe ọmọ naa lọ si ilẹ Ariwa pada''

Kini o ṣẹlẹ sẹyin?

Ladugbo Ketu ni iṣẹlẹ yiti waye. Awọn eeyan ilu Eko si faraya nigba ti wọn ri fidio naa to ya ninu ọkọ rẹ to n fi ọti ẹlẹrindodo la ọmọde naa loju.

Niṣe ni Motara n fi ọmọ naa ṣe yẹyẹ bo ti ṣe n tọrọ ọti ẹlẹrindodo to si n sare tẹle ọkọ.

Awọn onibara to wa ni adugbo naa sọ pe awọn ko fẹ ki Omotara mọ ibi tọmọ naa wa nitori awọn ko fẹ ki nkankan ṣẹlẹ sii.

Gẹgẹ bi alaye ti Omotara ṣe pe alumajiri ni ọmọ naa.

Omotara ṣalaye siwaju fun ileeṣẹ BBC pe ''Nigba ti mo pada de ibẹ ni mo to mọ bi iwa ti mo hu ti ṣe buru to.''

Akẹkọgboye jade ni Poly Ibadan ọhun ni ''Mo ri awọn alagbe to ku ti wọn si bẹnu atẹ lu mi. Ẹbẹ ni mo ṣaa n bẹ ki wọn maa binu si mi. Mi o mọọmọ''

"Ọmọ atapata dide lemi naa, mo si tun jẹ Kristẹni. Eelo ni mo ti ni?

Kini mo ti da laye ti maa ma fi eeyan ṣe yẹyẹ?

Lowurọ oni ti i ṣe ọjọ Kẹrindinlọgbọn, oṣu Kọkanla, oju opo ayelujara Twitter gbọn akanti rẹ yọ kuro loju opo wọn tori o tako ilana Twitter ati Instagram.

Ilana to dabi ẹni pe Motara tapa si ni eleyi to ni i ṣe pẹlu''Bibu eeyan tabi didunkooko mọ ẹni keji'' tabi eyi to ni i ṣe pẹlu Bibọwọ fawọn alabase loju opo Instagram.

Awọn ilana yii ti tako ki eeyan maa tabuku ọmọlakeji loju opo ayelujara.

Nibi tọrọ yi de bayi, awọn eeyan ilẹ Faranse naa ti mu ọrọ Omotara gbọ loju opo Twitter ti wọn si faraya gidi gan an.

Omotara pàdánù isẹ́ olówó ńlá nítorí ó fi ọtí ẹlẹ́rìndòdò sódà lá ọmọ alágbe lójú

Aibọwọ fọmọlakeji ti koba gbajugbaja orí ayélujára kan to fi padanu ìṣe àkànṣe olówó ńlá to n ṣe fun ileeṣẹ ọti ẹlẹrindodo Naijiria kan.

Ọrọ yi ko ṣyin bi fidio kan to ṣafihan bi o ṣe n fi ohun mimu naa la ọmọ alagbe kan to n tọrọ jẹ lọwọ rẹ loju ninu ọkọ lasiko sunkẹrẹ fakẹrẹ ṣe gbode.

Eekan ori ayelujara yii tawọn eeyan mọ si Motara fi fidio bi o ṣe n fi mínírà la ọmọdebinrin kan to n bẹ ẹ loju.

Motara si jẹ ki ọmọ yii sare le ọkọ rẹ tori ko kan le re kekere mu lara ọti ẹlẹrindodo naa.

Awọn ọmọ Naijiria ti gbana jẹ lorii fidio yii to bẹẹ tawọn kan n wọn kobiewu epe fun gbajugbaja ori ayelujara yii.

Mílíọ́nù mẹ́wàá Náírà ni ilé ẹjọ́ ni kí Kábíyèsí san gẹ́gẹ́ bí owó ìtaran ilẹ̀ tí ó gbà lọ́nà àìtọ́

Wo ọ̀nà tí ọrọ̀ ajé Naijiria tó dẹnu kọlẹ̀ gba kàn ọ

Ẹran ara ọlọ́pàá di èkìrí ẹran súyà, wo àwọn tó jẹ́ níbẹ́..

Wọ́n ti rí òkú Alága ẹgbẹ́ APC ní Nasarawa tí àwọn agbébọn jí gbé lọ́jọ́ Satide

Fidio to tan kalẹ yii jade lẹyin ọjọ diẹ ti Motara ṣẹṣẹ kọ itan soju opo rẹ to n ṣalaye bi nkan ṣe le fun oun ati iya rẹ ti iya n kiri ọja loju popo ko to wa di pe papa oko rẹ di tutu to di ọlọrọ.

Lawọn eeyan ba n fọnmu pe loun to mọ aawọ iṣẹ to si tọ ọ wo daadaa, ko yẹ ki Motara ṣe ọmọbinrin kekere yẹn bẹẹ.

Arabinrin Motara to n gbe niluu Ibadan yii fi sita pẹlu alaye pe oun kan n mu ọmọ naa ṣere ni ati pe oun pada fun un lowo.

Ṣugbọn alaye yii ko dabii pe o tẹ awọn ileeṣẹ to n ṣe ọti ẹlẹrindodo ti Motara fi n la ọmọ naa loju lọrun.

Ileeṣẹ Brothers Keeper to n ṣe ọti naa eyi ti Mọtara mu lọwọ ninu fidio ọhun ti fi atẹjade sita gbangba pe awọn yoo da gbajugbaja ori ayelujara yii duro gẹgẹ bii alukoro ati agbẹnusọ ileeṣẹ awọn.

Ileeṣẹ naa kọjalẹ pe ohun ti Motara ṣe lodi si igbagbọ ati afojusun awọn pe o n foju tẹmbẹlu eeyan.

Ni idahun, Motara ti fi ọrọ itọrọ aforiji sita fawọn ololufẹ rẹ pe oun ro pe ẹfẹ lohun ti oun ṣe yoo mu wa ni amọ oun tọrọ aforiji.

Ko jẹ bo ṣe jẹ, awọn ọmọ Naijiria ti n wa ọna ati kowojọ lati mu ọmọdebinrin alagbe naa kuro loju popo ki wọn si ran an lọ ileewe.

Ìjọba Naijiria faraya nínú lẹ́tà tó kọ sí CNN lórí ìwádìí rẹ̀ nípa ìṣẹ̀lẹ̀ Lekki Toll Gate

Iṣu ata yáan yàan! Iṣẹ́ fẹ́ bọ́ lọ́wọ́ ọlọ́pàá tó gba N100k lọ́wọ́ awakọ̀ tó gba"One way" l'Eko

Kíni àjọ ọlọ́pàá ń ṣe lórí bí agbófinró ṣe ń ṣèèṣì pànìyan lójoojúmọ́?

Wọ́n ti fòfin ọdún márùn ún de Aàrẹ̀ CAF, Ahmad Ahmad