Kan argaa jirtan oduu barreeffamaan qofa marsaritii keenya daataa xiqqaan hojjetudha. Fuula isa guutuu suuraaleefi viidiyoowwan qabate banadhaa.
Gara fuula marsariitii guutuutti na geessi
Filannoo daataa qusatu fayyadamu kanarratti hubannoo dabalataaf
Koronaavaayiras: Jiilli Ogeeyyii fayyaa Chaayinaa Finfinnee gale
Ogeeyyiin Fayyaa Chaayinaa duula Itoophiyaan Koroonaavaayiras to’achuuf gaggeessutu deeggaruuf Finfinnee galan.
Jiilli Ogeeyyii fayyaa 12 of keessaa qabu kun guyyaa har’a Finfinnee buufata xiyyaaraa Boolee yeroo gahan Ministira Fayyaa Itoophiyaa Dr. Liyaa Taaddasaan simatamaniiru.
Ogeeyyiin Fayyaa Chaayinaa kun turtii isaanii kanaan muuxannoo Chaayinaan to’annoo Koronaavaayiras irratti horatte ogeyyii fi dhabbilee fayyaaf ni qooduu jedhameera.
Chaayinaa jila Ogeeyyii Fayyaa kan biros gara biyya Afrikaa biro Burkinaafaasoottis ergiteetti.
Dubbii himaan ministeera haajaa alaa Chaayinaa biyyi isaanii biyyootni Afrikaa weerara Koroonaavaayiras to’achuuf sochii taasisan akka deeggartu himaniiru jechuun Fana Broodkaastiing gabaaseera.
Ministeerri Teknoolojiifi Innoveeshinii Itoophiyaa torban darban keessa Chaayinaan dawaaa aadaa sadarkaawwan jalqabaa lama koroonaavaayiras yaaluuf itti fayyadaman Itoophiyaaf erguuf waliigaluu ishees beeksisee akka ture ni yaadatama.
Ogeeyyiin kun gara Afrikaatti ergamuun hariiroon Afrikaaf Chaayinaa daranuu kan cimu ta'uuf arsiiftuudhaa jedhaniiru dubbii himaan ministeera Haaja Alaa Chaayinaa. Biyyoota Afrikaa lamaan kanaan dabalataan Saawdii Arabiyaattis ogeeyyii ni ergamuu jedhameera.
- SALPHAATTI ADDA BAASUUF: Mallattoowwan koronaavaayirasii maal fa'i?
- KORONAAVAAYIRASII: Gaaffilee keessaniif deebii
- MAAL GOCHUUN QABA: Walirraa fagaachuufi adda of baasanii turuu
- WANTOOTA SAGAL: Waa'ee koronaavaayiras nuti hin beekne
- QUBA QABDUU?: Wal-qunnamtii saalaa fi Koronaavaayiras
