బీజేపీ మేనిఫెస్టో: ఉమ్మడి పౌర స్మృతి నుంచి ‘ఒకే దేశం ఒకే ఎన్నిక’ వరకు ఏయే అంశాలు ఉన్నాయంటే?

భారతీయ జనతా పార్టీ (బీజేపీ) 2024 లోక్‌సభ ఎన్నికల మేనిఫెస్టోను ఆదివారం విడుదల చేసింది. ఈ మేనిఫెస్టోకు ‘మోదీ గ్యారంటీ సంకల్ప పత్రం’ అనే పేరు పెట్టారు.

దిల్లీలోని పార్టీ కార్యాలయంలో ప్రధాన మంత్రి నరేంద్ర మోదీ, బీజేపీ అధ్యక్షుడు జేపీ నడ్డా, కేంద్ర హోం మంత్రి అమిత్ షా, రక్షణ మంత్రి రాజ్‌నాథ్ సింగ్‌ల సమక్షంలో ఆదివారం ఈ మేనిఫెస్టోను విడుదల చేశారు.

బీజేపీ సీనియర్ నాయకుడు, రక్షణ మంత్రి రాజ్‌నాథ్ సింగ్ మాట్లాడుతూ.. ‘‘మేం చెప్పింది చేసి చూపిస్తాం’’ అని అన్నారు.

‘‘జమ్మూకశ్మీర్‌లో ఆర్టికల్ 370ను రద్దు చేసి చూపిస్తామని గతంలో హామీఇచ్చాం. దాన్ని చేసి చూపించాం. మహిళలకు చట్టసభల్లో రిజర్వేషన్లపై కూడా హామీ ఇచ్చాం. దాన్ని కూడా పూర్తిచేశాం’’ అని ఆయన చెప్పారు.

బీజేపీ కొత్త మేనిఫెస్టోలో 24 సెక్షన్లు ఉన్నాయి. సుపరిపాలన, దేశ భద్రత, పారిశుద్ధ్యం, స్పోర్ట్స్ అభివృద్ధి, పర్యావరణం తదితర సెక్షన్లు దీనిలో ఉన్నాయి.

మోదీ గ్యారంటీ పత్రం 24 క్యారెట్ల బంగారమంత మంచిదని రక్షణ మంత్రి రాజ్‌నాథ్ వ్యాఖ్యానించారు.

దేశంలో లోక్‌సభ ఎన్నికలు ఏడు దశల్లో జరుగనున్నాయి. ఏప్రిల్ 19న తొలి దశ పోలింగ్ జరుగుతుంది.

‘ఒకే దేశం- ఒకే ఎన్నిక’తో పాటు ఉమ్మడి ఓటర్ల జాబితా (కామన్ ఎలక్టోరల్ రోల్)ను తీసుకొస్తామంటూ మేనిఫెస్టోలో పేర్కొంది.

దేశం మొత్తం బీజేపీ మేనిఫెస్టో కోసం ఎదురుచూస్తోందని, దానికి కారణం బీజేపీ ఇచ్చిన ప్రతీ హామీని నెరవేర్చడమే అని మేనిఫెస్టో విడుదల సందర్భంగా ప్రధాని మోదీ అన్నారు.

యూనిఫామ్ సివిల్ కోడ్ (యూసీసీ)కు బీజేపీ చాలా ప్రాధాన్యం ఇస్తుందని ఆయన వ్యాఖ్యానించారు.

మేనిఫెస్టోలోని ముఖ్యాంశాలు

కాంగ్రెస్ మేనిఫెస్టోలో ఏముంది?

ఏప్రిల్ 5న కాంగ్రెస్ పార్టీ తమ మేనిఫెస్టోను విడుదల చేసింది. దీనికి ‘న్యాయపత్రం’ అనే పేరు పెట్టింది.

ఈ మేనిఫెస్టోలో ఎస్సీ, ఎస్టీ, ఓబీసీల కోసం 50 శాతం రిజర్వేషన్ల పరిమితిని పెంచుతామని పేర్కొంది. ఇందుకోసం రాజ్యాంగ సవరణ తీసుకొస్తామని హామీ ఇచ్చింది.

కాంగ్రెస్ ప్రభుత్వం అధికారంలోకి వస్తే కనీస మద్దతు ధర కల్పిస్తామని పేర్కొన్నారు.

కాంగ్రెస్ మేనిఫెస్టో ముఖ్యాంశాలు

ఇవి కూడా చదవండి:

బీబీసీ తెలుగును ఫేస్‌బుక్ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)