Mgogoro wa Ukraine: Marekani yaionya China dhidi ya kuisaidia Urusi
Chanzo cha picha, EPA
Marekani inasema China itakabiliwa na "athari kali" ikiwa itaisaidia Urusi katika uvamizi wake nchini Ukraine, kulingana na ripoti za vyombo vya habari vya Marekani.
Maafisa ambao hawakutajwa waliripotiwa kuviambia vyombo vingi vya habari vya Marekani kwamba Urusi iliiomba China kutoa msaada wa kijeshi baada ya kuanza uvamizi huo.
Hata hivyo, ubalozi wa China mjini Washington ulisema haufahamu ombi hili.
Onyo hilo linawadia kabla ya mkutano utakaofanyika mjini Rome siku ya Jumatatu kati ya maafisa wakuu wa Marekani na China.
Tangu kuanza kwa mzozo huo, Beijing imeonyesha uungaji mkono mkubwa wa kejeli kwa mshirika wa muda mrefu Moscow, lakini haijulikani hadharani kutoa msaada wowote wa kijeshi au kiuchumi.
Hata hivyo vyombo vya habari vya ndani vikiwanukuu maafisa wa Marekani, vinasema kuwa Urusi katika siku za hivi karibuni imeiomba China mahsusi kwa vifaa vya kijeshi, zikiwemo ndege zisizo na rubani.
Jibu la China kwa ombi hilo halijulikani.
Katika mahojiano na CNN, Mshauri wa Usalama wa Taifa wa Marekani, Jake Sullivan alisema "kuwasiliana moja kwa moja, au kwa faragha na Beijing kwamba kutakuwa na athari katika juhudi kubwa za kukwepa vikwazo au kusaidia Urusi kunarudisha nyuma.
"Hatutaruhusu hilo kutokea na kuruhusu kuwe na njia ya Urusi kujiokoa kutokana na vikwazo hivi vya kiuchumi kwa kupata msaada kutoka nchi yoyote, popote duniani."
Aliongeza kuwa wakati Marekani inaamini kwamba China inafahamu kuwa kiongozi wa Urusi Vladimir Putin "anapanga kitu" kabla ya uvamizi huo kutokea, Beijing "Huenda isielewa kiwango kamili juu ya hili.
"Kwa sababu inawezekana sana kwamba [Bwana] Putin aliwadanganya jinsi alivyodanganya Wazungu na wengine," Bw Sullivan alisema.
Bw. Sullivan anatazamiwa kukutana na Yang Jiechi, mjumbe wa baraza kuu la maamuzi la China, na mkuu wa Tume Kuu ya Masuala ya Kigeni, Jumatatu mjini Roma.
Shirika la habari la Reuters lilimnukuu afisa mmoja wa Marekani akisema kuwa wakati wa mkutano huo Bw Sullivan ataeleza athari na kutengwa China itakabiliwa nayo ikiwa itaongeza uungaji mkono kwa Urusi.
Liu Pengyu, msemaji wa ubalozi wa China mjini Washington DC, aliviambia vyombo vya habari vya Marekani kwamba hajasikia ombi hilo la Urusi. Aliongeza: "Kipaumbele kikubwa kwa sasa ni kuzuia hali ya wasiwasi kuongezeka au hatari ya kutoweza kudhibitika tena."
China hadi sasa imejizuia kulaani Urusi kwa uvamizi huo, na imesema "maswala halali ya usalama" ya Moscow yanapaswa kuzingatiwa kwa uzito.
Vyombo vya habari vya serikali ya China na maafisa wa serikali, kando na kuunga mkono rasmi Urusi inasema kuwa "ni operesheni maalum ya kijeshi" na sio uvamizi, pia wamekuwa wakirudia madai ya kizushi ya Urusi kuhusu vita katika siku za hivi karibuni.
Lakini Beijing wakati huo huo imeonyesha "uungaji mkono usioyumba" kwa uhuru wa Ukraine.
Na kutoa wito wa amani, na imesema iko tayari kusaidia kumaliza vita kupitia diplomasia.
Nchi kadhaa zimeitaka China kufanya juhudi zaidi kukomesha uvamizi wa Urusi.
EU na Marekani zitasaidia Ukraine, China itasaidia Urusi.
ikiwa hivyo, basi ni maelezo ambayo yatafanya vita vya Ukraine kuwa na athari nyingi zaidi.
Ikulu ya Marekani imeamua kuweka hadharani madai yake kama vile mshauri mkuu wa usalama wa Rais Biden anatarajiwa kukutana na mwanadiplomasia mkuu wa China.
Inaonekana kuwa ni hatua ya kimkakati, kuweka shinikizo kwa China.
Labda kuthibitisha au kukataa madai hayo.
Lengo kubwa linaweza kuwa kujaribu kumfanya Xi Jinping kupima faida na hasara kwa msimamo wake wa sasa wa kile ambacho wiki iliyopita kiliitwa "uhusiano thabiti" na Moscow.
Kumbuka kwamba ilikuwa wiki chache zilizopita, wakati Michezo ya Olimpiki ya Majira ya baridi ilifunguliwa huko Beijing, ambapo Rais Xi na Putin walitangaza muungano mpya ambao "hauna kikomo".
Msaada wa kijeshi unaweza, kwa wazi, kuwa sehemu ya hiyo.
Lakini katika siku chache baada ya uvamizi wa Urusi, China imeilaani Uingereza, Marekani na nchi nyingine kwa kutoa silaha kwa wanajeshi wa Ukraine, ikisema walikuwa wakiongeza "mafuta kwenye moto".
Ikiwa tathmini ya kijasusi ya Marekani ni sahihi na Beijing ikafuata ombi hilo, basi wao pia watakuwa "wanaongeza mafuta kwenye moto".
Mengi zaidi unayoweza kusoma
TANGAZAO LA KUIUZA CHELSEA:Chelsea: Roman Abramovich anasema ana mpango wa kuiuza klabu hiyo
MATAJIRI WENGINE URUSI:Urusi na Ukraine: Wafahamu wanaume mabilionea wa Urusi wanaokabiliwa na vikwazo vya dunia kwa kuwa na ushirika na Putin
