Ghana elections 2020 winner: Nana Akufo-Àddo àti John Dramani ló jọ ń díje lọ́là

Idije dupo aarẹ ni orilẹ-ede Ghana

Oríṣun àwòrán, Getty Images

Lọjọ keje, oṣu kejila, ọdun 2020 ni awọn eeyan orilẹ-ede Ghana maa ni anfani lati yan ẹni to wu wọn sipo aarẹ.

Awọn oludije mejila ni gbogbo awọn to n dije dupo naa bayi.

Awọn eekan meji ni ariwo pọ lori iyansipo wọn.

Nana Akufo-Addo lati ẹgbẹ oṣelu NPP ati John Mahama lati ẹgbẹ oṣelu NDC ni wọn n sọ nipa wọn ju, eyi lo si fa nkan mẹrin to ya eto idibo yii sọtọ.

Nkan to kọkọ ya idibo yii sọtọ nipe idije naa tun dabi atunṣe bii ti atẹyinwa ni.

Igba kẹta ree ti Nana Akufo-Addo ati John Mahama maa jọ figagbaga ninu idije dupo aarẹ Ghana.

Ghana

Oríṣun àwòrán, facebook

Wo ǹkan mẹ́rin tó yẹ kí o mọ̀ nípa ètò ìdìbò aàrẹ Ghana tó máa wáyé lọ́la

Wọn kọkọ jọ pade lọdun 2012, lẹyin naa lọdun 2016 ati lọdun 2020 yii.

Eyi to jẹ igba ikẹta yii si ni igba ikéyin ti wọn a jọ pade jọ dije dupo ni igbesi aye wọn.

Eyi waye nitori pe ẹnikẹni ninu wọn to ba wọle yoo pari saa keji rẹ ni eyi to jẹ aṣegbẹyin nitrori pe ko si saa kẹta.

Àkọlé fídíò, Ìgbátí ìgbámú àná látọwọ́ sọ́jà obìnrin ti bá arákùnrin náà dé iléèwòsàn

Ohun miran to ya idije ti ọdun yii sọtọ ni pe awọn olugbe orilẹ-ede Ghana ti dan awọn mejeeji wo ri.

Eyi difa fun pe wọn yoo yan ninu ijọba to n kọ nkan amayedẹrun ati ijọba to n ṣamojuto eto ọrọ aje.

Lọdun 2012 si 2016 ni John Mahama polongo nipa ipese ohun amayederun

O kọ awọn ile iwosan, opopona, ati awọn nkan mii ti awọn eeyan n mọ riri rẹ lẹyin to kuro nipo.

Ni ti aarẹ Akufo-Addo, ipolongo to n ṣe da lori eto ọrọ aje, eto ọgbin, ati ipese iṣẹ yatọ si ikoju ajakalẹ arun Covid 19.

Ti Ghana ba dibo fun NDC o tumọ si pe ohun amayedẹrun ni wọn yan ṣugbọn ti wọn ba dibo fun Nana akufo-Addo lẹẹkan sii, o tumọ si pe eto ọrọ aje ni wọn fẹ ko fi ẹsẹ mulẹ sii.

Àkọlé fídíò, India: Ẹ wo bí àwọn ènìyàn ṣe dóòlà èmí erin tó jálulẹ̀

Bawo ni a ṣe maa mọ ẹni to ba jawe olubori ni Ghana?

Ibi mẹta gboogi ni yoo sọ ẹni to maa wọle ninu awọn oludije mejila naa.

Accra, Central ati Western ni gbogbo oju wa bayii.

Àkọlé fídíò, Èyìí ni báwọn ọ̀dọ́ orílẹ̀èdè Ghana ṣe ń wa kùsà góòlù lọ́nà kòtọ́ láti rówó

Iye ibo to ba wa lati ẹkun Ashante naa yoo ṣe daadaa fun NPP nigba ti ibo to ba wa lati ekun Volta yoo ran NDC lọwọ.

Fun idi eyi, ninu idibo to m bọ ni ọla lati awọn ẹkun yii ni a o ti mọ bi ohun gbogbo yoo ṣe ri fun ẹni ti yoo gba ade aarẹ Ghana.