BBC News, پښتو - کور پاڼه

ټرمپ: په ایران کې د نوي مشرتابه د موندلو وخت راغلی

د امریکا ولسمشر ډونلډ ټرمب د ايران په اړه په خپلو وروستيو څرګندونو کې د ايران د روحاني مشر علی خامنه ای د ۳۷ کلنۍ واکمنۍ د پایته رسولو غوښتنه کړې ده. نوموړي د شنبې په ورځ له پولېټېکو رسنۍ سره په مرکه، وویل، "اوس د ايران لپاره د نوي مشرتابه د لټون وخت دی". ډونلډ ټرمپ ویلي، ایت الله علی خامنه ای د "خپل هېواد د بشپړ ویجاړولو" مسئول دی.

د ایران روحاني مشر په لومړي ځل ومنله چې په احتجاجونو کې زرګونه کسان وژل شوي

د ایران روحاني مشر ایت‌الله علي خامنه‌ای ادعا کوي چې، د ده له نظره د امریکا ولسمشر ډونلډ ترمپ د ایران په وروستیو دولت ضد احتجاجونو کې د لاس لرلو له کبله "مجرم" دی. خامنه ای نن شنبه (د جنورۍ ۱۷مه) د خپلو پلویانو یوې غونډې ته ویلي، د ایران اسلامي جمهوریت امریکا ولسمشر په احتجاجونو کې د اوښتې "د مرګژوبلې، زیانونو او د ایران د ملت تورنولو له کبله مجرم ګڼي."

محمود خان اڅکزي په پاکستان کې زېږیدلو افغانانو ته د تابعیت د نه ورکړې پرېکړه غندلې

د پاکستان په پارلمان کې د اپوزیسیون نوي مشر محمود خان اڅکزي په خپله لومړۍ وینا کې د افغانستان په تړاو د پاکستان د حکومتونو تګلارې ننګولي دي. ښاغلي اڅکزي چې د جمعې پر ورځ یې له رسنیو سره خبرې کولې له افغانستان سره د اړیکو په تړاو د یوې پوښتنې په ځواب کې وویل " د پاکستان له حکمرانانو غټه ګیله دا ده چې دوی د حکومتوالۍ په داسې ناسمو تګلارو روان دي چې دوښمني پیدا کوي."

ایا د کولمو روغتیا زموږ پر زړښت اغېز لري؟

په داسې حال کې چې د روغتیا په تېره بیا د کولمو او هاضمې په اړه د مطالبو کتلو او لوستلو لېوالتیا ډېره شوې موږ دلته د کولمو د روغتیا په اړه وروستیو څیړنو ته اشاره کوو. همدې لېوالتیا ته په کتو به مو لېدلي وي چې په ټولنیزو رسنیو کې یو شمېر اغېزناک یا نفوذ لرونکي کسان د روغتیا لپاره د رنګا رنګ ویټامینونو، منرالونو، نسخو او یا نورو عادتونو په اړه غږېږي او اعلانونه کوي.

د طالبانو حکومت مشرتابه کې اختلاف؛ بي بي سي د انټرنېټ پرې کېدو تر شا د نظرونو له ټکره پرده پورته کوي

بي بي سي د طالبانو د حکومت د مشر هبت الله اخوندزاده یو غږیز کلیپ ترلاسه کړ، چې په ډاګه یې کړه، د ده تر ټولو لویه اندېښنه څه ده، دا کوم بهرنی ګواښ نه دی، بلکې د افغانستان له دننه یو خطر دی. دی د "خپلمنځي تقابل" په تړاو خبرداری ورکوي چې د "اسلامي امارت" په اډانه کې به'ځینې' کسان یو د بل پر وړاندې ودروي.

درس