BBC News, پښتو - کور پاڼه

ټرمپ: یوه لویه بېړۍ د ایران پر لور روانه ده، خو هیله ده چې نه به کارول کېږي

افغانستان کې د واورې د ورښتونو له کبله خلکو ته درانه مالي او ځاني تلفات اوښتي

افغانستان کې وروستیو ورښتونو له کبله له ۴۰ زیات کسان مړه شوي او ډېرو برخو کې برېښنا پرې شوې. د طالبانو د حکومت د پېښو پر وړاندې د ملي چمتووالي ادارې ویاند ویلي، چې د افغانستان په بېلابېلو ولایتونو کې د وروستیو واورو ورېدو له امله د قربانیانو شمېر له څلوېښتو کسانو اوښتی دی. د دې ادارې ویاند محمد یوسف حماد پرته له دې چې پوره معلومات ورکړي، بي ‌بي ‌سي ته ویلي، چې له ۳۰۰ څخه زیات کورونه هم ویجاړ شوي دي.

۱۹ کلنه افغان کرېکټ لوبډله څرنګه نیمه پایلوبو ته رسېدای شي؟

په زمبابوې او نیمیبیا کې د ۱۹ کلنو کرېکټ نړیوال جام کې افغانستان د ګروپ پړاو درې واړه لوبې وګټلې او له خورا پیاوړي دریځ سره دویم پړاو ته ورسېد. د ۲۰۲۶م کال نړیوال جام د نورو پرتله بېل جوړښت لري. دلته د لومړي پړاو ۱۶ لوبډلې په څلورو ګروپونو کې ځای شوي چې د پیل درې لوبډلې یې نیمه پایلوبو ته د رسېدو لپاره په دویم پړاو کې په نورو ګروپونو کې بخت ازمویي. په تېرو نړیوالو جامونو کې به د منځلوبو له پړاوه لوبډلې تېرېدې.

اووه نورو هېوادونو د ټرمپ له 'سولې بورډ' سره د یوځای کېدو موافقه وکړه

اووه هېوادونو چې سعودي عرب، ترکیه او مصر هم پکې شامل دي، په یوه شریکه اعلامیه کې ویلي چې دوی به د غزې لپاره د امریکا ولسمشر ډونلډ ټرمپ ''د سولې بورډ'' سره یوځای شي. بل لور سعودي عرب وايي، د مسلمان اکثریت لرونکو هېوادونو دا ډله، چې سعودي عرب، ترکیه، مصر، اردن، اندونیزیا، پاکستان او قطر هم پکې دي، د غزې د دایمي اوربند ټینګښت، د بیا رغونې د ملاتړ، او د هغه څه د پرمخ وړلو ملاتړ کوي چې دوی یې ''عادلانه او تلپاتې سوله'' بولي.

ګوادر: هند ته وړاندیز شوی بندر چې پاکستان وپېره

ګوادر بندر چې له عرب نړۍ سره د چین او منځنۍ اسیا د نښلولو لپاره اوس ستراتیژیک اهمیت لري، یو وخت د عمان له لوري اداره کېده. هند دې بندر ته زړه ښه نه کړ، پر ځای یې سیال پاکستان وپېره او بل اقتصادي او سیاسي سیال یې چین له دې لارې له عرب نړۍ سره نښلېدو ته مټې نغښتې دي.

درس