Gịnị mere nwoke jiri nwụchie arụsị ndị Opi Nsukka?

Eze Willy Ezeugwu bụ Igwe obodo Opi Nsụka dị n'Enugwu steeti etinyela ọnụ n'ihe gbasara arụsị otu nwaokoroọbịa a kpọrọ Nnajiofor Donatus bupuru n'obodo ha.

O kwuru sị na onye ọbụla bupuru arụsị obodo Ibeku Opi Nsukka dara iwu.

Igwe Ezeugwu kwuru sị "onye ọbụla kwenyere n'arụsị ga-ekwenye n'arụsị, onye ọbụla kwenyere n'ụka ga-ekwenye n'ụka. Omenala dị dịrị na-aga. Ọ bụrụ na ị gakwuru arụsị sị ya na ị kwere ya nkwa, ị mezughi ihe o kwere, ọ gwụchaala etu ọ ga-esi metụta gị.

Ya mere, nwamadi ahụ kwesịrị iche echiche mara ma e nwere ihe o kwere arụsị na nkwa ọ na-emeghi."

Mana gịnị mere Nnajiofor ji maburu arụsị ahụ pụọ?

Akụkọ kọrọ na Nnajiofor kwuru na arụsị obodo ahụ na-egbochi ọganihu kwesịrị iru ndị obodo Ibeku Opi aka.

O kwuru na ya na onwe ya na-azụ ahịa mmanụ aṅụ, adaala n'azụmahịa ahụ n'ihi arụsị ahụ.

O jizi iwe buru arụsị ahụ gawa n'ụlọụka St.Theresa Katọlik dị na Nsụka, ebe ndị uweojii bịara kpara ya na arụsị ahụ aka ma kpọchie ha n'ụlọmkpọrọ.

Akụkọ ka na-abịa.

Akụkọ ndị ga-amasị gị: