Ooni of Ife: Àwòrán ọmọ mi kọ́ lẹ ń rí lórí ayélujára o, ọmọ ọ mi ń ṣètùtù lọ́wọ́- Ọba Adeyeye Ogunwusi

Èyí ni ohun tí Ọọ̀ni sọ nípa Àrẹ̀mọ rẹ àti ètùtù tó ń ṣe lọ́wọ́

Laipẹ yii ni awọn eeyan kan n gbe fọto kan kiri lori ayelujara tiwọn kan ni o jẹ ti Arẹmọ tuntun ti Ọọni Ile Ifẹ, Ọba Adeyẹye Ogunwusi ṣẹṣẹ bi

Amọṣa, Kabiyesi Ọọni ti pariwo sita pe aworan naa kii ṣe ti Arẹmọ oun.

Ninu ọrọ kan ti o jade lati ile Oodua ti ṣe Aafin Ọọni nilu Ile Ife, ni wọn ti ni aworan Arẹmọ Ọọni ko tii jade sọwọ ẹnikẹni.

Koda, wọn fidiẹ mulẹ pe nigbakugba ti Kabiyesi yoo ba fẹ ki agbaye ri oju Arẹmọ, oun funrarẹ ni yoo fi aworan naa sita gẹgẹ bi i baba ọmọ.

Atẹjade naa tun jẹ ko di mimọ pe, awọn etutu gbogbo to yẹ n lọ lọwọ fun Arẹmọ gẹgẹ bi iṣẹṣe ṣe laa kalẹ,

Ati pe, o si di igba ti wọn ba pari awọn etutu wọnyi ki ẹnikẹni to lee ri Arẹmọ Ọọni naa.

"Baba rẹ, Aroke Ooduduwa, Olofin Adimula, Ooni Adeyeye Enitan Ogunwusi, Ojaja II, Ooni Ife to ni gbogbo aṣẹ lati fi oju ọmọ naa han fun araye

ko tii ṣe bẹẹ nitori pe awọn etutu gbogbo to yẹ lati fi ki Arẹmọ kaabọ ṣin lọ lọwọ".