Ibadan clash: Rògbòdìyàn bẹ́ sílẹ̀ láàrin àwọn ọlọ́kadà àti àwọn òṣìṣẹ́ ọgbà ẹ̀wọ̀n ní Ibadan

Rogbodiyan bẹ sile laarin awọn ọlọkada ati awọn oṣiṣẹ ọgba ẹwọn n'Ibadan.

Ọrọ di boo lọ ki o ya fun mi lọwurọ ọjọ Iṣegun ni agbegbe gate nilu Ibadan nibi ti rogbodiyan ti bẹ silẹ laarin awọn ọlọkada ati awọn oṣiṣẹ ọgba ẹwọn to n bẹ ni Agodi.

Ohun ti o ṣoju mi koro sọ ni pe ọkan lara awọn oṣiṣẹ ọgba ẹwọn naa lo ṣekupa ọlọkada kan ti ọṣiṣẹ ọgba ẹwọn naa si fi ara pa ni agbegbe ti wahala naa silẹ.

Ọpọlọpọ awọn awakọ ati awọn eeyan to n fi ẹsẹ rin lo lọri pada si ibi ti wọn ti n bọ lati ti ọrọ naa di wọlukọlu.

Nibayii awọn oṣiṣẹ ọlọpaa ati ileeṣẹ ologun ti duro wamuwamu si gbogbo agbegbe naa titi ti o fi de agbegbe Total Garden.

Lasiko to n fi idi ọrọ naa mulẹ, alukoro ileeṣẹ ọlọpaa nipinlẹ Ọyọ,

Gbenga Fadeyi ṣe alaye pe lootọ ni ifanfa waye ni agbegbe naa, "ṣugbọn awọn ọlọpaa ati ẹṣọ aabo mii ti yọju sibẹ lati le mu ki alafia j'ọba".

Fadeyi fi kun ọrọ rẹ pe ọlọpaa ko yinbọn fun ẹnikẹni nibẹ tako iroyin to gba ori ayelujara kan wi pe ọlọpaa yinbọn nibẹ.