A tụọla Akwa Ọkụkọ mkpọrọ ọnwa iri na otu

otu elekere gara aga

Oge e ji agụ akụkọ nkeji 2

Ụlọikpe Ukwu dị n'Ọka, isi obodo Anambara steeti atụọla Chidozie Nwangwu a ma ama dịka 'Akwa Ọkụkọ' mkpọrọ ọnwa iri na otu maka ebubo metụtara ịgwọrọ ndị mmadụ ọgwụ ego nke a kpọrọ 'Oke Ite'.

N'ikpe e kpere taa bụ Fraịde 27 Febụwarị 2026, ka Akwa Ọkụkọ bụ dibịa a ma ama kwetara n'ebubo ndị e boro ya tupu ọkaikpe nye mkpebi ahụ.

Skip content and continue reading

Akwa Ọkụkọ enwerela onwe ya n'aka ndị ntọ16 Febụwarị 2025
Ebuka Obi, Junior Pope, Obi Cubana, AnyiDons na akụkọ ndị ọzọ BBC Igbo mere wuru ewu n'afọ 20244 Jenụwarị 2025
Akwa Okuko, Eke Hit and Onye eze jesus show for court to answer allegations ontop Oke-ite4 Eprel 2025

End of content

Cheta na Gọọmenti Anambara Steeti nwụchiri mmadụ atọ gụnyere Akwa Ọkụkọ, Onyeze Jesus na Eke-Hit maka ebubo ịgwọrọ ọgwụ ego, inwe mekọ ha na ndị na-ebu ọgwụ ike, na ịgwọrọ ndị ntọ ọgwụ nke megidere iwu nke Anambara steeti.

Ihe ndị ọzọ ọkaikpe kpebiri n Akwa ọkụkọ nọchaa na mkpọrọ na ọ ga ama ọkwa n'ọha kwuo na ọ jula okeite na ọgwụ ndị yiri ya.

Ọzọ bụ a ga-ebibi ọkwu arụsị ya dị n'Oba.

N'aka nke ọzọ, ọ pụtana mkpọrọ, ọ ga-abụzi onye nnọchiteanya na-agbasa ozi(ambassador) nye ndị ntorobia na okeite abụ aghị ezigbo ihe

Vidio